Yesaya 43:9 - BAIBLO ALOO NGMAMI KLƆUKLƆU Ɔ

⁹ Tsɛ je ma amɛ tsuo kɛ ba, nɛ a ba bua a he nya. A ti mɛnɔ ma nyɛ maa sɛɛ wɔ blema níhi. Ha nɛ a we odase yeli ɔmɛ nɛ a ba, nɛ a ba nu, konɛ a de ke e ngɛ mi, loo e be mi.

Yesaya 43:9 ပူးပေါင်းရင်းမြစ်များ

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

Yoel 3:11

Nyɛ je ma amɛ tsuo nɛ nyɛ pueɔ si ɔ, nyɛɛ ba mlamlaamla nɛ nyɛ ba bua nyɛ he nya ngɛ kɔ̃ ɔ mi.’ ” Yawɛ lee, ha nɛ o tabo ɔ nɛ ba ba tua mɛ.

Yesaya 43:26

“Mo kai mi, konɛ waa hla mi. Moo jaje o sane ɔ koo, konɛ waa hyɛ nɔ nɛ nɔ́ da!

Yesaya 41:1

Mawu ke, “Nyɛ, wo nya mahi, nyɛɛ pee dii, nɛ nyɛɛ bu mi tue! Nyɛ dla nyɛ he saminya, konɛ waa hyɛ sane ɔ mi! Nyɛɛ hɛ nyɛ kɛ ba, konɛ nyɛ ba je nyɛ nya, nɛ waa hyɛ nɔ nɛ nɔ́ da.

La 50:1

Yawɛ Mawu Ope ɔ ngɛ munyu tue. E ngɛ je ɔ tsuo tsɛe; e ke a je beleku je, kɛ bonyoku je kɛ ba.

Yesaya 48:14

“Nyɛ tsuo nyɛ ba bua nyɛ he nya nɛ nyɛɛ bu tue! Nyɛ mawu ɔmɛ a ti mɛnɔ gba enɛ ɔ kɛ to? Nɔ nɛ imi Yawɛ, i suɔ lɛ ɔ, ma ba pee nɔ́ nɛ sa imi Yawɛ ye hɛ mi, nɛ e ma kpata Babilon hɛ mi butuu.

Yesaya 34:1

Nyɛ, je ma amɛ tsuo nyɛɛ ba! Nyɛ bua nyɛ he nya kɛ ba nɛ nyɛ ba bu tue. Zugba a tsuo, kɛ nɔ tsuaa nɔ nɛ ngɛ je ɔ mi, nyɛɛ ba nɛ nyɛ ba bu tue.

Yesaya 48:3

Yawɛ ngɛ Israel dee ke, “Níhi nɛ maa ba hwɔɔ se ɔ, i gba ngɔ to blema lokoo, nɛ tlukaa, i ha a ba mi.

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.