Yesaya 41:8 - BAIBLO ALOO NGMAMI KLƆUKLƆU Ɔ

⁸ “Se mo, ye tsɔlɔ Israel, mo ji ma nɛ i hla, ye huɛ Abraham nina.

Yesaya 41:8 ပူးပေါင်းရင်းမြစ်များ

Yakobo 2:23

Nɛ nɔ́ nɛ ngmami ɔ de ɔ ba mi ke, “Abraham he Mawu ye, nɛ e hemi kɛ yemi ɔ ha nɛ Mawu bu lɛ dalɔ.” Enɛ ɔ he nɛ a tsɛɛ Abraham ke Mawu huɛ ɔ nɛ.

Kronika II, 20:7

Anɛ pi mo, wa Mawu ɔ nɛ o fie zugba nɛ ɔ nɔ bi ɔmɛ kɛ je hiɛmɛ nɛ ɔ benɛ o ma, Israel ma a lo? Anɛ pi mo nɛ o ngɔ zugba nɛ ɔ kɛ ha o huɛ Abraham nina, konɛ e pee a nɔ́ kɛ ya neneene lo?

Mose V, 14:2

Yawɛ, nyɛ Mawu ɔ níhi ji nyɛ. E hla nyɛ kɛ je je ma amɛ tsuo nɛ ngɛ zugba a nɔ ɔ a mi kɛ pee lɛ nitsɛ e ma.

Yesaya 51:2

Nyɛ susu nyɛ nɛ̃, Abraham, kɛ Sara hu nɛ fɔ nyɛ ɔ a he. Benɛ i tsɛ Abraham ɔ, e be bi ko kulaa, se i gbaa lɛ, nɛ i ha lɛ bimɛ; nɛ i ha e nina hiɛ babauu.

Yesaya 44:21

Yawɛ ke, “Israel, o hɛ ko je nɔ́ nɛ ɔ nɔ! Kai kaa ye tsɔlɔ ji mo. Imi lɛ i bɔ mo, konɛ o pee ye tsɔlɔ; lɔ ɔ he ɔ, ye hɛ be o nɔ jee gblegbleegble.

Yesaya 29:22

Lɔ ɔ he ɔ, jehanɛ, bɔ nɛ Yawɛ, Israel Mawu ɔ nɛ he Abraham yi wami kɛ je amanehlu mi ɔ ngɛ dee ji nɛ ɔ nɛ: “Ye ma, zo be nyɛ gbee hu; a be nyɛ hɛ mi si puee hu.

La 33:12

A gbaa ma nɛ a Mawu ji Yawɛ. A gbaa ma nɛ Yawɛ hla kaa lɛ nitsɛ e ma a.

Yesaya 43:1

Se jehanɛ lɛɛ Israel, Yawɛ nɛ bɔ mo ɔ ngɛ mo dee ke, “Koo ye gbeye. Imi nitsɛ ma he o yi wami. O biɛ i ngɔ kɛ tsɛ mo ɔ nɛ; ye nɔ́ ji mo.

La 135:4

Yawɛ nitsɛ lɛ hla Yakob kɛ ha e he; e hla Israel kɛ pee e ma.

Yeremia 33:24

“Tse o nu kaa nihi ngɛ dee ke weku enyɔ, Israel kɛ Yuda nɛ i hla a, imi Yawɛ, i kua mɛ! Enɛ ɔ he je ɔ, a gbeɔ ye ma a he guɛ, nɛ a bui mɛ hu kaa je ma ko ji mɛ.

Yesaya 48:12

Yawɛ ke, “Israel, ma nɛ imi nitsɛ i hla, nyɛɛ bu mi tue! Imi ji Mawu, kekleekle nɔ, kɛ nyagbe nɔ; imi nɔ kake too ji Mawu!

Mateo 3:9

Nyɛ ko susu kaa ke nyɛ de kɛkɛ ke nyɛ nɛ̃ ji Abraham ɔ, nɛ tue gblami ko be nyɛ nɔ bae. I ngɛ nyɛ dee ke, Mawu ma nyɛ ngɔ tɛ nɛ ɔmɛ kɛ pee Abraham nina!

