Yesaya 40:21 - BAIBLO ALOO NGMAMI KLƆUKLƆU Ɔ

²¹ Bɔ nɛ a plɛ kɛ to je ɔ sisi ɔ, anɛ nyɛ li lo? Anɛ nyɛ nui hyɛ lo? Anɛ a de we nyɛ enɛ ɔ kɛ je blema lokoo lo?

Yesaya 40:21 ပူးပေါင်းရင်းမြစ်များ

Ni Tsumi 14:17

Se kɛ̃ ɔ, e peeɔ kpakpa nɛ e kɛ tsɔɔ kaa lɛ ji Mawu niinɛ; e haa hiɔmi nɛɛ kɛ jee hiɔwe kɛ haa nyɛ, nɛ nyɛ kpaa ní babauu ngɛ be nɛ sa mi. E haa nyɛ niye ní, nɛ nyɛ bua jɔɔ saminya.”

Yesaya 48:13

Imi nitsɛ lɛ i to zugba a sisi, nɛ i bli hiɔwe mluguduu ɔ mi. Benɛ i tsɛ hiɔwe kɛ zugba a, mɛ tsuo a he sɔ kɛ ba.

Yesaya 46:8

“Nyɛ yayami peeli, nyɛ kai nɔ́ nɛ ɔ, nɛ nyɛ susu he.

La 50:6

Hiɔwe tsuo ngɛ dee ke Mawu ɔ, dalɔ kɛ kojolɔ ji lɛ.

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

La 115:8

Nihi nɛ pee mɛ ɔ ngɛ kaa amaga amɛ nɔuu. Ni nɛmɛ nɛ ngɔɔ a hɛ kɛ fɔɔ a nɔ ɔ, jã kɛ̃ a ngɛ.

Yesaya 51:13

Anɛ Yawɛ, nɔ nɛ bɔ mo, nɛ e pee hiɔwe ploplooplo, nɛ e ngɔ zugba a sisi tomi ɔmɛ ngɔ ma si ɔ, o hɛ je e nɔ lo? Nihi nɛ ngɛ mo yi mi wae, nɛ a pee klaalo kaa a ma kpata o hɛ mi ɔ, mɛni he je o ngɛ mɛ mohu gbeye yee ɔ? A be nyɛe maa pee mo nɔ ko hu.

Yesaya 44:20

E ní pee mɔbɔ kaa nɔ nɛ ngɛ la zu yee; a mlɔɔ lɛ, nɛ e laa blɔ; lɔ ɔ he ɔ, e be nyɛe ma he lɛ nitsɛ e yi wami, loo nɛ e ma de ke, “Anɛ pi yaka nɔ́ nɔ nɛ i ngɔ ye hɛ ngɔ fɔ nɛ ɔ?”

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Mose I, 1:1

Sisije ɔ, benɛ Mawu bɔ hiɔwe kɛ zugba a,

Yesaya 37:26

“Anɛ o nui kaa i bɔni nɔ́ nɛ ɔ he ní tsumi kɛ je kɛ lo? Nɔ́ nɛ i ngɛ pee nɛ ɔ, i to he ga kɛ je blema lokoo, konɛ mahi nɛ a fia gbogbo ngɔ wo a he ɔ, nyɛɛ pee mɛ ma dokuhi.

Yesaya 40:28

Anɛ o li lo? Anɛ o nui lolo lo? Yawɛ ji Mawu nɛ ngɛ daa kɛ daa; lɛ ji nɔ nɛ bɔ je ɔ tsuo. Pɔ tɔɛ lɛ, nɛ e gbɔjɔɔ we. Bɔ nɛ e juɛmi mi kuɔ ha a, nɔ ko nɔ ko be nyɛe maa nu sisi.

Hiob 26:7

Mawu gbla omleyi je hiɔwe ɔ mi, nɛ e ngɔ je ɔ ngɔ kpla si nɛ nɔ́ ko hɛɛ we lɛ.