Yesaya 42:7 - BAIBLO ALOO NGMAMI KLƆUKLƆU Ɔ

⁷ O ma bli hɛ yuyuili a hɛngmɛ, nɛ nihi nɛ a wo mɛ tsu, nɛ a hii si ngɛ diblii mi ɔ, o ma ha a maa ye a he.

Yesaya 42:7 ပူးပေါင်းရင်းမြစ်များ

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Yesaya 49:9

Ma de nihi nɛ a wo mɛ tsu ɔ ke, ‘Nyɛɛ je kpo!’ nɛ ma de nihi nɛ ngɛ diblii mi ɔ ke, ‘Nyɛɛ je kpo kɛ ba la hɛ mi!’ A maa pee kaa tohi nɛ ngɛ ní yee ngɛ blɔ tue. Yo nɔ he nɛ hue be ɔ maa pee a ní yemi he.

Yesaya 35:5

Hɛ yuyuili maa hyɛ nɔ́ ekohu, nɛ tuekpokutsɛmɛ maa nu nɔ́.

2 Timoteo 2:26

Kɛkɛ ɔ, a maa hɛli a he si, nɛ klama nɛ Abosiami tsɔ ha mɛ kaa a pee e suɔmi nya ní, nɛ a ya nɔ mi ɔ, a ya be mi nɔe.

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Luka 24:45

Jehanɛ ɔ, e bli a juɛmi nya, konɛ a nu ngmami ɔmɛ a sisi.

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.

Yohane 9:39

Yesu de ke, “I ba je nɛ ɔ mi nɛ ma ba kojo, konɛ hɛ yuyuili nɛ hyɛ nɔ; nɛ nihi nɛ susuɔ kaa a ngɛ nɔ hyɛe ɔ, a hɛ nɛ yu.”

Yesaya 29:18

Jamɛ a be ɔ, tuekpokutsɛ maa nu nɛ a ngɛ womi kanee, nɛ hɛ yuyuili nɛ ngɛ diblii kpii mi ɔ, a hɛngmɛ maa hyɛ nɔ ekohu.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Yesaya 9:2

Ma nɛ hi diblii kpii mi ɔ na la kpetekpleenyɛ ko. A hi zugba ko nɛ nɔ wo diblii kpii nɔ, se jehanɛ lɛɛ la ngɛ kpɛe ha mɛ.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Yesaya 42:22

Se amlɔ nɛ ɔ, a fia e ma a ojo, nɛ a nuu ni ɔmɛ kɛ ya wo tsu. A kpɔ a níhi ngɛ a dɛ, nɛ a ha a níhi; nɛ nɔ ko nɔ ko bɛ nɛ e ba je ngmlaa ha mɛ.

Yesaya 42:16

“Ma ngɔ ye hɛ yuyuili ɔmɛ kɛ gu hehi nɛ a nyɛɛ we hyɛ. Ma ha a diblii ɔ ma plɛ pee la; nɛ ma ha zugba nɛ nɔ ngɛ googagooga a nɔ maa sɔ tɛtlɛɛ ha mɛ. Níhi nɛ i ngɛ si woe kaa ma pee ji nɛ ɔmɛ nɛ; ma ha a maa ba mi pɛpɛɛpɛ.

Yohane 9:7

Yesu de lɛ ke, “Yaa Siloam pa a mi nɛ o ya fɔ o he.” (Siloam sisi ji a tsɔ lɛ.) Kɛkɛ nɛ nyumu ɔ pue nɔ kɛ ho, nɛ e ya fɔ e he; nɛ benɛ e kpale kɛ ma a, e bɔni nɔ́ hyɛmi.

Mika 7:9

Wa pee yayami kɛ si Yawɛ; lɔ ɔ he ɔ, ke e mi mi fu wɔ ɔ, wa ma na tsui. Ejakaa e ma kpɔ wɔ kɛ je wa he nyɛli ɔmɛ a dɛ mi, nɛ e maa gbla a tue ngɛ yayami nɛ a pee wɔ ɔ he. Yawɛ maa ngɔ wɔ kɛ ba la a he, nɛ wa maa na kaa e ma he wa yi wami.

La 97:7

Amaga jali, kɛ nihi tsuo nɛ fĩaa kɛ fɔɔ yakayaka wɔhi a nɔ, nyɛ hɛ mi pue si pɛ! Nyɛ mawuhi tsuo, nyɛ kpla si ngɛ Yawɛ hɛ mi.