Yesaya 42:6 - BAIBLO ALOO NGMAMI KLƆUKLƆU Ɔ

⁶ “Imi Yawɛ lɛ i tsɛ mo; i baa o yi, nɛ i ha mo he wami, konɛ o hyɛ nɛ a ye dami sane ngɛ je ɔ mi. Ma gu o nɔ nɛ i kɛ je ma amɛ tsuo maa so, nɛ a ma na la.

Yesaya 42:6 ပူးပေါင်းရင်းမြစ်များ

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Ni Tsumi 13:47

Ejakaa ja ji mlaa nɛ Nyɔmtsɛ ɔ wo wɔ. Nyɔmtsɛ ɔ ke, ‘I hla mo ngɔ to kaa ma je li ɔmɛ a la, nɛ o nɔ Mawu maa gu kɛ he je ɔ tsuo yi wami.’ ”

Yohane 8:12

Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”

Yesaya 49:8

Bɔ nɛ Yawɛ ngɛ e ma a dee ji nɛ ɔ nɛ, “Ke be su nɛ ma he nyɛ yi wami ɔ, ma na nyɛ mɔbɔ; ngmlaa nɛ nyɛ ngɛ kpae ke ma ba piɛ nyɛ he ɔ, ma bu tue. Ma bu nyɛ he, nɛ ma baa nyɛ yi, nɛ ma gu nyɛ nɔ nɛ i kɛ je ma amɛ tsuo maa so. Nyɛ nitsɛmɛ nyɛ zugba nɛ hɛ mi kpata a, ma ha nyɛ ma ba hi nɔ ekohu.

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Yesaya 26:3

Nɔ nɛ ngɔɔ e hɛ kɛ fɔɔ o nɔ, nɛ e heɔ mo yeɔ ɔ, o haa lɛ tue mi jɔmi.

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

Hebribi 9:15

Nɔ́ nɛ Kristo tsu nɛ ɔ tsɔɔ kaa lɛ Kristo ɔ ji nɔ nɛ ha Mawu kɛ e ma a so somi he ɔ, konɛ nihi nɛ Mawu tsɛ mɛ ɔ, a nine nɛ su neneene gbosi ní nɛ Mawu wo he si ɔ nɔ. Ejakaa benɛ a kɛ kekleekle somi ɔ ngɛ ní tsue ɔ, nɔ ko ba gbo nɛ e kɛ kpɔ nihi tsuo nɛ pee yayami jamɛ a be ɔ.

Ni Tsumi 26:23

Lɔ ɔ ji kaa Kristo ɔ maa na amanehlu, nɛ e ba pee kekleekle nɔ nɛ maa te si kɛ je gbeje. E ma ba fiɛ ha Yuda bi, kɛ ma je li tsuo ke a ma nyɛ ma he a yi wami, nɛ enɛ ɔ maa pee kaa la kɛ ha mɛ.”

2 Korintobi 1:20

Ejakaa níhi tsuo nɛ Mawu woɔ he si ɔ, e yeɔ nɔ kɛ guu Yesu Kristo nɔ. Enɛ ɔ he nɛ wa deɔ “Amen” ngɛ Yesu biɛ mi kɛ woɔ Mawu hɛ mi nyami ɔ nɛ.

Yesaya 43:1

Se jehanɛ lɛɛ Israel, Yawɛ nɛ bɔ mo ɔ ngɛ mo dee ke, “Koo ye gbeye. Imi nitsɛ ma he o yi wami. O biɛ i ngɔ kɛ tsɛ mo ɔ nɛ; ye nɔ́ ji mo.

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Yesaya 41:13

Ejakaa imi ji Yawɛ, o Mawu ɔ nɛ; imi lɛ i ngɛ mo he wami woe ɔ nɛ, i ngɛ mo dee ke, ‘Koo ye gbeye! Ma piɛ o he!’ ”

Hebribi 8:6

Amlɔ nɛ ɔ lɛɛ osɔfo ní tsumi nɛ a ha Yesu ɔ pã osɔfo ɔmɛ a nɔ́ ɔ kulaa. Jã kɛ̃ somi nɛ Yesu ha nɛ Mawu kɛ e ma a so ɔ hu pe a nɔ́ ɔ, ejakaa Mawu wo mɛ si ngɛ ní kpakpahi nɛ pe kekle ní ɔmɛ a he.

