Yesaya 41:20 - BAIBLO ALOO NGMAMI KLƆUKLƆU Ɔ

²⁰ Mahi tsuo maa na nyakpɛ nɔ́ nɛ ɔ, nɛ a maa le kaa imi Yawɛ, Israel Nɔ Klɔuklɔu ɔ nɛ i tsu nɔ́ nɛ ɔ nɛ.”

Yesaya 41:20 ပူးပေါင်းရင်းမြစ်များ

Hiob 12:9

Mɛ tsuo pɛpɛɛpɛ a ti mɛnɔ lɛ li kaa Mawu lɛ pee enɛ ɔ lo?

Yesaya 44:23

Nyɛ hiɔwe tsuo, nyɛ la nɛ nyɛ nya; nyɛ zugba a sisi hehi nɛ kuɔ, nyɛ he ose! Nyɛ yo ɔmɛ, kɛ hue ɔmɛ kɛ a mi tso ɔmɛ tsuo, nyɛɛ kɛ bua jɔmi nɛ he ose. A je Yawɛ he wami kpetekpleenyɛ ɔ yi; ejakaa e he e ma Israel yi wami.

Yesaya 43:21

Mɛ ji ye ma nɛ imi nitsɛ i bɔ ha ye he, konɛ a la kɛ je ye yi!”

Mose II, 9:16

Se i ha nɛ o ngɛ je mi, bɔ nɛ pee nɛ ma je ye he wami kpo ngɔ tsɔɔ mo, konɛ a wo ye biɛ ta ngɛ je ɔ mi tsuo.

2 Tesalonikabi 1:10

ligbi ɔ nɛ e maa ba nɛ e ni klɔuklɔu ɔmɛ ma je e yi, nɛ nihi nɛ heɔ lɛ yeɔ maa wo e hɛ mi nyami ɔ. Nɛ nyɛ hu nyɛ maa piɛ a he, ejakaa sɛ gbi ɔ nɛ wa ngɔ ba ha nyɛ ɔ, nyɛ he ye.

La 109:27

Ha nɛ ye he nyɛli ɔmɛ nɛ a le kaa nɔ́ nɛ ɔ, o nine ngɛ mi; mo Yawɛ nitsɛ lɛ o tsu.

Yesaya 66:18

I le níhi nɛ a ngɛ susue, kɛ níhi nɛ a ngɛ pee. Be ma nɛ ma bua je ma amɛ tsuo, kɛ gbi slɔɔtoslɔɔto ɔmɛ tsuo a nya. Ke a ba a, a ma ba na ye hɛ mi nyami ɔ.

Mose IV, 23:23

Kunya ko kunya ko be Yakob nyɛe, Israel ɔ, klaami he wami ko be lɛ nyɛe. Lɛɛ a ma de ngɛ Yakob, loo Israel he ke, ‘Nyɛɛ hyɛ nyakpɛ níhi nɛ Mawu tsu ha mɛ!’

Mose II, 6:7

Ma ngɔ nyɛ kɛ pee imi nitsɛ ye ma, nɛ ma pee nyɛ Mawu; nɛ nyɛ maa le kaa imi ji Yawɛ Mawu, nɔ nɛ je Egipt bi ɔmɛ a tlomi ɔmɛ kɛ je nyɛ nɔ ɔ.

Yesaya 29:24

Kuasiahi maa le ní, nɛ ni nɛmɛ nɛ tuɔ munyu huitihuiti ɔ maa kase ní.”

Yesaya 40:5

Kɛkɛ ɔ, Yawɛ hɛ mi nyami ɔ maa je kpo paa nɛ nimli adesahi tsuo maa na. Bɔ nɛ Yawɛ de to ji nɛ ɔ nɛ.”

Yesaya 43:15

Imi ji Yawɛ Mawu klɔuklɔu ɔ nɛ. Israel, imi ji o bɔlɔ, kɛ o matsɛ.”

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Yesaya 66:14

Ke enɛ ɔ ba mi ɔ, nyɛ ma na bua jɔmi. Nyɛ ma na he wami he. Lɔ ɔ loko nyɛ maa le kaa imi Yawɛ ɔ, nihi nɛ buɔ mi tue ɔ, i piɛɔ a he, nɛ i kɛ abofu gblaa ye he nyɛli a tue.”

Yesaya 28:29

Nɔ́ nɛ ɔ hu Yawɛ Tabohiatsɛ ɔ dɛ mi nɛ e je; e woɔ ga nɛ ngɛ nyakpɛ, nɛ e nile hiɛ babauu.

Yesaya 41:4

Mɛnɔ ji nɔ nɛ pee enɛ ɔ? Mɛnɔ lɛ tsɛ yi nɔ ɔmɛ tsuo kɛ je sisije? Sisije ɔ, imi Yawɛ, i ngɛ lejɛ ɔ; nɛ nyagbe ɔ hu, imi Yawɛ nɔuu ma hi lejɛ ɔ.

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.