Yesaya 45:10 - BAIBLO ALOO NGMAMI KLƆUKLƆU Ɔ

¹⁰ Musu tloo bi muɔloku nɛ deɔ e tsɛ ke, “Mɛni bi a ma fɔ ha mo?” aloo e nyɛ ke, “Kɔɔmi nɛ o nu ɔ, mɛni bi o ma fɔ?”

Yesaya 45:10 ပူးပေါင်းရင်းမြစ်များ

Mose V, 27:16

“ ‘Mawu maa gbiɛ nɔ tsuaa nɔ nɛ pueɔ e tsɛ, loo e nyɛ hɛ mi si.’ “Ma a tsuo ma he nɔ ke, ‘Amen!’

Hebribi 12:9

Jehanɛ hu, adesa blɔ fa mi ɔ, wa ngɛ tsɛmɛ nɛ tsɔseɔ wɔ, nɛ wa buɔ mɛ. Anɛ e sɛ kaa wa baa wa he si ha Tsɛ ɔ nɛ ngɛ mumihi a nɔ he wami ɔ, konɛ wa yi nɛ na wami lo?

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Yesaya 45:9

Musu tloo nɔmlɔ adesa nɛ e kɛ e bɔlɔ ɔ sãã nya. Adesa ngɛ kaa zu buɛ ngɛ buɛ puɛlɔ dɛ mi. Anɛ zu biɔ buɛ puɛlɔ ɔ ke, “Mɛni lɛ o ngɛ puɛe ɔ?” aloo “Nɔ́ nɛ o puɛ ɔ be nine lo?”

Yesaya 45:11

Bɔ nɛ Yawɛ, Israel Mawu klɔuklɔu ɔ, kɛ je ɔ bɔlɔ ɔ ngɛ dee ji nɛ ɔ nɛ: “Anɛ nɔ ko ngɛ he blɔ kaa e deɔ nɔ́ ko kɛ siɔ mi lo, nɔ́ nɛ kɔɔ ye bimɛ ɔmɛ a he jio, nɔ́ nɛ kɔɔ ye nine nya ní tsumi he jio?