Yesaya 43:4 - BAIBLO ALOO NGMAMI KLƆUKLƆU Ɔ

⁴ Akɛnɛ o he jua wa ha mi, akɛnɛ o hɛ mi ba nyami, nɛ i suɔ mo he je ɔ, ma ngmɛɛ je mahi kɛ a mi bi ɔmɛ a he ngɔ ha, konɛ ma he o yi wami.

Yesaya 43:4 ပူးပေါင်းရင်းမြစ်များ

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Yeremia 31:3

i je ye he kpo ngɔ tsɔɔ mɛ ngɛ tsitsaa lokoo. Israel ma, kɛ je blema lɛ i je suɔmi nɛ nya wa kpo kɛ tsɔɔ nyɛ. Nɛ kɛ ba si piɔ hu jamɛ a suɔmi ɔ ngɛ; e se pui.

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

Yohane 17:23

I ngɛ a mi, nɛ mo hu o ngɛ ye mi, konɛ a pee kake kɛ pi si; kɛkɛ ɔ, je ɔ maa na kaa mo nɛ o tsɔ mi; nɛ bɔ nɛ o suɔ mi ɔ, o suɔ mɛ hu ja nɔuu.

Yohane 16:27

ejakaa Tsɛ ɔ nitsɛ ngɛ nyɛ he suɔmi. Tsɛ ɔ suɔ nyɛ, ejakaa nyɛ suɔ mi, nɛ nyɛ he ye kaa Mawu ngɔ nɛ i je kɛ ba.

Hosea 11:1

Benɛ Israel bi ɔmɛ ngɛ kaa jokuɛwi ɔ, i suɔ a sane, nɛ i je mɛ kɛ je Egipt.

1 Petro 1:7

A kɛ amanehlu nɛ ɔmɛ ngɛ nyɛ kae kaa nyɛ heɔ Mawu yeɔ niinɛ lo. Sika tsu po nɛ puɛɔ ɔ, a kaa ngɛ la mi. Lɔ ɔ he ɔ, nyɛ hemi kɛ yemi ɔ nɛ he jua wa kulaa pe sika tsu ɔ, ja a ka lɛ, bɔ nɛ pee nɛ e mi nɛ wa. Kɛkɛ ɔ, ligbi ɔ nɛ Yesu Kristo maa ba ekohu ɔ, a ma je nyɛ yi, nɛ a maa bu nyɛ, nɛ nyɛ hɛ mi maa ba nyami.

Malaki 3:17

Yawɛ Tabohiatsɛ ɔ de ke, “Nimli nɛ ɔmɛ maa pee imi nitsɛ ye ma. Ligbi ɔ nɛ ma tsu ní ɔ, a maa pee ye nihi pɔtɛɛ. Ma na mɛ mɔbɔ kaa tsɛ naa lɛ nitsɛ e bi nɛ sɔmɔɔ lɛ ɔ mɔbɔ.

La 135:4

Yawɛ nitsɛ lɛ hla Yakob kɛ ha e he; e hla Israel kɛ pee e ma.

Mose V, 26:18

Mwɔnɛ ligbi nɛ ɔ, Yawɛ hu he mo atuu kaa lɛ nitsɛ e ma, kaa bɔ nɛ e wo si ɔ. E ngɛ mo fae ke o ye e mlaa amɛ tsuo a nɔ.

Mose V, 14:2

Yawɛ, nyɛ Mawu ɔ níhi ji nyɛ. E hla nyɛ kɛ je je ma amɛ tsuo nɛ ngɛ zugba a nɔ ɔ a mi kɛ pee lɛ nitsɛ e ma.

Yohane 17:26

I ha nɛ a le mo, nɛ ma ya nɔ ma pee jã, konɛ á suɔ mi kaa bɔ nɛ o suɔ mi ɔ, nɛ imi hu ma hi a mi.”

Malaki 1:2

Bɔ nɛ Yawɛ ngɛ e ma a dee ji nɛ ɔ nɛ: “I suɔ nyɛ sane saminya.” Se a bi lɛ ke, “Mɛni lɛ o peeɔ kɛ tsɔɔ kaa o suɔ wɔ?” Yawɛ he nɔ ke, “Anɛ Esau kɛ Yakob ɔ, pi nyɛmimɛ ji mɛ lo? Se kɛ̃ ɔ, i je suɔmi kpo kɛ tsɔɔ Yakob kɛ e nina,

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Yohane 5:44

Nyɛ nɛ nyɛ hlaa nɛ nihi nɛ je nyɛ yi, se nyɛ bɔɛ mɔde, konɛ nɔ nɛ lɛ nɔ kake pɛ ji Mawu ɔ nɛ wo nyɛ hɛ mi nyami ɔ, kɛ maa pee kɛɛ nɛ nyɛ ma he mi maa ye mɔ?

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

La 112:9

E keɔ ohiatsɛmɛ ní kɛ jeɔ e tsui mi faa. E naa mɔbɔ daa. E hɛ mi maa ba nyami, nɛ a maa bu lɛ.

Yesaya 49:5

Loko a fɔ mi ɔ, Yawɛ nitsɛ hla mi, nɛ e pee mi e tsɔlɔ, konɛ ma ya kpale e ma a kɛ ba e ngɔ; ma kpale Israel ma a nɛ gbɛ fĩa a kɛ ba ha lɛ. Yawɛ woɔ ye hɛ mi nyami, lɛ ji nɔ nɛ haa mi he wami.

Mose V, 4:37

Akɛnɛ e suɔ nyɛ nɛmɛ ɔmɛ he je ɔ, e hla nyɛ, nɛ lɛ nitsɛ e kɛ e he wami kpetekpleenyɛ ɔ je nyɛ kɛ je Egipt.