Yesaya 40:24 - BAIBLO ALOO NGMAMI KLƆUKLƆU Ɔ

²⁴ A ngɛ kaa tso tsɔwi nɛ a du kɛ we, nɛ́ a sipokuhi mɛ si kpakpa ko lolo. Ke Yawɛ ha kɔɔhiɔ fia kɛ gu a nɔ kɛkɛ a gbliɔ, nɛ kɔɔhiɔ bɛɛɔ mɛ kɛ yaa kaa nga.

Yesaya 40:24 ပူးပေါင်းရင်းမြစ်များ

Yesaya 41:16

O maa fɔ̃ mɛ kɛ ya kɔɔhiɔ mi; nɛ kɔɔhiɔ maa muɔ mɛ kɛ ho. Ahumi maa gbɛ mɛ kɛ fĩa; se moo lɛɛ, o bua maa jɔ saminya; ejakaa imi ji o Mawu ɔ nɛ. O ma je imi! Israel Mawu Klɔuklɔu ɔ, ye yi.

Yeremia 23:19

Nyɛɛ hyɛ! Yawɛ mi mi fumi ɔ ngɛ kaa ahumi. E ngɛ kaa lasiogblee nɛ maa fia vuguvugu kɛ bɔle yayami peeli a yi he.

Yesaya 17:13

Je ma amɛ hia kɛ ma kaa wo oslɔke; se Mawu ku a nya la, nɛ a kpale a se kɛ yaa kaa bunyuku nɛ ngɛ tee puu ngɛ yoku he, loo kaa dwɔmi nɛ ahumi ngɔ kɛ yaa.

Zakaria 9:14

Yawɛ ma kple a nɔ; e ma tsɛ̃ e kɛ̃ɛ̃ mi bi ɔmɛ kaa oslabai nɛ ngɛ gbae. Nyɔmtsɛ Yawɛ ma ha titimati maa pɛ, nɛ e maa nyɛɛ ngɛ lasiogblee mi kɛ maa je leneyi je kɛ ba.

Zakaria 7:14

I gbɛ mɛ ngɔ fĩa je mahi nɛ a li nɔ kaa nɔ́ nɛ lasiogblee lɛ muɔ mɛ; nɛ a si zugba a ngɔ fɔ si, nɛ nɔ ko bi ngɛ lejɛ ɔ. Nɛ zugba kpakpa nɛ ɔ ba pee ma doku.”

Hagai 1:9

“Nyɛ hyɛɛ blɔ kaa ke nyɛ kpa ní ɔ, nyɛ ma na babauu, se bɔbɔyoo pɛ nyɛ naa. Jehanɛ, ke nyɛ ngɔ kɛ ba we mi ɔ, kɛkɛ i ha nɛ e pee kɔɔhiɔ. Mɛni he je i ngɛ ja pee ɔ? Nyɛɛ hyɛ, be mi nɛ ye we ɔ ku kɛ pueɔ si ɔ, nyɛɛ lɛɛ nyɛ ti nɔ tsuaa nɔ ngɛ lɛ nitsɛ e we mae.

Nahum 1:14

Kita nɛ Yawɛ ka ngɛ Asiria bi ɔmɛ a he ji nɛ ɔ nɛ: “A nina ko be si hie; a biɛ maa laa. Ma poo amaga amɛ nɛ ngɛ a wɔ piɛ ɔmɛ a mi ɔ ngɔ pue he. I ngɛ yɔkɔ tsuae ngɔ to Asiria bi ɔmɛ, ejakaa e sɛ kaa a hi je mi!”

Hosea 13:15

Ke Israel ma a ngɛ plɔkee, nɛ e pee plɔplɔɔplɔ kaa nga po, ma ha kɔɔhiɔ nɛ mi dɔ la maa fia kɛ je nga kplanaa a nɔ ngɛ beleku je kɛ ba. Kɔɔhiɔ ɔ ma ha nɛ nyu maa ta a vu ɔmɛ a mi, nɛ pa amɛ maa mii. Ma ha a juetli tsuo maa ta.

Hosea 13:3

Lɔ ɔ he ɔ, ma ha nɛ a hɛ mi ma kpata si kake too, nɛ a be mɛ nae hu, kaa mɔtu bɔku, loo bɔ́, loo jakati nɛ kɔɔhiɔ muɔ kɛ je ngma mi sami he, loo la su ku nɛ je la su ku tɔ mi.

