Yesaya 41:16 - BAIBLO ALOO NGMAMI KLƆUKLƆU Ɔ

¹⁶ O maa fɔ̃ mɛ kɛ ya kɔɔhiɔ mi; nɛ kɔɔhiɔ maa muɔ mɛ kɛ ho. Ahumi maa gbɛ mɛ kɛ fĩa; se moo lɛɛ, o bua maa jɔ saminya; ejakaa imi ji o Mawu ɔ nɛ. O ma je imi! Israel Mawu Klɔuklɔu ɔ, ye yi.

Yesaya 41:16 ပူးပေါင်းရင်းမြစ်များ

Yeremia 51:2

Ma ha nɛ he nyɛli ma ba sa Babilonia zugba a yi kɛ kpe; a ma kpata zugba a hɛ mi pɛsɛpɛsɛ. Babilonia zugba a maa pee falifali kaa zugba nɛ kɔɔhiɔ muɔ jakati ngɛ nɔ kɛ ho; nɔ́ ko nɔ́ ko be piɛe ngɛ nɔ.

Habakuk 3:18

ye bua maa jɔ, nɛ ma nya; ejakaa Yawɛ Mawu ɔ ji nɔ nɛ heɔ ye yi wami.

Yeremia 15:7

I ngɔ nɔ́ mi sami nɔ́ kɛ sa nyɛ mi ngɛ ma amɛ tsuo a mi ngɛ zugba a nɔ. I kpata nyɛ, ye ma a hɛ mi; i gbe nyɛ bimɛ ɔmɛ, ejakaa nyɛ kpa we nyɛ ní yayami ɔmɛ peemi.

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

Romabi 5:11

Pi enɛ ɔ kɛkɛ, se wa fĩaa fɔɔ Mawu nɔ kaa kɛ gu wa Nyɔmtsɛ Yesu Kristo nɔ ɔ, e ha nɛ jehanɛ ɔ, a kpata waa kɛ lɛ Mawu ɔ wa kpɛti.

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Yesaya 17:13

Je ma amɛ hia kɛ ma kaa wo oslɔke; se Mawu ku a nya la, nɛ a kpale a se kɛ yaa kaa bunyuku nɛ ngɛ tee puu ngɛ yoku he, loo kaa dwɔmi nɛ ahumi ngɔ kɛ yaa.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

La 1:4

Se yayami peeli lɛɛ pi ja nɛ a ngɛ; mɛɛ a ngɛ kaa jakati nɛ kɔɔhiɔ muɔɔ kɛ yaa.

Yesaya 25:9

Ke e ba mi ja a, nɔ tsuaa nɔ ma de ke, “Wa Mawu ji nɛ ɔ nɛ! Wa ngɔ wa hɛ ngɔ fɔ e nɔ, nɛ e kpɔ wɔ. Lɛ ji Yawɛ. Akɛnɛ wa ngɔ wa hɛ ngɔ fɔ e nɔ nɛ́ e he wa yi wami he je ɔ, wa bua jɔ wa he, nɛ wa ngɛ nyae.”

Yesaya 28:5

Be ma nɛ Yawɛ Tabohiatsɛ ɔ maa pee kaa mɔmɔ jlasi saminyayoo kɛ ha e ma mi ni nɛmɛ nɛ a yi ma na wami ɔ.

Yesaya 29:5

Yerusalem, o he nyɛli ɔmɛ nɛ je ma se kɛ ba tua mo ɔ, a maa bɛɛ mɛ tsuo kɛ ho kaa bunyuku, nɛ a ta buli babauu kɛ a he gbeyegbeye ɔ maa pee kaa jakati ngɛ kɔɔhiɔ nya. Tlukaa, ngɛ hɛngmɛfia mi ɔ,

Yesaya 35:10

A maa kpale kɛ ba Yerusalem; a ma la nɛ a ma hwɔ lele. A be kɔmɔ kɛ aywilɛho yee gblegbleegble hu. A bua maa jɔ kɛ maa ya neneene.

Yesaya 40:24

A ngɛ kaa tso tsɔwi nɛ a du kɛ we, nɛ́ a sipokuhi mɛ si kpakpa ko lolo. Ke Yawɛ ha kɔɔhiɔ fia kɛ gu a nɔ kɛkɛ a gbliɔ, nɛ kɔɔhiɔ bɛɛɔ mɛ kɛ yaa kaa nga.