Yesaya 63:16

Mo ji wa tsɛ. Wa nɛmɛ Abraham, kɛ Yakob li wɔ, se mo Yawɛ, wa tsɛ, mo ji wa kpɔlɔ kɛ je blema lokoo.

Yesaya 49:3

E de mi ke, “Israel, ye tsɔlɔ ji mo. O he ɔ, nihi maa wo ye hɛ mi nyami.”

Mose V, 10:15

Se akɛnɛ suɔmi nɛ Yawɛ ngɛ kɛ ha nyɛ nɛmɛ ɔmɛ nya wa wawɛɛ he je ɔ, e hla nyɛ nɛ ji a nina a mohu ngɛ je ma kpa amɛ a mi; nɛ kɛ ba si mwɔnɛ ɔ hu, nyɛ ji e ma nɛ e hla.

Mose III, 25:42

Israel bi ɔmɛ ɔ, Yawɛ tsɔli ji mɛ. Lɛ nitsɛ nɛ e je mɛ kɛ je Egipt zugba a nɔ. Enɛ ɔ he je ɔ, a ko jua mɛ kaa nyɔguɛhi.

Galatabi 3:19

Lɛɛ jehanɛ ɔ, mɛni ji mlaa a he se nami mɔ? A ha wɔ mlaa a, konɛ wa kɛ le wa tɔmi ɔmɛ hluu kɛ yaa su be nɛ Abraham bi ɔ nɛ a wo lɛ si ngɛ he ɔ maa ba. Jehanɛ hu, hiɔwe bɔfohi lɛ ngɔ mlaa a kɛ ba ha je ɔ kɛ gu adesa nɔ.

La 136:22

Lɛ nɛ e ngɔ zugba amɛ kɛ ha e tsɔlɔ, Israel kaa e weto ní; ejakaa e suɔmi ɔ ngɛ kɛ yaa neneene!

Yesaya 14:1

Yawɛ maa na e ma Israel mɔbɔ ekohu, nɛ e ma ná a he tsui kaa lɛ nitsɛ e ma. E maa to mɛ si ngɛ mɛ nitsɛmɛ a zugba nɔ. Nibwɔhi ma ba to mɛ, nɛ a kɛ mɛ maa hi si.

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Yesaya 42:19

Anɛ nɔ ko ngɛ nɛ e hɛ yu pe ye tsɔlɔ ɔ, loo nɛ e tue tsi pe nɔ nɛ i tsɔ kɛ sɛ pɔtɛɛ ɔ lo?

Yesaya 43:5

Koo ye gbeye, imi nitsɛ i kɛ mo ngɛ! “Ma bua o nina nya kɛ maa je beleku je, kɛ bonyoku je kɛ maa ba we.

Yesaya 43:10

“Israel ma, mo ji ye we odase. Imi ji nɔ nɛ hla mo, konɛ o pee ye tsɔlɔ, bɔ nɛ pee nɛ o le mi, o he ye nɔ nɛ o ye, nɛ o na nɛ o le kaa imi pɛ ji Mawu. Ye se ɔ, mawu kpa ko be hu, mawu kpa ko hi si hyɛ, nɛ eko be bae gblegbleegble.

Yesaya 45:4

I tsɛ mo, konɛ o piɛ Israel he. Israel nɛ ɔ ji ma nɛ imi nitsɛ i hla. E ngɛ mi kaa o li mi lɛɛ, se i wo o hɛ mi nyami wawɛɛ nitsɛ.

Malaki 1:2

Bɔ nɛ Yawɛ ngɛ e ma a dee ji nɛ ɔ nɛ: “I suɔ nyɛ sane saminya.” Se a bi lɛ ke, “Mɛni lɛ o peeɔ kɛ tsɔɔ kaa o suɔ wɔ?” Yawɛ he nɔ ke, “Anɛ Esau kɛ Yakob ɔ, pi nyɛmimɛ ji mɛ lo? Se kɛ̃ ɔ, i je suɔmi kpo kɛ tsɔɔ Yakob kɛ e nina,

La 136:21

Lɛ nɛ e ngɔ a zugba amɛ kɛ ha e ma a kaa a weto ní; ejakaa e suɔmi ɔ ngɛ kɛ yaa neneene!