Yesaya 41:19 - BAIBLO ALOO NGMAMI KLƆUKLƆU Ɔ

¹⁹ Ma ha seda tso, akasia tso, mɔmɔ tso, kɛ oliv tso maa bɔ ngɛ nga kplanaa a nɔ. Ma ha zugba nɛ nɔ́ ko be nɔ ɔ ma plɛ pee hue nɛ sɛsɛo, papao, kɛ nga mi tsohi ngɛ mi.

Yesaya 41:19 ပူးပေါင်းရင်းမြစ်များ

Yesaya 27:6

Hwɔɔ se ko ɔ, Israel ma nɛ ji Yakob nina a maa ma si kpɛii kaa tso nɛ sipoku sɛ zu mi; a ma gba mɔmɔ, nɛ a ma plɔke. A yiblii ma hyi je ɔ tɔ.

Yesaya 32:15

Se wɔ lɛɛ, Mawu ma ha wɔ e mumi ɔ kɛ je hiɔwe ekohu, nɛ wa ma na niye ní babauu kɛ je ngmɔ ɔmɛ a mi.

Yesaya 35:1

Nga zugba kpataa nɛ gbli ɔ ma na bua jɔmi; zia zugba a ma nya, nɛ mɔmɔhi maa puɛ ngɛ nɔ.

Yesaya 43:19

Nɔ́ he nɛ ma pee ɔ, nyɛɛ hyɛ lɔ ɔ mohu blɔ; nɔ́ he ɔ je sisi momo; nyɛ bli nyɛ hɛngmɛ nɛ nyɛɛ hyɛ! Ma je gbɛjegbɛ ko kɛ gu nga kplanaa a nɔ, nɛ ma ha pahi maa hia ngɛ lejɛ ɔ.

Yesaya 51:3

“Ma jɔɔ Yerusalem bua; nihi tsuo nɛ ngɛ Yerusalem we doku ɔmɛ a mi ɔ, ma jɔɔ a bua. E zugba a pee nga kplanaa lɛɛ, se ma ha e ma plɛ pee ngmɔ kaa ngmɔ ɔ nɛ i pee ngɛ Eden ɔ. Ma a mi bi ɔmɛ a bua maa jɔ saminya, a ma nya nɛ a ma la yi jemi, kɛ sina lahi.

Yesaya 55:13

Mio tso nane mi ɔ, sɛsɛo maa puɛ. Tso kpakpa maa puɛ ngɛ mio tso nane mi. E maa pee okadi nɛ maa hi si kɛ maa ya neneene, nɛ a kɛ ma kai nɔ́ nɛ Yawɛ tsu.”

Yesaya 60:13

“A maa poo Lebanon tso kpakpa nɛ ɔmɛ kɛ ba ma Yerusalem ekohu: sɛsɛo, odum kɛ tsohi nɛ da tlɔmɔɔ ɔ tsuo. Enɛ ɔ ma ha nɛ ye we klɔuklɔu ɔ maa pee fɛu, nɛ ye ma a hɛ mi maa ba nyami.

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.

Yesaya 61:11

Bɔ nɛ tso tsɛ̃ɔ kɛ jee zu mi, ee, bɔ nɛ wu puɛɔ ngɛ ngmɔ mi ɔ, ja Nyɔmtsɛ Yawɛ ma he e ma a yi wami, nɛ je ma amɛ tsuo maa na, nɛ a ma je e yi.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Ezekiel 47:12

Tso slɔɔtoslɔɔtohi maa bɔ ngɛ pa a nya hiɛ kɛ pa a se tsuo. Tso ba amɛ be nglae, nɛ a yiblii ɔmɛ hu be tae. Nyɔhiɔ tsuaa nyɔhiɔ ɔ, a maa wo yiblii he; ejakaa nyu nɛ a naa a, Yawɛ we ɔ mi a naa kɛ jeɔ. Tso ɔmɛ ma ha niye ní babauu, nɛ a ba amɛ ma ba pee tsopa nɛ a kɛ ma tsa ma a.”

Hosea 14:8

Israel ma, mɛni peemi i kɛ amagahi ngɛ? Imi nɛ i buu nyɛ kue fami tue nɛ i hyɛɛ nyɛ nɔ. I ngɛ kaa sɛsɛo tso nɛ ba mumu tɛ̃ e nɔ gblegbleegble. Imi lɛ i haa ma a niye ní.”

Zakaria 1:8

Nyɔ mi ɔ, i na Yawɛ bɔfo ko ngɛ okpɔngɔ tsutsuu ko nɔ. E ha e we okpɔngɔ ɔ da si ngɛ mɔmɔ tso komɛ a kpɛti ngɛ kɔ̃ ko mi. Okpɔngɔ kpahi daa si ngɛ a se, okpɔngɔ tsutsuuhi, okpɔngɔ futaahi, kɛ ekomɛ nɛ hɛɛ kɔbɛi su.