Yesaya 42:10 - BAIBLO ALOO NGMAMI KLƆUKLƆU Ɔ

¹⁰ Nyɛ la la he ha Yawɛ; nyɛ je ɔ tsuo, nyɛ la kɛ je e yi! Nyɛ nihi nɛ nyɛ nyɛɛ wo hɛ mi, nyɛ je e yi! Nibɔ níhi tsuo nɛ ngɛ wo ɔ mi, nyɛ je e yi! Zugbahi ngɛ tsitsaa lokoo, kɛ nihi tsuo nɛ ngɛ a nɔ, nyɛ je e yi!

Yesaya 42:10 ပူးပေါင်းရင်းမြစ်များ

La 33:3

Nyɛ la la he kɛ ha lɛ. Nyɛɛ fia kpa saku ɔ saminya, nɛ nyɛ hwɔ lele.

Yesaya 42:4

E kɔni mi be jɔ̃e, nɛ pɔ be lɛ tɔe kɛ yaa si dami sane yemi ma he si ngɛ je ɔ mi tsuo. Zugbahi nɛ ngɛ tsitsaa lokoo ɔ po maa hyɛ lɛ blɔ nɛ e ba wo mɛ ga.”

La 40:3

E tsɔɔ mi la he nɛ ma la kɛ je wa Mawu ɔ yi. Nihi babauu maa na nɔ́ nɛ ɔ; a maa ye gbeye, nɛ a maa ngɔ a hɛ kɛ fɔ Yawɛ nɔ.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

Yesaya 49:13

Nyɛ hiɔwe níhi, nyɛ la kɛ bua jɔmi! Zugba, hwɔ lele! Nyɛ yo ɔmɛ hu nyɛ la! Yawɛ maa jɔɔ e ma a bua; nihi nɛ ngɛ nɔ́ nae ɔ, e maa na mɛ mɔbɔ.

Kpojemi 14:3

Nimli 144,000 ɔ daa si ngɛ matsɛ sɛ ɔ, kɛ hɛ kali eywiɛ ɔmɛ, kɛ nikɔtɔma amɛ a hɛ mi, nɛ a ngɛ la he ko lae. Nɔ ko nɔ ko nyɛ we nɛ e kase la nɛ ɔ ngɛ je ɔ mi tsuo, ja mɛ nimli 144,000 ɔ nɛ Mawu he a yi wami ɔ.

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Yesaya 65:14

Ye sɔmɔli ɔmɛ ma la, nɛ a bua maa jɔ a he, se nyɛɛ lɛɛ nyɛ ma kpa huhui, nɛ nyɛ maa ye nyɛ tsui wawɛɛ; nyɛ maa ye kɔmɔ, nɛ nyɛ ma fo ya mɔbɔmɔbɔ.

Yesaya 60:9

Spania lɛhi nɛ a nyɛɛ hɛ mi kɛ je tsitsaa wo se zugbahi a nɔ kɛ ma a nɛ. A ngɔ bimɛ kɛ ma we. A hɛɛ sika tsu, kɛ sika hiɔ kɛ ma, konɛ a kɛ ba ha Israel Mawu klɔuklɔu ɔ, nɛ a kɛ wo Yawɛ hɛ mi nyami. Ejakaa e wó e ma a nɔ gojoo ngɛ je ma amɛ tsuo a hɛ mi.

Yesaya 51:5

Ma ba esɔesɔ, konɛ ma ba he a yi wami. Ye kunimi yemi be ɔ su ta. Imi nitsɛ ma ye je ma amɛ a nɔ. Wo nya zugba amɛ ngɛ mi mlɛe, a ngɔ a hɛ ngɔ fɔ ye nɔ kɛ ngɛ mi blɔ hyɛe kaa ma ba he a yi wami.

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Yesaya 44:23

Nyɛ hiɔwe tsuo, nyɛ la nɛ nyɛ nya; nyɛ zugba a sisi hehi nɛ kuɔ, nyɛ he ose! Nyɛ yo ɔmɛ, kɛ hue ɔmɛ kɛ a mi tso ɔmɛ tsuo, nyɛɛ kɛ bua jɔmi nɛ he ose. A je Yawɛ he wami kpetekpleenyɛ ɔ yi; ejakaa e he e ma Israel yi wami.

La 150:6

Nɔ́ tsuaa nɔ́ nɛ woɔ mumi ɔ, e je Yawɛ yi! Nyɛ je Yawɛ yi.

La 97:1

Yawɛ ngɛ matsɛ yee! Mo je, mo nya koo! Nyɛ zugbahi tsuo nɛ wo bɔle nyɛ, nyɛ bua nɛ jɔ, nɛ nyɛ nya!

La 96:11

Hiɔwe, kɛ zugba, nyɛ nya! Wo, kɛ o mi níhi tsuo, nyɛɛ wo gbi.

Kronika I, 16:32

Wo, kɛ o mi níhi tsuo, nyɛɛ wo gbi; ngmɔhi, kɛ nyɛ nɔ ní tsuo, nyɛ nya!

Mose II, 15:1

Kɛkɛ nɛ Mose kɛ Israel bi ɔmɛ la la nɛ ɔ kɛ je Yawɛ yi: “Ma la kɛ je Yawɛ yi, ejakaa e ye kunimi nguaa. E tsɛ̃ okpɔngɔ kɛ e nɔ hilɔ ɔ kɛ wo wo ɔ mi.

Mose II, 20:11

ejakaa ligbi ekpa Yawɛ ngɔ kɛ pee hiɔwe, zugba, kɛ wo kɛ a mi nɔ́ tsuaa nɔ́, nɛ ligbi nɛ ji kpaago ɔ, e jɔɔ e he. Enɛ ɔ he je nɛ e gbaa Hejɔɔmi ligbi ɔ, nɛ e pee lɛ klɔuklɔu ɔ nɛ.

La 65:5

O pee ní gbeyegbeyehi kɛ he wa yi wami. Niinɛ, Mawu, mo ji wa yi wami helɔ. Nihi tsuo nɛ ngɛ je ɔ mi he tsuaa he, zugba a nyagbe he ɔmɛ, kɛ wo se tsitsaa lokoo ɔ tsuo, mo o nɔ a ngɔ a hɛ kɛ fɔ.

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 12:5

Nyɛ la kɛ je Yawɛ yi, ejakaa e tsu ní nguanguahi. Nyɛ ha je ɔ tsuo nɛ nu nɔ́ nɛ ɔ.

Yesaya 48:20

Nyɛɛ je Babilon esɔesɔ; nyɛ wo fo! Nyɛ hwɔ lele nɛ a nu ngɛ he tsuaa he ke, “Yawɛ he e tsɔlɔ Israel yi wami!”

Yesaya 60:6

Afukpɔngɔhi babauu ma ba bua a he nya ngɛ o ngɔ; a maa je Midian kɛ Efa. Sheba bi ɔmɛ maa ngɔ sika tsu, kɛ tsopa kɛ e he via kɛ ba, nɛ mɛ tsuo a ma ba je Yawɛ yi ngɛ ní kpakpahi nɛ e pee ha mɛ ɔ he!

Yesaya 62:11

Yawɛ ngɛ fiɛe kɛ yaa su je mi nyagbe he ɔ tɔɔ; e ke a de Zion biyo ɔ ke, “Be ɔ su jehanɛ, Yawɛ ma nɛ e ba he o yi wami. E ngɔ nihi nɛ e kpɔ ɔ kɛ ma.”