Yesaya 45:13 - BAIBLO ALOO NGMAMI KLƆUKLƆU Ɔ

¹³ Imi nitsɛ nɛ i hla Sirus nɛ i wo lɛ he wami, konɛ e pee nɔ́ tsuaa nɔ́ pɛpɛɛpɛ. Ma ha e blɔ ɔmɛ tsuo maa da tlɔmɔɔ. E maa ma ye ma Yerusalem ɔ ekohu, nɛ e maa ngmɛɛ ye nyɔguɛ ɔmɛ a he nɛ a ye a he. Nɔ ko nɔ ko bɔɛ lɛ apaa, nɛ nɔ ko nɔ ko hu ha we lɛ nyɔ mi ní ke e tsu nɔ́ nɛ ɔ.” Yawɛ, Tabohiatsɛ ɔ lɛ de.

Yesaya 45:13 ပူးပေါင်းရင်းမြစ်များ

Yesaya 41:2

“Jamɛ a kunimi yelɔ ɔ nɛ yeɔ kunimi ngɛ he tsuaa he ɔ, mɛnɔ lɛ ngɔ lɛ kɛ je beleku je kɛ ba? Mɛnɔ haa nɛ e yeɔ matsɛmɛ, kɛ je ma amɛ a nɔ ɔ? E kɛ e klaate peeɔ mɛ butuu kaa bunyuku, nɛ e kɛ̃ɛ̃ ɔ gbɛɛ mɛ fĩaa kaa nga nɛ kɔɔhiɔ muɔ kɛ yaa.

Yesaya 49:25

Yawɛ he nɔ ke, “Niinɛ, katsɛ ta yibu ní ɔ, a ma nyɛ kpɔ ngɛ e dɛ. Ke yiwutsotsɛ nu nɔ ko po, a ma nyɛ kpɔ lɛ ngɛ e dɛ. I kɛ ni nɛmɛ nɛ kɛ mo ngɛ pɛe ɔ ma ná, nɛ ma he o bimɛ ɔmɛ a yi wami.

Yesaya 41:25

“I ha nɛ nɔ ko je beleku je kɛ ma nɛ e kɛ nyɛ ba kpe. E maa ba ngɛ ye biɛ mi. E ma ba tua nyɛ kɛ je omleyi je. E maa naa nɔ yeli a nɔ kaa a naa zu, loo kaa buɛ puɛlɔ pɔtɔɔ zu.

Yesaya 13:17

Yawɛ ngɛ dee ke, “Ma ha nɛ Media bi ɔmɛ ma ba tua Babilon. Media bi ɔmɛ lɛɛ a bui sika hiɔ, nɛ a hɛ kɔɛ sika tsu nɔ.

Yesaya 46:11

I ngɛ nɔ ko tsɛe kɛ je beleku je; e he maa sɔ kaa kayo kɛ ba kple si, nɛ e ma ba tsu níhi nɛ i to nɛ ma pee ɔ. Bɔ nɛ i de ɔ, ja pɛpɛɛpɛ e maa ba mi.

Yesaya 44:28

I deɔ Sirus ke, ‘Mo ji nɔ nɛ maa ye ye ma a nɔ ha mi; nɔ́ nɛ i suɔ ɔ, lɔ ɔ sɔuu o maa pee. O ma fa ke a ma Yerusalem ekohu, nɛ́ a to Yawɛ we ɔ sisi.’ ”

Yesaya 42:6

“Imi Yawɛ lɛ i tsɛ mo; i baa o yi, nɛ i ha mo he wami, konɛ o hyɛ nɛ a ye dami sane ngɛ je ɔ mi. Ma gu o nɔ nɛ i kɛ je ma amɛ tsuo maa so, nɛ a ma na la.

La 65:5

O pee ní gbeyegbeyehi kɛ he wa yi wami. Niinɛ, Mawu, mo ji wa yi wami helɔ. Nihi tsuo nɛ ngɛ je ɔ mi he tsuaa he, zugba a nyagbe he ɔmɛ, kɛ wo se tsitsaa lokoo ɔ tsuo, mo o nɔ a ngɔ a hɛ kɛ fɔ.

Ezra 1:3

Mawu ma, nyɛ ti nihi nɛ nyɛ suɔ kaa nyɛ maa kpale ɔ, Mawu nɛ piɛ nyɛ he! Nyɛɛ ya Yerusalem ngɛ Yuda zugba a nɔ. Nyɛ ya ma Yawɛ, Israel Mawu ɔ we ɔ ekohu. Lɛ ji Mawu nɛ ngɛ Yerusalem ɔ nɛ.

Yesaya 52:5

Jehanɛ, ngɛ Babilonia hu, jamɛ a amimi ɔ nɔuu a ye nyɛ; a pee nyɛ nyɔguɛhi nɛ a wui hiɔ ko ngɛ nyɛ he. Nihi nɛ ye nyɛ nɔ ɔ fĩa, nɛ a jɛ nyɛ saminya kɛ gbe ye he guɛ.

Abɛ Womi 3:6

Nɔ́ tsuaa nɔ́ mi ɔ, mo kai Yawɛ, nɛ e maa tsɔɔ mo blɔ nɛ da.

Yesaya 14:17

Nɔ nɛ kpata mahi a hɛ mi, nɛ e ha je ɔ he tsuaa he plɛ pee nga kplanaa nɔ ɔ, pi lɛ ji nɛ ɔ lo?’

Yesaya 45:2

“Imi nitsɛ ma nyɛɛ o hɛ mi, nɛ ma ba yo ɔmɛ tsuo si. Ma ku akɔblee agbo ɔmɛ, nɛ ma poo a se lami ní ɔmɛ a mi ngɔ pue he.

Mika 4:10

Nyɛ Yerusalem ma mi bi, nyɛɛ kɛ nyɛ he nɛ wuwlua si, nɛ nyɛ kɛmɛ kaa yo nɛ ngɛ kɔe. Ejakaa jehanɛ lɛɛ nyɛ maa je ma a mi kɛ ya hi nga nɔ. A maa ngɔ nyɛ kɛ ya Babilon tɔɔ. Se Yawɛ ma kpɔ nyɛ kɛ je nyɛ he nyɛli ɔmɛ a dɛ mi ngɛ lejɛ ɔ.