Yesaya 41:23 - BAIBLO ALOO NGMAMI KLƆUKLƆU Ɔ

²³ Nyɛɛ gba níhi nɛ maa ba hwɔɔ se, kɛkɛ wa maa na kaa mawuhi ji nyɛ niinɛ! Nyɛɛ pee nɔ́ ko nɛ hi saminya, aloo nyɛ ha nɛ haomi ko nɛ ba; nyɛɛ pee nɔ́ ko nɛ maa wo wa he gbeye, loo nɔ́ ko nɛ maa pee wɔ nyakpɛ nɛ waa hyɛ!

Yesaya 41:23 ပူးပေါင်းရင်းမြစ်များ

Yohane 13:19

Nɔ́ nɛ maa ba a, i ngɛ nyɛ dee loko e ba mi, konɛ ke e ba mi ɔ, nyɛ he ye kaa ‘Imi ji nɔ nɛ i ji ɔ nɛ.’

Yesaya 42:9

Nyɛɛ hyɛ koo! Níhi nɛ i de to blema a ba mi. Jehanɛ, ma gba nyɛ níhi nɛ maa ba. I ngɛ nyɛ dee loko a ba mi.”

Yeremia 10:5

Amaga amɛ ngɛ kaa lohwehi a he gbeye womi níhi nɛ maa si ngɛ jamatlɛ ngmɔ mi; a tu we munyu. A nyɛɛ we hulɔ; pe a woɔ a nɔ kɛ jeɔ he kake kɛ yaa he kake. Nyɛ ko ye mɛ gbeye, ejakaa a be nyɛe maa pee nyɛ yayami ko; kpakpa ko hu a be nyɛe maa pee ha nyɛ.”

Yesaya 46:7

A ngɔɔ amaga a ngɔ fɔɔ a konɔ; a kɛ ya maa si ngɛ he ko, nɛ e nyɛ we nɛ e mimiɛɔ e he po kɛ je he nɛ e maa si ngɛ ɔ! Ke nɔ ko fa kue ha lɛ ɔ, e nyɛ we nɛ e haa lɛ heto, nɛ e nyɛ we nɛ e jeɔ nɔ ɔ kɛ jeɔ haomi mi hulɔ.

Yesaya 45:3

Ma je juetli kpo ha mo kɛ je diblii mi, kɛ je hehi nɛ a ngɔ mɛ ngɔ laa ngɛ ɔ, konɛ o na nɛ o le kaa imi Yawɛ, Israel Mawu ɔ, i le mo, nɛ i kɛ o biɛ tsɛɔ mo.

Ni Tsumi 15:18

Nyɔmtsɛ ɔ, nɔ nɛ ha nɛ a le enɛ ɔmɛ tsuo kɛ je blema lokoo ɔ lɛ de.’ ”

Yesaya 43:9

Tsɛ je ma amɛ tsuo kɛ ba, nɛ a ba bua a he nya. A ti mɛnɔ ma nyɛ maa sɛɛ wɔ blema níhi. Ha nɛ a we odase yeli ɔmɛ nɛ a ba, nɛ a ba nu, konɛ a de ke e ngɛ mi, loo e be mi.

Yesaya 45:21

Nyɛɛ kɛ nyɛ sane ɔ nɛ ba nɛ waa hyɛ mi. Nihi nɛ ma je a sane ɔ nya a, nyɛ ha nɛ a ya kpe yi! Nyɛ mawu ɔmɛ a kpɛti mɛnɔ nyɛ́ de nɔ́ ko kɛ to blema lokoo? Nɔ ko nɔ ko be. Anɛ pi imi Yawɛ lo? Anɛ pi imi Mawu nɛ da, nɛ heɔ e ma a yi wami ɔ lo? Ye se ɔ, Mawu kpa ko be hu.

Daniel 2:9

kaa ke nyɛ nyɛ we nɛ nyɛɛ tsɔɔ mi nlami ɔ, tue gblami kake ma ha nyɛ tsuo. Nyɛ so kaa nyɛ maa ye mi lakpa hluu kaa alini níhi ma tsake. Lɔ ɔ he ɔ, nyɛɛ sɛɛ mi nlami ɔ. Ke nyɛ pee ja a, kɛkɛ imi hu ma le kaa nyɛ ma nyɛ maa tsɔɔ mi sisi.”

Yesaya 19:12

Egipt matsɛ, jije o ga woli nɛ le ní saminya a ngɛ? Eko ɔ, a ma nyɛ ma de mo yi mi nɛ Yawɛ Tabohiatsɛ ɔ to ngɛ Egipt he.