Yesaya 43:3 - BAIBLO ALOO NGMAMI KLƆUKLƆU Ɔ

³ Ejakaa imi Yawɛ, o Mawu ɔ, imi Israel Mawu Klɔuklɔu ɔ lɛ he o yi wami ɔ nɛ. Ma ngɔ Egipt ngɔ ha ngɛ o nane mi, konɛ o ye o he. Ma ngmɛɛ Sudan kɛ Seba hu a he.

Yesaya 43:3 ပူးပေါင်းရင်းမြစ်များ

Mose I, 10:7

Kush nina ji Seba, Havila, Sabta, Raama, kɛ Sabteka bi. Raama nina ji Sheba kɛ Dedan bi.

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

Mose II, 10:7

Farao ɔ tsɔli ɔmɛ de lɛ ke, “Mɛni be po nyumu nɛ ɔ maa jɔɔ wɔ haomi? Ha nɛ e ni ɔmɛ nɛ a ho nɛ a ya ja Yawɛ, a Mawu ɔ. Anɛ o nɛ kɛ mwɔɔ kaa Egipt hɛ mi ngɛ kpatae lo?”

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Abɛ Womi 11:8

Nɔ nɛ peeɔ nɔ nɛ da a, a jeɔ lɛ kɛ jeɔ haomi mi, nɛ haomi ɔ baa nɔmlɔ yayami mohu nɔ.

Abɛ Womi 21:18

Klama nɛ yiwutsotsɛmɛ tsɔɔ nihi nɛ peeɔ nɔ́ nɛ da a, nyagbe ɔ, e duɔ mɛ nitsɛmɛ mohu.

Yesaya 19:20

Ní nɛ ɔmɛ maa da si kaa Yawɛ Tabohiatsɛ ɔ nɛ ngɛ a kpɛti ngɛ Egipt zugba a nɔ ɔ he okadihi. Lɔ ɔ he ɔ, ke nihi nɛ ngɛ lejɛ ɔ ma kpa ngmlaa kɛ tsɛ Yawɛ ngɛ yi mi nɛ a ngɛ mɛ wae ɔ he ɔ, e maa tsɔ nɔ ko nɛ e ba kpɔ mɛ.

Yesaya 20:3

Benɛ a ngɔ Ashdod ma a, Yawɛ de ke, “Ye tsɔlɔ Yesaya hɛɛ e he gu, nɛ e nyɛɛ e nane gu jeha etɛ. Nɔ́ nɛ maa ba Egipt kɛ Sudan a nɔ ɔ he okadi ji nɛ ɔ nɛ.

Yesaya 30:11

Nyɛ ko nyɛɛ Yawɛ se; nyɛɛ gu he kpa! Wa hla we nɛ waa nu nyɛ, Israel Mawu klɔuklɔu ɔ he sane ko!”

Yesaya 41:14

Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

Yesaya 42:8

“Ye biɛ ji Yawɛ; imi pɛ ji Mawu. I be ye hɛ mi nyami ɔ ngɔe kɛ ha mawu kpahi, nɛ ye yi jemi ɔ hu i be ngɔe kɛ ha amagahi.

Yesaya 43:11

“Imi nɔ kake pɛ ji Yawɛ, imi pɛ ji nɔ nɛ ma nyɛ ma he o yi wami.

Yesaya 45:14

Yawɛ de Israel ke, “Egipt juetli, kɛ Sudan nijua ní ma ba pee o nɔ́, nɛ Seba bi, nimli gagahi ma ba pee o nyɔguɛhi; a maa bɔ mɛ pã kɛ ba o ngɔ; a ma ba kpla si ha mo, nɛ a ma kpa mo pɛɛ ngɛ he si bami mi ke, ‘Niinɛ, Mawu nɛ kɛ mo ngɛ ɔ, lɛ nɔ kake too ji Mawu; ekpa ko be hu.

Yesaya 45:15

Israel Mawu ɔ nɛ heɔ e ma a yi wami ɔ, e ji Mawu nɛ laa e he.

