Yesaya 42:22 - BAIBLO ALOO NGMAMI KLƆUKLƆU Ɔ

²² Se amlɔ nɛ ɔ, a fia e ma a ojo, nɛ a nuu ni ɔmɛ kɛ ya wo tsu. A kpɔ a níhi ngɛ a dɛ, nɛ a ha a níhi; nɛ nɔ ko nɔ ko bɛ nɛ e ba je ngmlaa ha mɛ.

Yesaya 42:22 ပူးပေါင်းရင်းမြစ်များ

La 102:20

konɛ e nu pamitsɛmɛ ɔmɛ a kɛmɛmi ɔ he, nɛ nihi nɛ a bu mɛ gbenɔ fɔ ɔ, e ha nɛ a ye a he.

Yeremia 50:17

Bɔ nɛ Yawɛ de ji nɛ ɔ nɛ: “Israel bi ngɛ kaa tohi nɛ jatahi fie mɛ, nɛ a gbɛ mɛ ngɔ fĩa. Kekleekle ɔ, Asiria matsɛ ba tua mɛ, nɛ e ye mɛ; lɔ ɔ se ɔ, Babilonia matsɛ, Nebukadnezar ba kpe a wuhi.

Yesaya 51:23

O he nyɛli nɛ haoɔ mo, nihi nɛ ha o hwɔɔ si ngɛ zugba mi, nɛ a naa o nɔ kaa a naa gbɛjegbɛ nɔ ɔ, mɛ a dɛ mi ma ngɔ kplu ɔ kɛ wo.”

La 50:22

“Nyɛ nihi tsuo nɛ nyɛ hɛ je imi Mawu, ye nɔ ɔ, nyɛ susu nɔ́ nɛ ɔ he saminya. Ke pi ja a, ma tsɔtslɔɔ nyɛ, nɛ nɔ ko nɔ ko be nɛ ma kpɔ nyɛ.

Yesaya 42:7

O ma bli hɛ yuyuili a hɛngmɛ, nɛ nihi nɛ a wo mɛ tsu, nɛ a hii si ngɛ diblii mi ɔ, o ma ha a maa ye a he.

Yesaya 24:22

Mawu ma bua mɛ tsuo a nya kɛ wo muɔ voo mi kaa pamitsɛmɛ. E maa wo mɛ tsu ngɛ lejɛ ɔ hluu kɛ yaa su be nɛ a maa gbla a tue.

Yesaya 24:18

Nɔ tsuaa nɔ nɛ maa ma fo kɛ je gbeye ní ɔmɛ a he ɔ maa nɔ muɔ voo mi, nɛ nɔ nɛ be muɔ voo ɔ mi nɔe ɔ maa du klama. Hiɔmi maa nɛ piapiaapia, nɛ je ɔ sisi tomi ɔmɛ ma mimiɛ.

Yesaya 18:2

A tsɔ nihi kɛ je jamɛ a zugba a nɔ kɛ ma. A hi lɛhi nɛ a kɛ ngɔwu pee a mi kɛ gu Nilo pa a nɔ kɛ ma. Nyɛ tsɔli nɛ nyɛ he sɔɔ, nyɛɛ ngɔ sɛ gbi nɛ ɔ kɛ ya nyɛ zugba kɛ e mi pahi babauu ɔ nɔ. Nyɛɛ ngɔ kɛ ya ha nyɛ ma kɛ e mi katsɛmɛ, nimli gagaagahi kɛ a he womi nɔ tlotlootlo nɛ je ɔ tsuo yee mɛ gbeye ɔ.

Yesaya 14:17

Nɔ nɛ kpata mahi a hɛ mi, nɛ e ha je ɔ he tsuaa he plɛ pee nga kplanaa nɔ ɔ, pi lɛ ji nɛ ɔ lo?’

Yesaya 1:7

Nyɛ zugba a hɛ mi kpata; a sã nyɛ ma amɛ. Nibwɔhi ngɛ nyɛ zugba a ngɔe ngɛ nyɛ dɛ pani nya, nɛ a ngɛ nɔ́ tsuaa nɔ́ hɛ mi kpatae.

Yeremia 52:31

Jeha mi nɛ Evilmerodak ba bɔni matsɛ yemi ngɛ Babilonia ma a nɔ ɔ, e na Yuda matsɛ, Yehoyakin mɔbɔ, nɛ e je lɛ kɛ je tsu mi jamɛ a jeha a nɔuu. Nyɔhiɔ nyɔngma kɛ enyɔ ɔ we ligbi nɛ ji nyingmi enyɔ kɛ enuɔ ɔ nɔ lɛ a ngmɛɛ Yehoyakin he ɔ nɛ. Jamɛ a be ɔ, Yehoyakin na jeha nyingmi etɛ kɛ kpaago momo ngɛ nyɔguɛ si himi mi.

Yesaya 56:9

Yawɛ de je ma amɛ nɛ je ma se ɔ ke á ba kaa lohwe dikali, nɛ a ba tsɔtslɔɔ e ma mi bi ɔmɛ a mi.

Yesaya 45:13

Imi nitsɛ nɛ i hla Sirus nɛ i wo lɛ he wami, konɛ e pee nɔ́ tsuaa nɔ́ pɛpɛɛpɛ. Ma ha e blɔ ɔmɛ tsuo maa da tlɔmɔɔ. E maa ma ye ma Yerusalem ɔ ekohu, nɛ e maa ngmɛɛ ye nyɔguɛ ɔmɛ a he nɛ a ye a he. Nɔ ko nɔ ko bɔɛ lɛ apaa, nɛ nɔ ko nɔ ko hu ha we lɛ nyɔ mi ní ke e tsu nɔ́ nɛ ɔ.” Yawɛ, Tabohiatsɛ ɔ lɛ de.

Yesaya 36:1

Yuda matsɛ, Hezekia yi nɔ jeha nyɔngma kɛ eywiɛne ɔ, Asiria matsɛ, Senakerib ba tua Yuda mahi nɛ a fia gbogbo ngɔ wo a he ɔ, nɛ e ngɔ ma amɛ.

Yesaya 5:29

Ta buli ɔmɛ hwɔ hoo kaa jatahi nɛ a gbe lohwe ko nɛ a ngɛ huãe ngɛ he, nɛ a kɛ yaa he nɛ nɔ ko nɔ ko be nyɛe ma kpɔ ngɛ a dɛ.

Yesaya 42:23

Nyɛ kpɛti mɛnɔ maa bu nɔ́ nɛ ɔ tue? Kɛ je be nɛ ɔ kɛ yaa a, mɛnɔ ma ta tue, konɛ e nu níhi nɛ maa ba a?

Yesaya 24:3

Zugba a kɛ e nɔ níhi tsuo a hɛ mi ma kpata pɛsɛpɛsɛ. Yawɛ lɛ de.