Yesaya 51:3

“Ma jɔɔ Yerusalem bua; nihi tsuo nɛ ngɛ Yerusalem we doku ɔmɛ a mi ɔ, ma jɔɔ a bua. E zugba a pee nga kplanaa lɛɛ, se ma ha e ma plɛ pee ngmɔ kaa ngmɔ ɔ nɛ i pee ngɛ Eden ɔ. Ma a mi bi ɔmɛ a bua maa jɔ saminya, a ma nya nɛ a ma la yi jemi, kɛ sina lahi.

Yesaya 60:19

“Tsa pi pu nɛ maa pee la ha mo piani hu, jehanɛ hu tsa pi nyɔhiɔ nɛ ma ha mo la nyɔ mi. Se mohu imi Yawɛ nitsɛ ma pee o la kɛ maa ya neneene. Ye hɛ mi nyami maa pee kaa la nɛ ma kpɛ ha mo.

Yesaya 65:18

Nyɛ nya, nɛ nyɛ bua nɛ jɔ kɛ ya neneene ngɛ níhi nɛ i ngɛ bɔe ɔ a he. Ejakaa i ngɛ Yerusalem he bɔe kaa he ko nɛ bua jɔmi sɔuu lɛ a naa ngɛ lejɛ ɔ, nɛ́ ma a mi bi ɔmɛ hu a bua jɔɔ saminya.

Yeremia 51:20

Yawɛ ke, “Babilonia, ye hamle ji mo; o ngɛ kaa ye ta hwumi ní. I ngɔ mo kɛ kpata je mahi, kɛ matsɛ yemihi a hɛ mi.

Yeremia 51:33

E be kɛe kulaa nɛ a maa poo a mi ngɔ pue si kaa blɛfo ngɛ ngma mi sami he. Imi Yawɛ Tabohiatsɛ, Israel Mawu ɔ lɛ i de.”

Daniel 2:35

Amlɔ ɔ, dade ɔ, zu ɔ, akɔblee ɔ, sika hiɔ ɔ, kɛ sika tsu ɔ tsuo ywia wɔtsɔwɔtsɔ, nɛ a pee kaa bunyuku nɛ pueɔ si ngɛ ngma mi sami he ngɛ latsa be mi. Kɛkɛ nɛ kɔɔhiɔ ba muɔ mɛ kɛ je, nɛ a nɛ mɛ ngɛ he ko he ko hu. Se tɛ ɔ nɛ ba fia amaga a lɛɛ e ba pee yo agbo nɛ ha je ɔ mi tsuo.

Hosea 11:9

I be nyɛ tue gblae ngɛ ye mi mi fumi ɔ nya. I be Israel hɛ mi kpatae hu. Ejakaa Mawu ji mi, pi nɔmlɔ adesa ji mi. Imi Nɔ Klɔuklɔu ɔ, i kɛ nyɛ ngɛ. I be nyɛ ngɔ bae kɛ abofu.”

Yoel 2:23

“Nyɛ Zion bi, nyɛ nya nɛ nyɛ bua nɛ jɔ ngɛ nɔ́ nɛ Yawɛ, nyɛ Mawu ɔ pee ha nyɛ ɔ he. E ha gbo nyu nɛ ha nyɛ babauu; gbiɛ nyu hu nɛ ha nyɛ bɔ nɛ sa, kaa kekle ko ɔ.

Mika 5:8

Israel bi nɛ maa piɛ ngɛ je ma amɛ a kpɛti ɔ, a he ma ba wa kaa jata ngɛ pu mi lohwehi, loo we mi lohwehi a kpɛti. Ke e sɛ a kpɛti kikɛ nɛ ɔ, e maa naa a nɔ, nɛ e ma tsɔtslɔɔ a mi nɛ nɔ ko be nyɛe ma kpɔ mɛ.

Yesaya 29:19

Nihi nɛ a he jɔ, dɛgutsɛmɛ, kɛ nihi nɛ a ní ngɛ mɔbɔ ɔ, Yawɛ Israel Mawu klɔuklɔu ɔ ma ha mɛ bua jɔmi ekohu.