Yesaya 42:20 - BAIBLO ALOO NGMAMI KLƆUKLƆU Ɔ

²⁰ Israel, o naa níhi babauu, se o kɔ se lo? O ngɛ tue hu nɛ o kɛ nuɔ nɔ́, se mɛni tutuutu o nu?”

Yesaya 42:20 ပူးပေါင်းရင်းမြစ်များ

Romabi 2:21

Nyɛ nɛ nyɛ tsɔɔ ni kpahi ní ɔ, mɛni he je nyɛ tsɔɔ we nyɛ nitsɛmɛ nyɛ he ní mɔ? Nyɛ fiɛɔ ke a ko ju; se tse nyɛ juɔ?

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Yeremia 6:10

I he nɔ ke, “Ke i kɛ mɛ tu munyu nɛ i ka a hɛ mi ɔ, mɛnɔ maa bu mi tue? Ni ɔmɛ a tue wa, nɛ a sume kaa a maa bu o munyu ɔ tue. Ke o ha mi sɛ gbi nɛ i ya de mɛ ɔ, pe a muɔɔ mi; a nya we he.

Yesaya 58:2

A deɔ ke a jaa mi daa kɛ tsɔɔ kaa a ngɛ hlae nɛ a le ye suɔmi nya ní, nɛ a ye ye mlaa amɛ a nɔ. A deɔ hu ke a ngɛ hlae nɛ ma wo mɛ mlaa kpakpahi, nɛ a suɔ kaa a ma ja mi.”

Yesaya 1:3

Nahi le a tsɛ, nɛ tejihi hu le he nɛ a nɔ hyɛlɔ haa mɛ ní ngɛ. Se imi nitsɛ ye ma Israel ɔ, mɛɛ lɛɛ a li nɔ́ ko nɔ́ ko; a juɛmi bɛ he.”

La 107:43

Nɔ nɛ ji ní lelɔ ɔ, e susu ní nɛ ɔmɛ a he. Nihi tsuo nɛ a susu Yawɛ suɔmi nɛ ngɛ daa a he.

Mose V, 4:9

Nyɛɛ hyɛ saminya! Nyɛ hɛ nɛ hi nyɛ he nɔ ngɛ níhi nɛ nyɛ na kɛ nyɛ nitsɛmɛ nyɛ hɛngmɛ ɔ a he. Nyɛ hɛ ko je nɔ ligbi ko ligbi ko nyɛ wami be tsuo. Nyɛɛ tsɔɔ nyɛ bimɛ, kɛ nyɛ bibimɛ nɛ a le,

Mose IV, 14:22

nihi tsuo nɛ na ye hɛ mi nyami, kɛ okadihi nɛ i pee ngɛ Egipt kɛ nga a nɔ, se kɛ̃ a ka mi si nyɔngma sɔuu, nɛ a bui ye gbi tue ɔ,

Mateo 13:13

Nɔ́ he je nɛ i kɛ ni ɔmɛ ngɛ munyu tue ngɛ abɛ gbi mi ji: a ngɛ hyɛe, se a nɛ; a ngɛ tue bue, se a nui, nɛ a nui sisi hulɔ.

Yesaya 6:9

Kɛkɛ nɛ e de mi ke ma ya nɛ ma ya de ma a ke, “Nyɛ maa bu tue, se nyɛ be sisi nue; nyɛ maa hyɛ, se nyɛ be se kɔe.”

Ezekiel 33:32

A buɔ mo kaa nɔ ko nɛ laa suɔmi la kɛ gbi ngɔngɔɛ, aloo nɔ ko nɛ le saku fiami saminya. A ba buɔ o munyu ɔmɛ tue lɛɛ, se a yi nɔ.