Yesaya 42:5 - BAIBLO ALOO NGMAMI KLƆUKLƆU Ɔ

⁵ Yawɛ Mawu ɔ, lɛ nɛ bɔ hiɔwe, nɛ e bli mi gbajaa. Lɛ nɛ bɔ zugba a, kɛ níhi tsuo nɛ ngɛ zugba a nɔ ɔ. Lɛ nɔ nɛ ha nimli adesahi tsuo wami kɛ mumi ɔ, bɔ nɛ e ngɛ e tsɔlɔ ɔ dee ji nɛ ɔ nɛ:

Yesaya 42:5 ပူးပေါင်းရင်းမြစ်များ

Yesaya 40:22

Mawu ji nɔ nɛ bɔ je ɔ nɛ; e hii si ngɛ hiɔwe lokoo, nɛ je ɔ fɔɔ si ngɛ e sisi. Nimli adesahi ngɛ kaa angmɛɛtɛ ngɛ je ɔ mi. Mawu bli hiɔwe mi kaa bo, nɛ e pee lɛ kaa bo tsu nɛ a hiɔ mi.

Yesaya 45:12

Imi nɛ i bɔ je ɔ kɛ e mi nimli adesahi. I ngɔ ye he wami kɛ bli hiɔwe mi, nɛ i yeɔ pu, nyɔhiɔ, kɛ dodoe ɔmɛ tsuo a nɔ.

Zakaria 12:1

Sɛ gbi nɛ je Yawɛ ngɔ nɛ kɔɔ Israel he ji nɛ ɔ nɛ. Yawɛ ji nɔ nɛ bɔ hiɔwe kɛ zugba; lɛ nɛ ha nɔmlɔ adesa wami. Yawɛ ke,

Yeremia 10:12

Yawɛ lɛ bɔ je ɔ ngɛ e he wami nya. Nile lɛ e kɛ bɔ je ɔ, nɛ jamɛ a nile ɔ nɔuu e kɛ bli hiɔwe mi.

Yesaya 48:13

Imi nitsɛ lɛ i to zugba a sisi, nɛ i bli hiɔwe mluguduu ɔ mi. Benɛ i tsɛ hiɔwe kɛ zugba a, mɛ tsuo a he sɔ kɛ ba.

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?

Yeremia 32:17

“Nyɔmtsɛ Mawu, mo lɛ o kɛ o he wami kpetekpleenyɛ pee hiɔwe kɛ zugba; nɔ́ ko nɔ́ ko peemi wɛ ha mo.

Yesaya 45:18

Yawɛ, nɔ nɛ bɔ hiɔwe kɛ zugba a, lɛ nɔ kake too ji Mawu! E bɔ je ɔ, nɛ e kɛ zugba a ma si saminya. E bɔɛ lɛ ngɔ fɔɛ si gu nɛ e pee yaka; se e pee lɛ konɛ nimli nɛ hi nɔ. Bɔ nɛ lɛ nitsɛ e ngɛ dee ji nɛ ɔ nɛ: “Imi ji Yawɛ; mawu kpa ko be hu.

La 33:6

Fami kɛkɛ lɛ Yawɛ fa nɛ e kɛ pee hiɔwe. Munyu kɛkɛ lɛ je e nya nɛ pu, kɛ nyɔhiɔ, kɛ dodoehi ba.

Hiob 33:4

Mawu mumi ɔ lɛ pee mi; Ope ɔ mumi ɔ lɛ ha mi wami.

Ni Tsumi 17:25

Jehanɛ hu nɔ́ ko nɔ́ ko hia we lɛ nɛ wa ma nyɛ ma ha lɛ. Wa nine nya nɔ́ ko hia we lɛ kaa nɔ ko nɛ nɔ́ ko fĩɔ lɛ nɛ adesa ma nyɛ maa pee ha lɛ. Ejakaa lɛ mohu lɛ e haa wɔ wami, kɛ mumi nɛ wa muɔ. Nɔ́ tsuaa nɔ́ nɛ hia wɔ ɔ, lɛ nɛ e haa wɔ.

Hiob 12:10

Níhi nɛ ngɛ hɛ ngmengmle tsuo, Mawu lɛ ha mɛ wami; nimli adesahi tsuo a wami ngɛ Mawu dɛ mi.

Yesaya 40:12

Mɛnɔ lɛ hɛɛ nyu tsuo nɛ ngɛ wo mi ɔ ngɛ e dɛ kɔkɔ mi hyɛ? Mɛnɔ lɛ ngɔ e nine mi blimi kɛ susu hiɔwe hyɛ? Mɛnɔ lɛ ngɔ je nɛ ɔ mi tabo zu tsuo kɛ wo kplu mi hyɛ? Loo e ngmɛ yo ɔmɛ, kɛ yoku ɔmɛ ngɛ sɛni nɔ hyɛ?

