Yesaya 40:6 - BAIBLO ALOO NGMAMI KLƆUKLƆU Ɔ

⁶ Gbi ko ngɛ pɛe ke, “Moo fiɛ!” I bi ke, “Kɛ ma fiɛ kɛɛ?” Moo fiɛ ke, “Nimli adesahi tsuo ngɛ kaa nga, nɛ a he fɛu tsuo ngɛ kaa mɔmɔ ngɛ nga nɔ.

Yesaya 40:6 ပူးပေါင်းရင်းမြစ်များ

La 102:11

Ye wami ligbi ɔmɛ ngɛ kaa hɔhɔmi nɛ bee kɛ yaa. I pee kaa nga gbigbli.

Hiob 14:2

Nɔmlɔ waa esɔesɔ, nɛ e gboɔ tlukaa kaa bɔ nɛ mɔmɔ hu puɛɔ nɛ e nglaa a. E ngɛ kaa nini; bɔɔ kɛkɛ e laa nɛ a nɛ lɛ hu.

Yesaya 58:1

Yawɛ ke, “Kpa ngmlaa boboobo bɔ nɛ o ma nyɛ; ha nɛ o nya nɛ wa wawɛɛ kaa titimati! Jaje ye ma Israel tɔmi ɔmɛ kɛ tsɔɔ mɛ!

La 92:7

Yiwutsotsɛmɛ maa bɔ flɔflɔɔflɔ kaa nga; yayami peeli ma plɔke, nɛ a ma na a he, se nyagbe ɔ, a hɛ mi ma kpata kɛ̃.

Yeremia 31:6

Niinɛ, be ma nɛ buli ma kpa ngmlaa ngɛ Efraim yo ɔmɛ a nɔ ma de ke, ‘Nyɛ ha nɛ waa ya Zion, ngɛ Yawɛ, wa Mawu ɔ ngɔ.’ ”

Yeremia 2:2

ma fiɛ ha nɔ tsuaa nɔ ngɛ Yerusalem ke, “I kai kaa be nɛ nyɛ ngɛ nihe mi ɔ, nyɛ ye mi anɔkuale, nɛ nyɛ je nyɛ suɔmi kpo kɛ tsɔɔ mi kaa bɔ nɛ ayɛflo suɔ e huno ɔ; nyɛ nyɛɛ ye se kɛ ya gu nga kplanaa nɔ ngɛ zugba nɛ a du we ní ngɛ nɔ ɔ nɔ.

Yesaya 40:3

Gbi ko ngɛ pɛe ke, “Nyɛ dla blɔ ngɛ nga a nɔ ha Yawɛ! Nyɛɛ je gbɛjegbɛ tlɔmɔɔ ngɛ nga kplanaa a nɔ ha wa Mawu ɔ!

Yesaya 37:27

Nimli nɛ ngɛ ma amɛ a mi lɛɛ a he wami nɔ gbɔ. A tsui po, nɛ bibi gbe mɛ. A pee kaa nga mi tsohi. A pee kaa nga mumu, loo nga nɛ pu sã lɛ, nɛ e ngla ngɛ tsu yi mi.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Hosea 5:8

Nyɛ kpa titimati ngɛ Betaven! Nyɛ ha nɛ a nu he ngɛ Rama! Nyɛ he ose ngɛ Betel! Nyɛ Benyamin bi, nyɛ gba ta!

Yesaya 51:12

Yawɛ ke, “Imi ji nɔ nɛ woɔ mo he wami. Nɔmlɔ adesa nɛ gboɔ, nɛ e wami se kɛmi pi kaa nga nɔ́ po ɔ, mɛni he je o yeɔ lɛ gbeye?

Zakaria 1:14

Bɔfo ɔ de mi ke ma fiɛ nɔ́ nɛ Yawɛ Tabohiatsɛ ɔ de ɔ ke, “Yerusalem, ye ma klɔuklɔu Zion ɔ, i suɔ e sane saminya, nɛ e he nɔ́ dɔɔ mi.