Yesaya 40:27 - BAIBLO ALOO NGMAMI KLƆUKLƆU Ɔ

²⁷ Israel, lɛɛ mɛni he je o ngɛ dee ke Yawɛ li kaa o ngɛ nɔ́ nae, nɛ e bui kaa a ngɛ mo amimi yee ɔ?

Yesaya 40:27 ပူးပေါင်းရင်းမြစ်များ

Yesaya 49:4

Se imi lɛɛ, i de ke, “I gbo dengme yaka gu; i puɛ ye he wami tsuo yaka; i na we se ko.” Se kɛ̃ ɔ, Yawɛ, ye Mawu ɔ maa ye ye sane ɔ ha mi, e maa pee mi kpakpa.

Yesaya 49:14

Se bɔ nɛ Yerusalem ngɛ dee ji, “Yawɛ ngmɛɛ ye he ngɔ fɔ si! E hɛ po je ye nɔ.”

Hiob 34:5

Hiob ngɛ tsɔɔe kaa dalɔ ji lɛ, se Mawu mohu lɛ yi dami sane ha lɛ.

Yesaya 25:1

Yawɛ, mo ji ye Mawu; ma wo o hɛ mi nyami, nɛ ma je o biɛ ɔ yi; ejakaa o tsu nyakpɛ níhi. O yi mi tomi ɔmɛ nɛ o to blema lokoo ɔ, o ye a nɔ pɛpɛɛpɛ.

Yesaya 54:8

Ye mi mi fu mo wawɛɛ. Kɛkɛ nɛ i je hɛ ngɛ o he be kuku, se jehanɛ lɛɛ ma je ye suɔmi kpo kɛ tsɔɔ mo kɛ maa ya neneene.” Imi Yawɛ yi wami helɔ ɔ, nɛ i de.

Samuel I, 27:1

David de ngɛ e yi mi ke, “Saul maa gbe mi tlukaa ligbi kake, lɔ ɔ he ɔ, nɔ́ nɛ sa mi peemi ji ma tu fo kɛ ho Filisti bi ɔmɛ a zugba a nɔ ya. Saul nine mi maa je wu, nɛ e maa jɔɔ ye se nyɛɛmi ngɛ Israel huza amɛ a nɔ, nɛ ye yi ma na wami.”

Hiob 23:14

Nɔ́ nɛ e to ha mi ɔ, lɔ ɔ e ngɛ pee ɔ nɛ; níhi kaa kikɛ nɛ ɔ babauu hu ngɛ e yi mi.

Yesaya 44:21

Yawɛ ke, “Israel, o hɛ ko je nɔ́ nɛ ɔ nɔ! Kai kaa ye tsɔlɔ ji mo. Imi lɛ i bɔ mo, konɛ o pee ye tsɔlɔ; lɔ ɔ he ɔ, ye hɛ be o nɔ jee gblegbleegble.