Yesaya 41:29 - BAIBLO ALOO NGMAMI KLƆUKLƆU Ɔ

²⁹ Nyɛɛ hyɛ, mawu nɛ ɔmɛ tsuo pi nɔ́ ko nɔ́ ko kulaa; a nyɛ we nɔ́ ko kpakpa nɛ a tsu. Amaga amɛ nɛ a puɛ ɔ, a he be se nami; a ngɛ kaa kɔɔhiɔ kɛkɛ.”

Yesaya 41:29 ပူးပေါင်းရင်းမြစ်များ

Yeremia 5:13

A deɔ ke gbali ɔmɛ a munyu ɔmɛ ngɛ kaa kɔɔhiɔ kɛkɛ; Yawɛ sɛ gbi ko be mi. Yawɛ Tabohiatsɛ Mawu ɔ de mi ke, “Yeremia, akɛnɛ nimli nɛ ɔmɛ tu kikɛmɛ a munyu nɛ ɔmɛ he je ɔ, ma ha nɛ ye munyu ɔmɛ maa pee kaa la ngɛ o nya mi. Ma nɛ ɔ maa pee kaa lɛ́, nɛ la a maa sã mɛ.”

Yesaya 41:24

Nyɛɛ hyɛ, nyɛ pi nɔ́ ko nɔ́ ko kulaa, nɛ nyɛ ní tsumi hu nɔ ko bui fɛɛ; nihi nɛ jaa nyɛ ɔ, nimli guhi ji mɛ; a ngɛ kaa nyɛ kɛ̃.

Habakuk 2:18

Mɛni se nami ngɛ amaga he? E ji nɔ́ ko kɛkɛ nɛ nɔmlɔ adesa pee, nɛ lakpa pɛ e toɔ. Mɛni se nami ngɛ he ha nɔ nɛ pee lɛ ɔ, kaa e maa ngɔ e hɛ kɛ fɔ e nɔ; mawu nɛ nyɛ we munyu tete po nɛ e tuɔ ɔ!

Manyadali 18:17

Se nyumu ni enuɔ ɔmɛ nɛ ya slaa zugba a, mɛɛ lɛɛ a sɛ we ɔ mi, nɛ a ya ngɔ amaga nɛ a hlɔ nɛ a kɛ sika hiɔ ha he ɔ, kɛ efɔd ɔ, kɛ amaga nɛ a kpɛ́ ɔ, be mi nɛ osɔfo ɔ, kɛ nyumuhi lafa ekpa amɛ nɛ mia kɛ ta hwumi ní ɔ daa si ngɛ agbo ɔ nya a.

Samuel I, 12:21

Nyɛ ko ya nyɛɛ yaka níhi nɛ a he be se nami, nɛ a be nyɛ yi wami nyɛe ma he ɔ a se; ejakaa yaka níhi kɛkɛ ji mɛ.

Yesaya 2:8

Amagahi hyi a zugba a nɔ; nɛ níhi nɛ mɛ nitsɛmɛ a ngɔ a nine kɛ pee ɔ, lɔ ɔmɛ a jaa.

Yesaya 17:8

Jehanɛ lɛɛ bɔ sami la tɛhi nɛ mɛ nitsɛmɛ a puɛ ɔ, a be mɛ bue hu. Níhi nɛ a kɛ a nine pee, amagahi nɛ a puɛ ha yo mawu nɛ a tsɛɛ Ashera a, kɛ la tɛhi nɛ a sãã tsopa kɛ e he via ngɛ a nɔ ɔ, a be mɛ hu bue.

Yesaya 37:19

nɛ a sã a mawu ɔmɛ. A kpata a hɛ mi, ejakaa tsa pi mawu nitsɛnitsɛhi ji mɛ; nimli a nine nya ní tsumihi, kɛ tsohi, kɛ tɛhi kɛkɛ ji mɛ.

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

La 96:5

Je ma kpa amɛ a mawu ɔmɛ ɔ, amagahi kɛkɛ ji mɛ. Yawɛ lɛɛ lɛ nɛ e bɔ hiɔwe.

Yesaya 46:7

A ngɔɔ amaga a ngɔ fɔɔ a konɔ; a kɛ ya maa si ngɛ he ko, nɛ e nyɛ we nɛ e mimiɛɔ e he po kɛ je he nɛ e maa si ngɛ ɔ! Ke nɔ ko fa kue ha lɛ ɔ, e nyɛ we nɛ e haa lɛ heto, nɛ e nyɛ we nɛ e jeɔ nɔ ɔ kɛ jeɔ haomi mi hulɔ.

Zakaria 10:2

Amaga amɛ de we nɔ́ ko nɛ juɛmi ngɛ mi; klaali ɔmɛ lɛɛ lakpa munyuhi sɔuu a tuɔ. Ni komɛ hu tsɔɔ nlamihi a sisi, nɛ a kɛ sisiɔ nyɛ kɛ woɔ nyɛ bua kɛkɛ. Enɛ ɔ ha nɛ ma a tsuo ngɛ lalaalo woe kaa tohi, nɛ a ngɛ nɔ́ nae, ejakaa a be hyɛlɔ.