Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.
Ejakaa imi Yawɛ, o Mawu ɔ, imi Israel Mawu Klɔuklɔu ɔ lɛ he o yi wami ɔ nɛ. Ma ngɔ Egipt ngɔ ha ngɛ o nane mi, konɛ o ye o he. Ma ngmɛɛ Sudan kɛ Seba hu a he.
Lɔ ɔ he ɔ, i gba nɔ́ nɛ maa ba nyɛ nɔ ɔ ngɔ to blema lokoo; i gba ní nɛ ɔmɛ ngɔ to loko á ba mi, bɔ nɛ pee nɛ nyɛ ko de ke nyɛ we amaga amɛ, níhi nɛ a kpɛ́, kɛ níhi nɛ a sɔ̃ ɔ nɛ a ha ní ɔmɛ ba mi.
“Jehanɛ, níhi nɛ i gba ngɔ to ɔ tsuo ba mi. Anɛ e sɛ kaa nyɛ kplɛɛɔ nɔ kaa ja i de ɔ lo? Jehanɛ ma gba nyɛ ní hehi nɛ maa ba hwɔɔ se, laami mi sanehi nɛ maa ba, nɛ i je we kpo kɛ tsɔɔ we hyɛ.