La 136:6

Lɛ nɛ e ngɔ zugba a kɛ ha nyu ɔ hɛ mi; ejakaa e suɔmi ɔ ngɛ kɛ yaa neneene!

Amos 9:6

Yawɛ poɔ e we ngɛ hiɔwe, nɛ e ngɔɔ hiɔwe nɔ́ mluguduu ɔ kɛ haa zugba a hɛ mi. E yɛɔ nyu kɛ jeɔ wo mi nɛ e plɛɔ kɛ pueɔ zugba. Lɛ ji Yawɛ!

Mose I, 2:7

Jamɛ a be ɔ mi ɔ, Yawɛ Mawu ngɔ zugba zu kɛ puɛ nɔmlɔ, nɛ e mu mumi nɛ haa nɔ wami ngɔ wo nɔmlɔ gugwɔ puɔ mi; nɛ nɔmlɔ pee adesa hɛngmengmletsɛ.

Hebribi 1:2

se mwɔnɛmwɔnɛ ɔ lɛɛ e Bi ɔ nɔ e gu nɛ e kɛ wɔ tu munyu. Lɛ nɔuu e nɔ Mawu gu kɛ bɔ je ɔ kɛ e mi ní tsuo, nɛ lɛ nɛ Mawu hla kaa e ye e ní tsuo.

Yesaya 40:28

Anɛ o li lo? Anɛ o nui lolo lo? Yawɛ ji Mawu nɛ ngɛ daa kɛ daa; lɛ ji nɔ nɛ bɔ je ɔ tsuo. Pɔ tɔɛ lɛ, nɛ e gbɔjɔɔ we. Bɔ nɛ e juɛmi mi kuɔ ha a, nɔ ko nɔ ko be nyɛe maa nu sisi.

Hiob 34:14

Ke Mawu kpɔ mumi nɛ haa nɔ wami ngɛ nɔmlɔ dɛ ɔ,

Hiob 27:3

kaa be abɔ nɛ i ngɛ wami mi, nɛ Mawu mumi ngɛ ye mi nɛ ɔ,

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Ni Tsumi 17:24

Mawu, nɔ nɛ bɔ je ɔ, kɛ e mi níhi tsuo ɔ, lɛ ji hiɔwe kɛ zugba Nyɔmtsɛ; nɛ e hí sɔlemi tsu nɛ a kɛ nine pee mi.

Mose I, 1:1

Sisije ɔ, benɛ Mawu bɔ hiɔwe kɛ zugba a,

Yesaya 37:16

“Yawɛ Tabohiatsɛ Israel Mawu lee, mo nɛ o hii si ngɛ o matsɛ sɛ nɔ ngɛ kerub ɔmɛ a yi mi lokoo; mo nɔ kake too pɛ ji Mawu, nɛ je nɛ ɔ mi matsɛ yemi ɔmɛ tsuo ngɛ o sisi. Mo lɛ o bɔ hiɔwe kɛ zugba!

Yesaya 40:26

Nyɛ wo nyɛ yi nɔ nɛ nyɛɛ hyɛ hiɔwe! Mɛnɔ lɛ bɔ dodoe ɔmɛ nɛ nyɛ ngɛ hyɛe ɔ? Nɔ nɛ jeɔ mɛ kpo kaa ta buli babauu, nɛ e kɛ eko tsuaa eko biɛ tsɛɔ lɛ ɔ! E he wami, kɛ nyɛmi kpetekpleenyɛ ɔ nya a, kake ngmelu po laa we.

Yesaya 57:16

Imi nitsɛ nɛ i ha ye ma a wami; lɔ ɔ he ɔ, i kɛ mɛ be pɛe, nɛ ye mi mi hu be mɛ fue kɛ ya neneene.

Yeremia 27:5

“Imi lɛ i kɛ ye he wami kpetekpleenyɛ, kɛ kɔni si wami bɔ je ɔ, nimli adesahi, kɛ lohwehi tsuo nɛ ngɛ je ɔ mi; nɛ i kɛ ní nɛ ɔmɛ haa nɔ tsuaa nɔ nɛ i suɔ.

Yeremia 38:16

Kɛkɛ nɛ Matsɛ Zedekia ka mi kita ngɛ laami mi ke, “I na Yawɛ hɛ kalɔ ɔ nɛ ha wɔ wami ɔ kaa i be mo gbee; nimli nɛ ngɛ mo hlae nɛ a gbe ɔ, mɛ hu i be mo ngɔe kɛ wo a dɛ mi.”

Ezekiel 18:4

Ye níhi ji nimli ɔmɛ tsuo, tsɛ ɔ kɛ e bi ɔ, ye níhi ji mɛ tsuo; nɔ nɛ peeɔ yayami ɔ, lɛ nɔuu lɛ ma gbo.

La 96:5

Je ma kpa amɛ a mawu ɔmɛ ɔ, amagahi kɛkɛ ji mɛ. Yawɛ lɛɛ lɛ nɛ e bɔ hiɔwe.