Yesaya 41:22 - BAIBLO ALOO NGMAMI KLƆUKLƆU Ɔ

²² Nyɛɛ ba nɛ nyɛ ba gba níhi nɛ maa ba hwɔɔ se, konɛ ke a ba mi ɔ, waa le kaa ja nyɛ de ɔ nɛ. Níhi nɛ ba momo ɔ, nyɛ gba mi kɛ tsɔɔ wɔ, nɛ nyɛɛ tsɔɔ wɔ a sisi.

Yesaya 41:22 ပူးပေါင်းရင်းမြစ်များ

Yesaya 45:21

Nyɛɛ kɛ nyɛ sane ɔ nɛ ba nɛ waa hyɛ mi. Nihi nɛ ma je a sane ɔ nya a, nyɛ ha nɛ a ya kpe yi! Nyɛ mawu ɔmɛ a kpɛti mɛnɔ nyɛ́ de nɔ́ ko kɛ to blema lokoo? Nɔ ko nɔ ko be. Anɛ pi imi Yawɛ lo? Anɛ pi imi Mawu nɛ da, nɛ heɔ e ma a yi wami ɔ lo? Ye se ɔ, Mawu kpa ko be hu.

Yesaya 48:14

“Nyɛ tsuo nyɛ ba bua nyɛ he nya nɛ nyɛɛ bu tue! Nyɛ mawu ɔmɛ a ti mɛnɔ gba enɛ ɔ kɛ to? Nɔ nɛ imi Yawɛ, i suɔ lɛ ɔ, ma ba pee nɔ́ nɛ sa imi Yawɛ ye hɛ mi, nɛ e ma kpata Babilon hɛ mi butuu.

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

Yesaya 44:7

Mɛnɔ kɛ mi sɔ? Ha nɛ a ha heto. Ha nɛ a je nya nɛ a de ngɛ ye hɛ mi. Níhi nɛ ba blema a, mɛnɔ lɛ de to? Ha nɛ a gba níhi nɛ maa ba hwɔɔ se.

Yohane 16:14

E maa wo ye hɛ mi nyami, ejakaa níhi nɛ i wo nɔ ta a, e maa tsɔɔ nyɛ.

Yohane 13:19

Nɔ́ nɛ maa ba a, i ngɛ nyɛ dee loko e ba mi, konɛ ke e ba mi ɔ, nyɛ he ye kaa ‘Imi ji nɔ nɛ i ji ɔ nɛ.’

Yesaya 42:9

Nyɛɛ hyɛ koo! Níhi nɛ i de to blema a ba mi. Jehanɛ, ma gba nyɛ níhi nɛ maa ba. I ngɛ nyɛ dee loko a ba mi.”

Yesaya 41:26

Nyɛ ti mɛnɔ gba enɛ ɔ kɛ to momo ke bɔ nɛ e maa ba ji nɛ ɔ, konɛ wa de ke, ‘Ja tutuutu o gba a nɛ.’ Nyɛ ti nɔ ko nɔ ko de we nɔ́ nɛ ɔ he nɔ́ ko. Nɔ ko nɔ ko wui nɔ ta, nɛ nɔ ko nɔ ko nui hulɔ.

Yesaya 48:3

Yawɛ ngɛ Israel dee ke, “Níhi nɛ maa ba hwɔɔ se ɔ, i gba ngɔ to blema lokoo, nɛ tlukaa, i ha a ba mi.

Yesaya 45:22

“Nyɛ nimli tsuo ngɛ je ɔ mi, nyɛɛ kpale kɛ ba ye ngɔ jehanɛ, konɛ a he nyɛ yi wami! Ejakaa imi nɔ kake too ji Mawu; Mawu kpa ko be.