Yesaya 42:23 - BAIBLO ALOO NGMAMI KLƆUKLƆU Ɔ

²³ Nyɛ kpɛti mɛnɔ maa bu nɔ́ nɛ ɔ tue? Kɛ je be nɛ ɔ kɛ yaa a, mɛnɔ ma ta tue, konɛ e nu níhi nɛ maa ba a?

Yesaya 42:23 ပူးပေါင်းရင်းမြစ်များ

Yesaya 48:18

“I na nɛ nyɛ ye ye mlaa amɛ a nɔ! Jinɛ a maa gbaa nyɛ; nɛ nyɛ maa pee kaa pa nɛ nyu tɛ̃ mi gblegbleegble. Nyɛ maa ye kunimi nɔtonɔto kaa bɔ nɛ oslɔke kuɔ kɛ pueɔ wo dɔ mi.

Ni Tsumi 3:19

Lɔ ɔ he ɔ, nyɛ tsake nyɛ tsui, nɛ nyɛɛ kpale nyɛ se kɛ ba Mawu ngɔ, konɛ a ngɔ nyɛ he yayami ɔmɛ kɛ pa nyɛ.

Mika 6:9

E hi kaa a ye Yawɛ gbeye. Yawɛ ngɛ Yerusalem dee ke, “Nyɛ nihi nɛ nyɛ ba bua nyɛ he nya ngɛ ma a mi, nyɛɛ bu tue!

Yeremia 3:13

Moo lɛɛ moo kplɛɛ kɛkɛ kaa o ye fɔ, kaa o tsɔ Yawɛ, o Mawu ɔ hɛ mi atuã. Moo jaje kaa o ngɔ o suɔmi ya ha ma se mawuhi, nɛ o ja mɛ ngɛ tsohi tsuo nɛ bɔ kusuu a sisi. Moo jaje kaa o yi ye mlaa amɛ a nɔ. Imi, Yawɛ lɛ i de.

Mose V, 32:29

A nyɛ we nɛ a na nɔ́ he je nɛ a ye a nɔ ɔ; a nui nɔ́ nɛ ba a sisi.

Yesaya 42:22

Se amlɔ nɛ ɔ, a fia e ma a ojo, nɛ a nuu ni ɔmɛ kɛ ya wo tsu. A kpɔ a níhi ngɛ a dɛ, nɛ a ha a níhi; nɛ nɔ ko nɔ ko bɛ nɛ e ba je ngmlaa ha mɛ.

Yesaya 42:24

Mɛnɔ lɛ ngɔ Yakob kɛ ha nɛ a ha e níhi, nɛ mɛnɔ ha nɛ a fia lɛ ojo ɔ? Yawɛ nitsɛ, nɔ nɛ wa pee yayami kɛ si ɔ, lɛ ji nɔ nɛ ha enɛ ɔmɛ tsuo ba! Wa bɛ wa je mi bɔ nɛ e ngɛ hlae, nɛ mlaa amɛ nɛ e wo wɔ ɔ hu wa yi a nɔ.

Yeremia 9:12

I bi ke, “Yawɛ, mɛni he je a sã zugba a, nɛ e gbli nɛ e pee kaa nga kplanaa nɔ kikɛ nɛ ɔ, nɛ nɔ ko nɔ ko nyɛɛ we nɔ hu ɔ? Mɛnɔ ji ní lelɔ nɛ e maa nu nɔ́ nɛ ɔ sisi? Mɛnɔ lɛ o ngɔ sɛ gbi nɛ ɔ kɛ ha, nɛ e ma nyɛ maa fiɛ kɛ ha nihi?”