Yesaya 45:21

Nyɛɛ kɛ nyɛ sane ɔ nɛ ba nɛ waa hyɛ mi. Nihi nɛ ma je a sane ɔ nya a, nyɛ ha nɛ a ya kpe yi! Nyɛ mawu ɔmɛ a kpɛti mɛnɔ nyɛ́ de nɔ́ ko kɛ to blema lokoo? Nɔ ko nɔ ko be. Anɛ pi imi Yawɛ lo? Anɛ pi imi Mawu nɛ da, nɛ heɔ e ma a yi wami ɔ lo? Ye se ɔ, Mawu kpa ko be hu.

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Yesaya 60:16

Je mahi, kɛ matsɛmɛ maa lɛ mo kaa bɔ nɛ binyɛ haa e bi nyɔ ɔ. O maa le jehanɛ kaa imi Yawɛ nɛ i ha o yi na wami. O maa le kaa imi, Israel Mawu kpetekpleenyɛ ɔ nɛ i ha o ye o he.

Yesaya 63:8

Yawɛ ke, “Imi nitsɛ ye ma ji mɛ; a be mi sisie.” Lɔ ɔ he ɔ, e ha a yi na wami

Yeremia 14:8

Mo pɛ o nɔ Israel ngɔɔ e hɛ ngɔ fɔɔ; mo lɛ o jeɔ wɔ kɛ jeɔ amanehlu mi. Mɛni he je o pee kaa nubwɔ ngɛ zugba a nɔ, kaa blɔ nyɛɛlɔ nɛ gba ba to nubwɔ ligbi kake kɛkɛ?

Yeremia 16:21

Yawɛ ke, “Lɔ ɔ he ɔ, jehanɛ lɛɛ ma ha nɛ je ma amɛ maa na ye he wami kɛ ye kɔni si wami; a maa na kaa imi ji Yawɛ.”

Ezekiel 39:7

Ma ha ye ma Israel maa le ye biɛ klɔuklɔu ɔ; nɛ i be hae nɛ a ble ye biɛ nɛ he tsɔ ɔ hu. Kɛkɛ ɔ, je ma amɛ tsuo maa le kaa imi Yawɛ ji Israel Mawu Klɔuklɔu ɔ nɛ.”

Hosea 13:4

Yawɛ ke, “Imi ji Yawɛ, nyɛ Mawu ɔ nɛ je nyɛ kɛ je Egipt ɔ nɛ. Imi pɛ ji nyɛ Mawu. Imi nɔ kake too pɛ ji nyɛ kpɔlɔ.

Mose III, 11:44

Imi ji Yawɛ, nyɛ Mawu ɔ nɛ. Nyɛɛ pee nyɛ he klɔuklɔu; ejakaa Nɔ Klɔuklɔu ji mi. Lɔ ɔ he ɔ, lohwehi nɛ sãã si ɔ, nyɛ ko ngɔ ekoeko kɛ ble nyɛ he.

Amos 9:7

Yawɛ ke, “Israel ma, nyɛ ngɛ kaa Sudan bi ɔmɛ nɔuu ha mi; i susuɔ nyɛɛ kɛ mɛ tsuo nyɛ he fiee. Anɛ pi imi nɛ i je Filisti bi ɔmɛ kɛ je Kreta lo? Anɛ pi imi nɛ i je Siria bi ɔmɛ kɛ je Kir kaa bɔ nɛ i kpaka nyɛ, Israel bi ɔmɛ hu kɛ je Egipt zugba a nɔ ɔ lo?

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Yuda 1:25

lɛ Mawu kake too, wa kpɔlɔ ɔ, a gu wa Nyɔmtsɛ Yesu Kristo nɔ kɛ wo e hɛ mi nyami. E nɔ́ ji agboje, kɛ he wami, kɛ he blɔ kɛ je blema lokoo kɛ ba si amlɔ nɛ ɔ, kɛ yaa neneene tɔɔ! Amen.