Yesaya 41:24 - BAIBLO ALOO NGMAMI KLƆUKLƆU Ɔ

²⁴ Nyɛɛ hyɛ, nyɛ pi nɔ́ ko nɔ́ ko kulaa, nɛ nyɛ ní tsumi hu nɔ ko bui fɛɛ; nihi nɛ jaa nyɛ ɔ, nimli guhi ji mɛ; a ngɛ kaa nyɛ kɛ̃.

Yesaya 41:24 ပူးပေါင်းရင်းမြစ်များ

1 Korintobi 8:4

Lɔ ɔ he ɔ, ma suɔ nɛ ma de nɔ́ ko ngɛ kusumi lo nɛ a kɛ haa amaga a yemi he. Wa le kaa amaga daa si ha nɔ́ ko nɛ be je nɛ ɔ mi. Wa le hu kaa mawu kpa ko be ngɛ anɔkuale Mawu kake ɔ se.

La 115:8

Nihi nɛ pee mɛ ɔ ngɛ kaa amaga amɛ nɔuu. Ni nɛmɛ nɛ ngɔɔ a hɛ kɛ fɔɔ a nɔ ɔ, jã kɛ̃ a ngɛ.

Yesaya 41:29

Nyɛɛ hyɛ, mawu nɛ ɔmɛ tsuo pi nɔ́ ko nɔ́ ko kulaa; a nyɛ we nɔ́ ko kpakpa nɛ a tsu. Amaga amɛ nɛ a puɛ ɔ, a he be se nami; a ngɛ kaa kɔɔhiɔ kɛkɛ.”

Yeremia 10:8

Mɛ tsuo pɛpɛɛpɛ a biɛ, nɛ a jeɔ kuasia. Amagahi nɛ a kɛ tso pee ɔ, mɛni a ma nyɛ maa kase kɛ je a dɛ?

Kpojemi 17:5

A ngma biɛ ko nɛ ji laami sane ngɛ e hɛ nya ke, “Babilon kpetekpleenyɛ, ajuamahi a nyɛ, kɛ níhi nɛ a hiee tsuo a je he.”

Yeremia 10:14

Nimli adesahi tsuo biɛ; a li nɔ́ ko nɔ́ ko. Sika gali a hɛ mi pue si pɛ; ejakaa amaga amɛ nɛ a puɛɛ ɔ, ní guhi ji mɛ; wami ko wami ko be a mi.

Yesaya 66:24

“Ke a je hiɛ ɔ, a ma ya na nihi nɛ kua mi ɔ a gbogboehi nɛ pueɔ si. Gɔgɔ nɛ gbogboe ɔmɛ wo ɔ be gboe gblegbleegble, nɛ la nɛ ngɛ mɛ sããe ɔ hu a be nyɛe maa gbe; a maa pee he mi nyɛɛmi nɔ́ ha nimli adesahi tsuo.”

Yesaya 37:19

nɛ a sã a mawu ɔmɛ. A kpata a hɛ mi, ejakaa tsa pi mawu nitsɛnitsɛhi ji mɛ; nimli a nine nya ní tsumihi, kɛ tsohi, kɛ tɛhi kɛkɛ ji mɛ.

Mose V, 27:15

“ ‘Mawu maa gbiɛ nɔ tsuaa nɔ nɛ ngɔɔ tɛ, loo tso, loo dade kɛ peeɔ amaga ko, nɛ e jaa lɛ ngɛ laami mi. Yawɛ hiɔ wɔ jami.’ Ma a tsuo ma he nɔ ke, ‘Amen!’

Mose V, 7:26

Nyɛ ko ngɔ amaga nɛ ɔ eko kɛ ba nyɛ we ɔmɛ a mi; ke nyɛ pee ja a, gbiɛmi nɛ ngɛ amaga amɛ a nɔ ɔ maa ba nyɛ nɔ. Nyɛɛ nyɛ, nɛ nyɛɛ hie amaga amɛ, ejakaa Yawɛ gbiɛmi ngɛ a nɔ.

Abɛ Womi 3:32

Ejakaa Yawɛ sume nimli yayamihi; nihi nɛ peeɔ nɔ́ nɛ da lɛ e kɛ bɔɔ.

Abɛ Womi 28:9

Nɔ nɛ sume kaa e yeɔ mlaa nɔ ɔ, ke e fa kue ha Mawu po, e bɔ musu.

Yeremia 10:5

Amaga amɛ ngɛ kaa lohwehi a he gbeye womi níhi nɛ maa si ngɛ jamatlɛ ngmɔ mi; a tu we munyu. A nyɛɛ we hulɔ; pe a woɔ a nɔ kɛ jeɔ he kake kɛ yaa he kake. Nyɛ ko ye mɛ gbeye, ejakaa a be nyɛe maa pee nyɛ yayami ko; kpakpa ko hu a be nyɛe maa pee ha nyɛ.”

Yeremia 10:15

Amaga amɛ ɔ, se nami ko be a he, muɔ ní kɛkɛ ji mɛ. Be mi nɛ Yawɛ ma ba gbla ma a tue ɔ, a we amaga amɛ hu a maa ku mɛ dukuduku.

Mose V, 7:25

Nyɛɛ sã a we amaga amɛ. Nyɛ hɛ ko kɔ̃ a sika hiɔ, loo sika tsu nɔ; nyɛ ko ngɔ ekoeko. Ke nyɛ ngɔ eko ɔ, e maa pee gbenɔ ha nyɛ; ejakaa Yawɛ, nyɛ Mawu ɔ sume amaga jami.