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

Yesaya 45:13

Imi nitsɛ nɛ i hla Sirus nɛ i wo lɛ he wami, konɛ e pee nɔ́ tsuaa nɔ́ pɛpɛɛpɛ. Ma ha e blɔ ɔmɛ tsuo maa da tlɔmɔɔ. E maa ma ye ma Yerusalem ɔ ekohu, nɛ e maa ngmɛɛ ye nyɔguɛ ɔmɛ a he nɛ a ye a he. Nɔ ko nɔ ko bɔɛ lɛ apaa, nɛ nɔ ko nɔ ko hu ha we lɛ nyɔ mi ní ke e tsu nɔ́ nɛ ɔ.” Yawɛ, Tabohiatsɛ ɔ lɛ de.

Hebribi 12:24

Yesu, nɔ nɛ ha a so somi he ɔ, e ngɔ nyɛ ba nɛ ɔ nɛ. Muɔ nɛ a fĩa, nɛ tsuɔ ní kpakpahi nɛ pe Habel nɔ́ ɔ he nyɛ ba a nɛ.

Mateo 26:28

Enɛ ɔ ji ye muɔ nɛ a kɛ sɔu Mawu somi ɔ nya. A plɛ ye muɔ ɔ ngɔ pue si ha nihi fuu, konɛ a ngɔ a he yayamihi ngɔ pa mɛ.

Yesaya 32:1

Be ma nɛ matsɛ ko ma ba ye tsɛ. E maa ye ma a nɔ saminya, nɛ e ganɔ ɔmɛ tsuo maa ye dami sane.

Hebribi 7:2

Abraham hu ha lɛ ta yibu ní tsuo nɛ e na a mi mi dlami nyɔngma mi kake. Kekleekle ɔ, e biɛ Melkizedek ɔ sisi ji, “Matsɛ nɛ yeɔ dami sane.” Jehanɛ hu, Salem matsɛ ji lɛ; lɔ ɔ he ɔ, e biɛ ɔ tsɔɔ kaa e ji, “Matsɛ nɛ e kɛ tue mi jɔmi baa.”

Yesaya 27:3

“Imi Yawɛ nitsɛ nɛ i hyɛɛ e nɔ; i pueɔ nɔ nyu be tsuaa be. I buu e he nyɔ kɛ pia, bɔ nɛ pee nɛ nɔ ko nɛ ko ba kpata e hɛ mi.

Yesaya 41:2

“Jamɛ a kunimi yelɔ ɔ nɛ yeɔ kunimi ngɛ he tsuaa he ɔ, mɛnɔ lɛ ngɔ lɛ kɛ je beleku je kɛ ba? Mɛnɔ haa nɛ e yeɔ matsɛmɛ, kɛ je ma amɛ a nɔ ɔ? E kɛ e klaate peeɔ mɛ butuu kaa bunyuku, nɛ e kɛ̃ɛ̃ ɔ gbɛɛ mɛ fĩaa kaa nga nɛ kɔɔhiɔ muɔ kɛ yaa.

Yesaya 45:1

Yawɛ hla Sirus ke e ye matsɛ! E hla lɛ ke e ye je mahi a nɔ; e tsɔ lɛ, konɛ e ya kpɔ ma amɛ a he wami tsuo ngɛ a dɛ. Yawɛ ma bli ma a we agbo ɔmɛ a nya ha lɛ, nɛ nɔ ko nɔ ko be nyɛe ma nga. Bɔ nɛ Yawɛ ngɛ Sirus dee ji nɛ ɔ nɛ:

Yeremia 12:16

Je ma nɛ ɔmɛ tsɔɔ ye ma a, nɛ a kɛ Baal biɛ kaa kita. Ke a ma kpa a yi mi, nɛ a maa ngɔ mi kɛ pee a Mawu ngɛ Baal nane mi, nɛ a kɛ ye biɛ ma ka kita ja a, lɛɛ a maa bu mɛ ngɔ si ye ma mi bi ɔmɛ a nɔ.