Yesaya 41:14 - BAIBLO ALOO NGMAMI KLƆUKLƆU Ɔ

¹⁴ Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

Yesaya 41:14 ပူးပေါင်းရင်းမြစ်များ

Hiob 19:25

Ejakaa i le kaa nɔ ko ngɛ hiɔwe nɛ nyagbenyagbe ɔ, e ma ba kpɔ mi.

Hiob 25:6

Nɔmlɔ nɛ ngɛ kaa aklɔku, aloo gɔgɔ ɔ, kɛ lɛɛ e maa pee kɛ sa Mawu hɛ mi kɛɛ?

La 19:14

Yawɛ, ye wesa he, kɛ ye kpɔlɔ! Ha nɛ ye nya mi munyu, kɛ ye tsui mi susumi nɛ sa o hɛ mi.

La 22:6

Se imi lɛɛ, pi nɔmlɔ ji mi hu; i ngɛ kaa gɔgɔ. Nihi tsuo pɛpɛɛpɛ hiee mi, nɛ a bɔɔ mi ahlua.

La 46:5

Mawu ngɛ jamɛ a ma a mi, lɔ ɔ he ɔ, ma a hɛ mi be kpatae kɔkɔɔkɔ. Loko haomi maa ba a nɔ ɔ, Mawu je ngmlaa ha mɛ momo.

La 78:35

A ma kai kaa Mawu ji a he bulɔ; a ma kai kaa Mawu, Hiɔwe No ɔ ji nɔ nɛ heɔ a yi wami.

Yesaya 35:10

A maa kpale kɛ ba Yerusalem; a ma la nɛ a ma hwɔ lele. A be kɔmɔ kɛ aywilɛho yee gblegbleegble hu. A bua maa jɔ kɛ maa ya neneene.

Yesaya 37:4

Asiria matsɛ tsɔ e we asafoatsɛngua a kɛ ba jɛ Mawu hɛ kalɔ ɔ. Wa heɔ yeɔ kaa Yawɛ, o Mawu ɔ nu kikɛmɛ a jɛmi ɔ, nɛ ni nɛmɛ nɛ bɔ musu nɛ ɔ, e maa gbla a tue. Lɔ ɔ he ɔ, moo fa kue ha Yawɛ kɛ ha wa ti ni nɛmɛ nɛ piɛ ngɛ hiɛ ɔ.”

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 43:14

Yawɛ, yi wami helɔ, Israel Mawu Klɔuklɔu ɔ, bɔ nɛ e de ji nɛ ɔ nɛ: “Ma tsɔ nihi kɛ ya Babilon tɔɔ kɛ he o yi wami. Ma ku agbo ɔmɛ ngɔ pue si, nɛ lele nɛ a ngɛ hwɔe ɔ ma plɛ pee kɔmɔ yemi.

Yesaya 43:3

Ejakaa imi Yawɛ, o Mawu ɔ, imi Israel Mawu Klɔuklɔu ɔ lɛ he o yi wami ɔ nɛ. Ma ngɔ Egipt ngɔ ha ngɛ o nane mi, konɛ o ye o he. Ma ngmɛɛ Sudan kɛ Seba hu a he.

Yesaya 44:22

I je o tɔmi ɔmɛ kɛ je o he kɛ ho kaa bɔku. O yayami ɔmɛ laa kaa mɔtu afua. Kpale kɛ ba ye ngɔ, imi lɛ i he o yi wami ɔ nɛ.”

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.

Yesaya 47:4

Israel Mawu klɔuklɔu ɔ ha wa ye wa he. E biɛ ji Yawɛ Tabohiatsɛ.

Yesaya 48:17

Yawɛ, Israel Mawu Klɔuklɔu ɔ, nɔ nɛ heɔ e ma a yi wami ɔ ngɛ dee ke, “Imi ji Yawɛ, nyɛ Mawu ɔ nɛ. I suɔ kaa ma tsɔse nyɛ, nɛ ma tsɔɔ nyɛ bɔ nɛ nyɛɛ ba nyɛ je mi ha, konɛ e hi ha nyɛ nitsɛmɛ.

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

Yesaya 54:8

Ye mi mi fu mo wawɛɛ. Kɛkɛ nɛ i je hɛ ngɛ o he be kuku, se jehanɛ lɛɛ ma je ye suɔmi kpo kɛ tsɔɔ mo kɛ maa ya neneene.” Imi Yawɛ yi wami helɔ ɔ, nɛ i de.

