Yesaya 40:26 - BAIBLO ALOO NGMAMI KLƆUKLƆU Ɔ

²⁶ Nyɛ wo nyɛ yi nɔ nɛ nyɛɛ hyɛ hiɔwe! Mɛnɔ lɛ bɔ dodoe ɔmɛ nɛ nyɛ ngɛ hyɛe ɔ? Nɔ nɛ jeɔ mɛ kpo kaa ta buli babauu, nɛ e kɛ eko tsuaa eko biɛ tsɛɔ lɛ ɔ! E he wami, kɛ nyɛmi kpetekpleenyɛ ɔ nya a, kake ngmelu po laa we.

Yesaya 40:26 ပူးပေါင်းရင်းမြစ်များ

Yesaya 51:6

Nyɛ wo nyɛ yi nɔ nɛ nyɛɛ hyɛ hiɔwe, nɛ nyɛɛ kpale hyɛ zugba mi. Hiɔwe maa laa kaa la su ku nɛ se po; zugba ma puplee kaa tako piɛ, nɛ nimli nɛ ngɛ nɔ ɔ ma gbo kaa anunuhi. Se nyɛɛ lɛɛ ma he nyɛ yi wami daa; ma ye kunimi ha nyɛ kɛ maa ya neneene.

Yesaya 48:13

Imi nitsɛ lɛ i to zugba a sisi, nɛ i bli hiɔwe mluguduu ɔ mi. Benɛ i tsɛ hiɔwe kɛ zugba a, mɛ tsuo a he sɔ kɛ ba.

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?

Yesaya 45:7

Imi ji nɔ nɛ bɔ la kɛ diblii tsuo. Imi ji nɔ nɛ haa he jɔmi baa, haomi hu imi nɔuu. Imi Yawɛ ji nɔ nɛ peeɔ ní nɛ ɔmɛ tsuo.

Yesaya 42:5

Yawɛ Mawu ɔ, lɛ nɛ bɔ hiɔwe, nɛ e bli mi gbajaa. Lɛ nɛ bɔ zugba a, kɛ níhi tsuo nɛ ngɛ zugba a nɔ ɔ. Lɛ nɔ nɛ ha nimli adesahi tsuo wami kɛ mumi ɔ, bɔ nɛ e ngɛ e tsɔlɔ ɔ dee ji nɛ ɔ nɛ:

Yesaya 34:16

Nyɛ hla ngɛ Yawɛ womi ɔ mi nɛ nyɛɛ kane. Nyɛ maa na kaa nibɔ ní nɛ ɔmɛ a ti ekoeko be laae, nɛ e he piɛlɔ be lɛ bɔe. Yawɛ lɛ fa, nɛ e mumi ɔ ha e ba mi ja.

La 19:1

Mawu nibɔ níhi nɛ ngɛ hiɔwe ngɛ e yi jee, nɛ a ngɛ e nine nya ní tsumi kpo jee.

Mose V, 4:19

Nyɛ ko ha níhi nɛ nyɛ ngɛ hyɛe ngɛ hiɔwe ɔ, pu, nyɔhiɔ, kɛ dodoehi babauu nɛ ha si ngɛ hiɔwe nɛ ɔ nɛ gbla nyɛ juɛmi kɛ ya ja mɛ, nɛ nyɛ sɔmɔ mɛ. Ejakaa Yawɛ, nyɛ Mawu ɔ ngɔ mɛ ngɔ ha ma amɛ tsuo nɛ ngɛ je ɔ mi ɔ.

La 102:25

Blema lokoo nɛ o bɔ je ɔ; mo nitsɛ o nine o kɛ pee hiɔwe ɔ.

Mose I, 1:16

Mawu pee kane ngua enyɔ: e pee kane nɛ tsoɔ wawɛɛ pe kulaa a nɛ e ye piani nɔ, kɛ kaketsɛ ɔ hu nɛ e ye nyɔ nɔ. E pee dodoehi hulɔ.

La 121:1

Ke i wo ye yi nɔ nɛ i hyɛ yoku ɔmɛ ɔ, i biɔ ke jije balɔ maa je kɛ ba?

Yesaya 48:12

Yawɛ ke, “Israel, ma nɛ imi nitsɛ i hla, nyɛɛ bu mi tue! Imi ji Mawu, kekleekle nɔ, kɛ nyagbe nɔ; imi nɔ kake too ji Mawu!

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.

Mose I, 1:14

Enɛ ɔ se ɔ Mawu fa ke, “Kanehi nɛ a ba hiɔwe konɛ a kɛ na slɔɔto ngɛ piani kɛ nyɔ a kpɛti, nɛ́ a tsɔɔ jeha mi gbamihi jehahi, kɛ be nɛ a kɛ yeɔ nyami ligbihi pɔtɛɛ komɛ.

La 66:3

Nyɛ de Mawu ke, “Bɔ nɛ o peeɔ níhi ɔ ngɛ gbeye loo! O he wami kpetekpleenyɛ ɔ nya a, o he nyɛli ɔmɛ ba a he si ha mo.

La 119:91

Níhi tsuo ngɛ kaa bɔ nɛ o fa mɛ ɔ kɛ ba su mwɔnɛ ɔ, ejakaa o tsɔli ji mɛ tsuo.

Yesaya 45:12

Imi nɛ i bɔ je ɔ kɛ e mi nimli adesahi. I ngɔ ye he wami kɛ bli hiɔwe mi, nɛ i yeɔ pu, nyɔhiɔ, kɛ dodoe ɔmɛ tsuo a nɔ.