Yesaya 40:8 - BAIBLO ALOO NGMAMI KLƆUKLƆU Ɔ

⁸ Nga gbliɔ, nɛ mɔmɔ hu nglaa; se wa Mawu ɔ munyu ɔ lɛɛ e ngɛ kɛ yaa neneene.”

Yesaya 40:8 ပူးပေါင်းရင်းမြစ်များ

Marko 13:31

Hiɔwe kɛ zugba maa be kɛ ho, se ye munyu ɔmɛ lɛɛ a be bee kɛ ho kɔkɔɔkɔ.

1 Petro 1:25

Se Nyɔmtsɛ ɔ munyu ɔ ngɛ kɛ yaa neneene.” Munyu ɔ ji sane kpakpa a nɛ a fiɛ ha nyɛ ɔ nɛ.

Mateo 24:35

Hiɔwe kɛ zugba maa be kɛ ho, se ye munyu ɔmɛ lɛɛ a be bee kɛ ho gblegbleegble.

Mateo 5:18

Niinɛ, i ngɛ nyɛ dee ke, be abɔ nɛ hiɔwe kɛ zugba ngɛ nɛ ɔ, a be nɔ́ nyafii tslɛ po jee kɛ je mlaa a mi kɛ yaa si a maa gbe nɔ́ tsuaa nɔ́ nya.

Yohane 10:35

Wa le kaa nɔ nɛ ngmami ɔ deɔ ɔ, anɔkuale sisiisi nɛ́ ngɛ kɛ yaa neneene. Nimli adesahi nɛ Mawu tsɔ nɛ a ngɔ e sɛ gbi ɔ ba ha mɛ ɔ po Mawu tsɛ mɛ ke mawuhi.

Zakaria 1:6

Mlaahi nɛ i wo nyɛ nɛmɛ ɔmɛ, kɛ kɔkɔ nɛ i bɔ mɛ kɛ gu ye tsɔli nɛ ji gbali ɔmɛ a nɔ ɔ, tse a na mi nɔ́! Kɛkɛ nɛ jehanɛ a tsake a tsui, nɛ a de ke, Yawɛ Tabohiatsɛ ɔ gbla a tue bɔ nɛ sa mɛ ngɛ a ní peemi ɔmɛ a he kaa bɔ nɛ e to e yi mi ke e ma pee ɔ.”

Yesaya 59:21

I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”

Yohane 12:34

Ma kpekpemi ɔ he nɔ ke, “Wa mlaa a de ke Kristo ɔ maa hi si kɛ maa ya neneene. Kɛ pee kɛɛ nɛ moo lɛɛ o deɔ ke a ma wo Nɔmlɔ Bi ɔ nɔ ɔ? Mɛnɔ ji kikɛmɛ a Nɔmlɔ Bi nɛ ɔ?”

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

La 111:8

Mlaa amɛ ngɛ kɛ yaa neneene; anɔkuale kɛ dami mi a pee mɛ ngɛ.

Yeremia 44:29

Imi Yawɛ, ma to nyɛ okadi kaa ma gbla nyɛ tue ngɛ hiɛmɛ nɛ ɔ; nɛ lɔ ɔ nyɛɛ kɛ maa na kaa si ko nɛ i wo kaa ma kpata nyɛ hɛ mi ɔ maa ba mi niinɛ.