Yesaya 41:27 - BAIBLO ALOO NGMAMI KLƆUKLƆU Ɔ

²⁷ Imi Yawɛ ji kekleekle nɔ nɛ bɔ Zion amaniɛ nɛ ɔ. Imi nɛ i tsɔ nɔ Yerusalem kɛ manye munyu ke, ‘O ma mi bi ɔmɛ ma oo! A ma we!’

Yesaya 41:27 ပူးပေါင်းရင်းမြစ်များ

Yesaya 40:9

Zion, mo manye munyu fiɛlɔ! Kuɔɔ kɛ ya yo gagaa ko nɔ, nɛ o ya fiɛ manye munyu ɔ kɛ he wami. Yerusalem, mo manye munyu fiɛlɔ, wo o gbi nɔ wawɛɛ, nɛ o fiɛ; koo ye gbeye! De Yuda ma amɛ ke, “Ne nyɛ Mawu ɔ!”

Yesaya 52:7

Mɛni ji afɛu! Nyɛɛ hyɛ manye munyu fiɛlɔ ko nyɛɛ yo ɔmɛ a nɔ kɛ ma; e hɛɛ manye munyu sɔuu; manye munyu ɔ kɔɔ tue mi jɔmi he! E ngɛ fiɛe ke a ye kunimi, nɛ e ngɛ Zion dee ke, “O Mawu ɔ ngɛ matsɛ yee!”

Nahum 1:15

Hyɛ, tsɔlɔ ko ma ngɛ yo ɔmɛ a nɔ kɛ manye munyu. E ngɛ fiɛe ngɛ dee ke wa ye kunimi. Yuda ma, nyɛɛ ye nyami ligbi ɔmɛ. Si nɛ nyɛ wo Mawu veveeve ɔ, nyɛɛ ye nɔ. Yiwutsotsɛmɛ nɛ ɔmɛ be bae nɛ a ba tua nyɛ zugba a hu. Ejakaa a kpata a hɛ mi pɛsɛpɛsɛ.

Yesaya 48:3

Yawɛ ngɛ Israel dee ke, “Níhi nɛ maa ba hwɔɔ se ɔ, i gba ngɔ to blema lokoo, nɛ tlukaa, i ha a ba mi.

Yesaya 44:28

I deɔ Sirus ke, ‘Mo ji nɔ nɛ maa ye ye ma a nɔ ha mi; nɔ́ nɛ i suɔ ɔ, lɔ ɔ sɔuu o maa pee. O ma fa ke a ma Yerusalem ekohu, nɛ́ a to Yawɛ we ɔ sisi.’ ”

Kpojemi 2:8

Nɛ e de ke, “Bɔfo ɔ nɛ ngɛ asafo ɔ nya ngɛ Smirna a, ngmaa womi nɛ ɔ ya ha lɛ ke, “Sɛ gbi nɛ je nɔ nɛ ji kekleekle no kɛ nyagbe no ɔ ngɔ ji nɛ ɔ nɛ; e gbo, nɛ e kpale ba wami mi ekohu.

Romabi 10:15

Nɛ kɛ maa pee kɛɛ nɛ nihi maa fiɛ, ke a tsɔ we mɛ? Kaa bɔ nɛ a ngma a, “Hyɛ bɔ nɛ he jɔmi sane kpakpa a fiɛli a nanehi ngɛ fɛu ha.”

Yesaya 48:12

Yawɛ ke, “Israel, ma nɛ imi nitsɛ i hla, nyɛɛ bu mi tue! Imi ji Mawu, kekleekle nɔ, kɛ nyagbe nɔ; imi nɔ kake too ji Mawu!

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.

Yesaya 43:10

“Israel ma, mo ji ye we odase. Imi ji nɔ nɛ hla mo, konɛ o pee ye tsɔlɔ, bɔ nɛ pee nɛ o le mi, o he ye nɔ nɛ o ye, nɛ o na nɛ o le kaa imi pɛ ji Mawu. Ye se ɔ, mawu kpa ko be hu, mawu kpa ko hi si hyɛ, nɛ eko be bae gblegbleegble.

Yesaya 41:4

Mɛnɔ ji nɔ nɛ pee enɛ ɔ? Mɛnɔ lɛ tsɛ yi nɔ ɔmɛ tsuo kɛ je sisije? Sisije ɔ, imi Yawɛ, i ngɛ lejɛ ɔ; nɛ nyagbe ɔ hu, imi Yawɛ nɔuu ma hi lejɛ ɔ.

Yesaya 46:9

Nyɛ kai níhi nɛ i pee blema lokoo ɔ; ejakaa Mawu kpa ko be nɛ kɛ mi sɔ.