Yeremia 22:30

“A gbiɛ nyumu nɛ ɔ gbidigbidi, e be bimɛ nae kɔkɔɔkɔ; e be nɔ yae gblegbleegble e wami be ɔ tsuo. E be nina nae nɛ ma ba ye tsɛ ngɛ David se, ngɛ Yuda zugba a nɔ. Imi, Yawɛ lɛ i de.”

Yesaya 40:7

Ke Yawɛ kɔɔhiɔ fia kɛ gu a nɔ pɛ nga a gbli, kɛkɛ mɔmɔ ɔ hu ngla. Niinɛ, nɔmlɔ adesa ngɛ kaa nga kɛkɛ!

Yesaya 37:7

Hyɛ! Ma ha mumi ko maa ba e nɔ, nɛ e maa nu akeake munyu ko nɛ ma ha e maa kpale kɛ ya lɛ nitsɛ e zugba nɔ, nɛ ma ha e maa nɔ ngɛ ta mi ngɛ lejɛ ɔ.”

Yesaya 17:11

Se ke tso ɔmɛ ma tsɛ̃, nɛ a ma gba mɔmɔ jamɛ a ligbi ɔ mɔtu ɔ kɛ̃ nɛ o du mɛ ɔ po, o be yiblii ko kulaa náe. Haomi kɛ he hiami nɛ be tsa ba mohu o ma ná.

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

Abɛ Womi 1:27

Ke haomi ba nyɛ nɔ kaa nɔ́ nɛ kɔɔhiɔ nɛ nya wa lɛ ngɛ fiae, nɛ amanehlu ba na nyɛ kaa lasiogblee, nɛ nyɛ ngɛ nyɛ tsui yee ɔ,

La 58:9

Loko a hɛ maa ba a he nɔ ɔ, a poo mɛ ngɔ pue he kaa nga. Mawu maa ngɔ e mi mi la a kɛ bɛɛ mɛ kɛ ho be mi nɛ a ngɛ hɛ ngmengmle.

Hiob 21:18

Anɛ Mawu muɔ yayami peeli kɛ ho hyɛ kaa bɔ nɛ kɔɔhiɔ muɔɔ bunyuku, aloo bɔ nɛ ahumi muɔɔ tsakati kɛ yaa a lo?

Hiob 4:9

Mawu ngɔɔ abofu kɛ kpataa a hɛ mi kaa bɔ nɛ ahumi puɛɔ ní ɔ.

Matsɛmɛ II, 10:11

Enɛ ɔ se ɔ, Yehu gbe nihi tsuo pɛpɛɛpɛ nɛ piɛ ngɛ Ahab we ɔ mi ngɛ Yezreel, nimli ngua amɛ, e huɛmɛ kpakpa amɛ, kɛ osɔfo ɔmɛ tsuo; e píɛ a ti nɔ kake po.

Samuel II, 22:16

Benɛ Yawɛ mi mi fu nɛ e kuɛ wo e he nyɛli ɔmɛ ɔ, wo nyu dɔ ɔmɛ, kɛ je ɔ sisi tomi ɔmɛ je kpo.

Yesaya 30:33

Blema lokoo ɔ, a tsua muɔ ko nɛ a maa sã Asiria matsɛ ɔ ngɛ mi. Muɔ ɔ mi kuɔ, nɛ e bli, nɛ a to lɛ́ babauu kɛ wo mi. Yawɛ mumi ɔ nɛ ngɛ kaa la nɛ ngɛ tsoe plamplam ɔ maa sã lɛ.

La 83:13

Ye Mawu, gbɛɛ mɛ ngɔ fĩa kaa bunyuku nɛ lasiogblee muɔ kɛ bee, aloo jakati nɛ kɔɔhiɔ sɛ mi.

Yesaya 41:2

“Jamɛ a kunimi yelɔ ɔ nɛ yeɔ kunimi ngɛ he tsuaa he ɔ, mɛnɔ lɛ ngɔ lɛ kɛ je beleku je kɛ ba? Mɛnɔ haa nɛ e yeɔ matsɛmɛ, kɛ je ma amɛ a nɔ ɔ? E kɛ e klaate peeɔ mɛ butuu kaa bunyuku, nɛ e kɛ̃ɛ̃ ɔ gbɛɛ mɛ fĩaa kaa nga nɛ kɔɔhiɔ muɔ kɛ yaa.

Hiob 8:17

A sipoku ɔmɛ ngɔɔ a he ya blaa tɛ sahi, nɛ a mɛtɛɛ tɛ sa amɛ a he.