Yesaya 59:20

Bɔ nɛ Yawɛ ngɛ e ma a dee ji nɛ ɔ nɛ, “Ma ba Yerusalem, nɛ nyɛ nihi tsuo nɛ nyɛ kpa yayami peemi ɔ, ma ba he nyɛ yi wami.

Yesaya 60:16

Je mahi, kɛ matsɛmɛ maa lɛ mo kaa bɔ nɛ binyɛ haa e bi nyɔ ɔ. O maa le jehanɛ kaa imi Yawɛ nɛ i ha o yi na wami. O maa le kaa imi, Israel Mawu kpetekpleenyɛ ɔ nɛ i ha o ye o he.

Yesaya 63:16

Mo ji wa tsɛ. Wa nɛmɛ Abraham, kɛ Yakob li wɔ, se mo Yawɛ, wa tsɛ, mo ji wa kpɔlɔ kɛ je blema lokoo.

Yeremia 46:27

“Ye ma, nyɛ tsui nɛ ko po, Israel bi, nyɛ ko ye gbeye. Ma je nyɛ kɛ je jamɛ a ma se zugba a nɔ he nɛ a nuu nyɛ kɛ ho ɔ. Nyɛ maa kpale kɛ ba we, nɛ nyɛ ma ba hi si ngɛ tue mi jɔmi mi; nyɛ he mi maa jɔ nyɛ, nɛ nɔ ko nɔ ko be nyɛ he gbeye woe.

Yeremia 50:34

Se nɔ nɛ ma ba kpɔ mɛ ɔ, e he wa; e biɛ ji Yawɛ Tabohiatsɛ. Lɛ nitsɛ e maa ye a sane ɔ ha mɛ; e kɛ he jɔmi maa ba zugba a nɔ, se Babilonia bi ɔmɛ lɛɛ e maa hao mɛ.”

Kɔmɔ Yemi 3:57

Benɛ i tsɛ mo ɔ, o he nɔ, nɛ o de mi ke ma ko ye gbeye.

Daniel 10:12

Kɛkɛ nɛ e de mi ke, “Daniel, koo ye gbeye. Kɛ je kekleekle ligbi ɔ nɛ o to kaa o maa ba o he si ha o Mawu ɔ, konɛ o nu níhi a sisi ɔ, jamɛ a be ɔ tɔɔ Mawu nu o kue fami ɔ. Nɛ lɔ ɔ he i ba hiɛ ɔ nɛ.

Hosea 11:9

I be nyɛ tue gblae ngɛ ye mi mi fumi ɔ nya. I be Israel hɛ mi kpatae hu. Ejakaa Mawu ji mi, pi nɔmlɔ adesa ji mi. Imi Nɔ Klɔuklɔu ɔ, i kɛ nyɛ ngɛ. I be nyɛ ngɔ bae kɛ abofu.”

Mateo 7:14

Se agbo nɛ kɛ nɔ yaa wami mi ɔ ngɛ tokofii; blɔ ɔ hu hí, nɛ nihi bɔɔ pɛ lɛ naa blɔ ɔ.

Luka 12:32

“Kuu nyafii, nyɛ ko ye gbeye; ejakaa nyɛ Tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.

Romabi 9:27

Yesaya hu kpa ngmlaa kɛ de ngɛ Israel he ke, “Ke Israel bi hiɛ kaa wo nya zia tete po ɔ, nihi nɛ piɛ ɔ pɛ a yi wami a ma he.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Mose V, 7:7

“Pi hiɛmi nɛ nyɛ he hiɛ pe ma kpa amɛ he je nɛ Yawɛ suɔ nyɛ nɛ e hla nyɛ ɔ; nyɛ mohu ji nihi nɛ a he pi pe kulaa ngɛ ma amɛ a kpɛti.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Yoshua 17:18

Yo nɔ zugba a maa pee nyɛ nɔ́. Akɛnɛ hue ngɛ lejɛ ɔ he je ɔ, nyɛɛ gba hue ɔ, nɛ nyɛɛ ngɔ, kɛ zugba nɛ tsa nɔ kɛ yaa a tsuo. E ngɛ mi kaa Kanaan bi ɔmɛ ngɛ dade ta zugba lɛhi nɛ a he wa mohu, se nyɛ maa fie mɛ kɛ̃.”

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.