Yesaya 41:11 - BAIBLO ALOO NGMAMI KLƆUKLƆU Ɔ

¹¹ “Hyɛ, nihi tsuo nɛ a mi mi fu mo ɔ, zo maa gbe mɛ, nɛ a hɛ mi ma pue si. Nihi nɛ kɛ mo ná a, a hɛ mi ma kpata pɛsɛpɛsɛ.

Yesaya 41:11 ပူးပေါင်းရင်းမြစ်များ

Mose II, 23:22

Se ke o bu lɛ tue kɛ pi si, nɛ o pee nɔ́ tsuaa nɔ́ nɛ i fa mo ke o pee ɔ, lɛɛ i kɛ o he nyɛli ɔmɛ, kɛ o futsɛmɛ ɔmɛ tsuo maa to ní.

Yesaya 45:24

“A ma de ke, ‘Yawɛ pɛ lɛ yeɔ dami sane; lɛ pɛ lɛ e ngɛ he wami.’ Se nihi tsuo nɛ sume mi ɔ, zo maa gbe mɛ.

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

Ni Tsumi 16:39

Lɔ ɔ he ɔ, Roma kojoli ɔmɛ ba Paulo kɛ Sila a ngɔ, nɛ a ba ye pɔpu. Lɔ ɔ se ɔ, a je mɛ ngɛ tsu ɔ mi, nɛ a de mɛ ke a je ma a mi nɛ a ho.

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Mose II, 11:8

O tsɔli ɔmɛ tsuo ma ba kpla si ha mi, nɛ a ma kpa mi pɛɛ ma de ke, ‘Nyɛɛ ho, nyɛɛ kɛ nihi nɛ nyɛɛ nyɛ se ɔ tsuo.’ Lɔ ɔ se ɔ, ma je.” Nɛ Mose kɛ mi mi la nɛ nya wa je Farao ɔ hɛ mi.

Zakaria 12:3

Jamɛ a be ɔ, ma ha Yerusalem maa pee tɛ nɛ jiɔ ha je ma amɛ tsuo. Ma tsuaa ma nɛ ma wo tɛ nɛ ɔ nɔ ɔ, e maa ye e he awi. Je ma amɛ tsuo ma bla, nɛ a maa te si kɛ wo Yerusalem.

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Yesaya 41:29

Nyɛɛ hyɛ, mawu nɛ ɔmɛ tsuo pi nɔ́ ko nɔ́ ko kulaa; a nyɛ we nɔ́ ko kpakpa nɛ a tsu. Amaga amɛ nɛ a puɛ ɔ, a he be se nami; a ngɛ kaa kɔɔhiɔ kɛkɛ.”

Yesaya 29:8

Je ma amɛ tsuo nɛ ma ba tua Zion yo ɔ, nɔ́ nɛ maa ba a nɔ ji nɛ ɔ nɛ. A sane maa pee kaa nyumuhi enyɔ komɛ a sane pɛ. Kekleekle nɔ ɔ ya hwɔ si kɛ e mi mi hwɔ; nɛ e nla nɛ e ngɛ ní yee. Se benɛ e hɛ tsɛ ɔ, hwɔ ngɛ lɛ yee kɛ mwɔɔ. Enyɔne ɔ hu ya hwɔ si benɛ kuma miɔ nɛ e gbe lɛ. Lɛ hu e nla nɛ e ngɛ nyu nue. Se benɛ e hɛ maa tsɛ ɔ, kuma ngɛ lɛ yee kɛ mwɔɔ.

Yesaya 41:24

Nyɛɛ hyɛ, nyɛ pi nɔ́ ko nɔ́ ko kulaa, nɛ nyɛ ní tsumi hu nɔ ko bui fɛɛ; nihi nɛ jaa nyɛ ɔ, nimli guhi ji mɛ; a ngɛ kaa nyɛ kɛ̃.

Yesaya 40:17

Je ma amɛ pi nɔ́ ko ngɛ e hɛ mi; e buu mɛ kaa ní guhi nɛ a he be se nami.

Yesaya 17:13

Je ma amɛ hia kɛ ma kaa wo oslɔke; se Mawu ku a nya la, nɛ a kpale a se kɛ yaa kaa bunyuku nɛ ngɛ tee puu ngɛ yoku he, loo kaa dwɔmi nɛ ahumi ngɔ kɛ yaa.

Yesaya 29:5

Yerusalem, o he nyɛli ɔmɛ nɛ je ma se kɛ ba tua mo ɔ, a maa bɛɛ mɛ tsuo kɛ ho kaa bunyuku, nɛ a ta buli babauu kɛ a he gbeyegbeye ɔ maa pee kaa jakati ngɛ kɔɔhiɔ nya. Tlukaa, ngɛ hɛngmɛfia mi ɔ,

Yesaya 29:7

kɛkɛ ɔ, je ma amɛ a tabo ɔmɛ tsuo nɛ ba ngɛ ma nɛ a tsɛɛ Mawu bɔ sami la tɛ ɔ tuae ɔ, mɛ tsuo a maa laa kaa nina ko nɛ je kpo nyɔ mi ngɛ nlami mi kɛkɛ.

Yesaya 34:12

Matsɛ ko be si hie nɛ maa ye ma a nɔ, nɛ ganɔ ɔmɛ tsuo maa ta.

Yesaya 40:2

Nyɛɛ wo Yerusalem ma a bua. Nyɛ de nɛ a nu kaa jehanɛ lɛɛ a nɔ́ nami babauu ɔ se po, nɛ a ngɔ a he yayami ɔmɛ ngɔ pa mɛ. I gbla a tue saminya ngɛ a tɔmi ɔmɛ tsuo a he.”

Yesaya 54:15

Ke nɔ ko ba tua mo ɔ, pi imi nɛ i tsɔ lɛ; nɔ tsuaa nɔ nɛ ma ba tua mo ɔ, jamɛ a nɔ ɔ be mo nyɛe.

Yeremia 2:3

Jamɛ a be ɔ mi ɔ, imi nitsɛ ye nihi nɛ i hla ji nyɛ Israel bi; ye weto ní klɔuklɔu ji nyɛ. Nihi tsuo nɛ pee nyɛ yayami ɔ, i ngɔ haomi kɛ gbla a tue. Imi, Yawɛ lɛ i de.”

Mose II, 12:29

Nyɔ mi kɔ̃kɔ̃ɔ̃kɔ̃ ɔ, Yawɛ gbe Egipt zugba a nɔ kekleekle binyumuhi tsuo, kɛ je Farao ɔ bitɛte ɔ nɛ maa ye tsɛ ngɛ sɛ ɔ nɔ ɔ nɔ kɛ ya si pã mi no bitɛte nɔ. We mi lohwehi hu Yawɛ gbe a kekleekle bihi tsuo.

Yesaya 49:25

Yawɛ he nɔ ke, “Niinɛ, katsɛ ta yibu ní ɔ, a ma nyɛ kpɔ ngɛ e dɛ. Ke yiwutsotsɛ nu nɔ ko po, a ma nyɛ kpɔ lɛ ngɛ e dɛ. I kɛ ni nɛmɛ nɛ kɛ mo ngɛ pɛe ɔ ma ná, nɛ ma he o bimɛ ɔmɛ a yi wami.

Yeremia 12:17

Se je ma nɛ be mi tue bue ɔ, ma kpata jamɛ a je ma a hɛ mi pɛsɛpɛsɛ. Imi, Yawɛ lɛ i de.”