Yesaya 40:22 - BAIBLO ALOO NGMAMI KLƆUKLƆU Ɔ

²² Mawu ji nɔ nɛ bɔ je ɔ nɛ; e hii si ngɛ hiɔwe lokoo, nɛ je ɔ fɔɔ si ngɛ e sisi. Nimli adesahi ngɛ kaa angmɛɛtɛ ngɛ je ɔ mi. Mawu bli hiɔwe mi kaa bo, nɛ e pee lɛ kaa bo tsu nɛ a hiɔ mi.

Yesaya 40:22 ပူးပေါင်းရင်းမြစ်များ

La 104:2

O ngɔ la kɛ ha o he kaa bo; o blɛke hiɔwe mi kaa bo tsu.

Yesaya 42:5

Yawɛ Mawu ɔ, lɛ nɛ bɔ hiɔwe, nɛ e bli mi gbajaa. Lɛ nɛ bɔ zugba a, kɛ níhi tsuo nɛ ngɛ zugba a nɔ ɔ. Lɛ nɔ nɛ ha nimli adesahi tsuo wami kɛ mumi ɔ, bɔ nɛ e ngɛ e tsɔlɔ ɔ dee ji nɛ ɔ nɛ:

Abɛ Womi 8:27

Benɛ e ngɔ hiɔwe kɛ to e blɔ he, nɛ e pee hiɔwe kɛ zugba a kpe he ɔ, jamɛ a be ɔ, i ngɛ lejɛ ɔ.

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

Yeremia 10:12

Yawɛ lɛ bɔ je ɔ ngɛ e he wami nya. Nile lɛ e kɛ bɔ je ɔ, nɛ jamɛ a nile ɔ nɔuu e kɛ bli hiɔwe mi.

Yesaya 40:17

Je ma amɛ pi nɔ́ ko ngɛ e hɛ mi; e buu mɛ kaa ní guhi nɛ a he be se nami.

La 68:33

nɔ nɛ ngɛ hiɔwe lokoo kɛ je blema teteete ɔ, nyɛ je e yi. Nyɛɛ bu e gbi nguaa nɛ ngɛ pɛe hoo ɔ tue.

Hiob 22:14

O susuɔ kaa ke Mawu ngɛ nyɛɛe ngɛ je ɔ, kɛ hiɔwe a kpe he ɔ, e hyɛ we nɔ́ ngɛ bɔku kpii ɔ mi lo?

Hiob 9:8

Benɛ Mawu maa gbla hiɔwe mi, nɛ e maa naa wo mi lohwe ngua a nɔ ɔ, nɔ ko piɛ we e he.

Yesaya 51:13

Anɛ Yawɛ, nɔ nɛ bɔ mo, nɛ e pee hiɔwe ploplooplo, nɛ e ngɔ zugba a sisi tomi ɔmɛ ngɔ ma si ɔ, o hɛ je e nɔ lo? Nihi nɛ ngɛ mo yi mi wae, nɛ a pee klaalo kaa a ma kpata o hɛ mi ɔ, mɛni he je o ngɛ mɛ mohu gbeye yee ɔ? A be nyɛe maa pee mo nɔ ko hu.

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?

Yesaya 40:15

Je ma amɛ pi nɔ́ ko kulaa ngɛ Yawɛ hɛ mi. A ngɛ kaa nyu kɔyi kake kɛkɛ nɛ dɛ kɛ je goga mi. Zugba kpɔ ɔmɛ nɛ wo bɔle mɛ ɔ hu ngɛ wojowojo ngɛ Yawɛ dɛ mi kaa bunyuku nɛ pue sɛni nɔ.

La 2:4

Nɔ nɛ hii si ngɛ hiɔwe lokoo ɔ ngɛ mɛ muɔe. Ee, Yawɛ ngɛ a he fɛu yee.

Mose IV, 13:33

Benɛ wa na oblai agboagbo ɔmɛ, nɛ ji Anak bi ɔmɛ, nɛ wa ngɔ wa he ngɔ to a he ɔ, wa pee tsɔwitsɔwi kaa adodohi; nɛ jã kɛ̃ wa ngɛ ngɛ mɛ hu a hɛ mi.”

Zakaria 12:1

Sɛ gbi nɛ je Yawɛ ngɔ nɛ kɔɔ Israel he ji nɛ ɔ nɛ. Yawɛ ji nɔ nɛ bɔ hiɔwe kɛ zugba; lɛ nɛ ha nɔmlɔ adesa wami. Yawɛ ke,

La 29:10

Yawɛ ngɛ matsɛ yee ngɛ nyu babauu ɔ nɔ kɛ yaa neneene.

Hiob 36:29

Bɔ nɛ bɔku haa si, kɛ bɔ nɛ hiɔwe siɔ ngɛ lɛ Mawu ɔ e hi he ɔ, mɛnɔ lɛ le?

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Hiob 37:18

Hiɔwe ɔ nɛ he wa kpakpataa kaa ahuhuɛ nɛ a sile, nɛ a puɛ ngɔ ma si ɔ, anɛ o ma nyɛ maa gbla mi kaa bɔ nɛ lɛ Mawu ɔ, e pee ɔ lo?

Mose I, 1:6

Enɛ ɔ se ɔ, Mawu fa ke, “Nɔ́ ko nɛ ba nɛ e ba gba nyu ɔ mi enyɔ”. Nɛ e ba mi ja. Kɛkɛ nɛ Mawu pee nɔ́ ko kɛ gba nyu ɔ mi; nyu ɔ fa ba je nɔ́ ɔ sisi, nɛ fa ba je e yi mi.

La 18:11

E ngɔ diblii kɛ ha e he kaa bo, nɛ bɔku kpii kɛ e mi nyu gbagbaagba ha e yi nɔ.

La 19:4

Se kɛ̃ ɔ, a nuɔ a he ngɛ je ɔ mi tsuo; a munyu ɔ pɛɛ kɛ yaa je mi nyagbe he tɔɔ. Mawu pee sihi he ha pu ngɛ hiɔwe.

Yesaya 37:16

“Yawɛ Tabohiatsɛ Israel Mawu lee, mo nɛ o hii si ngɛ o matsɛ sɛ nɔ ngɛ kerub ɔmɛ a yi mi lokoo; mo nɔ kake too pɛ ji Mawu, nɛ je nɛ ɔ mi matsɛ yemi ɔmɛ tsuo ngɛ o sisi. Mo lɛ o bɔ hiɔwe kɛ zugba!

Hiob 26:7

Mawu gbla omleyi je hiɔwe ɔ mi, nɛ e ngɔ je ɔ ngɔ kpla si nɛ nɔ́ ko hɛɛ we lɛ.

Yesaya 42:4

E kɔni mi be jɔ̃e, nɛ pɔ be lɛ tɔe kɛ yaa si dami sane yemi ma he si ngɛ je ɔ mi tsuo. Zugbahi nɛ ngɛ tsitsaa lokoo ɔ po maa hyɛ lɛ blɔ nɛ e ba wo mɛ ga.”