Yesaya 40:20 - BAIBLO ALOO NGMAMI KLƆUKLƆU Ɔ

²⁰ Dɛgutsɛ lɛɛ bɔ nɛ e peeɔ ji, e ngɔɔ tso kpakpa kɛ haa tso galɔ nɛ le ní tsumi saminya. Tso galɔ nɛ ɔ ngɔɔ tso ɔ kɛ peeɔ amaga ha lɛ, amaga nɛ mimiɛ we e he.

Yesaya 40:20 ပူးပေါင်းရင်းမြစ်များ

Yesaya 46:7

A ngɔɔ amaga a ngɔ fɔɔ a konɔ; a kɛ ya maa si ngɛ he ko, nɛ e nyɛ we nɛ e mimiɛɔ e he po kɛ je he nɛ e maa si ngɛ ɔ! Ke nɔ ko fa kue ha lɛ ɔ, e nyɛ we nɛ e haa lɛ heto, nɛ e nyɛ we nɛ e jeɔ nɔ ɔ kɛ jeɔ haomi mi hulɔ.

Yesaya 41:7

Tso galɔ deɔ sika tsu galɔ ke, ‘O bɔ mɔde, e hi!’ Nɔ nɛ kɛ hamle ngɛ amaga a he dlae ɔ hu woɔ nɔ nɛ ngɛ ní tsue ngɛ sɔ̃ tɛ nɔ ɔ he wami jã kɛ̃; e deɔ nɔ́ sɔ̃lɔ ɔ ke, ‘Bɔ nɛ o sɔu ɔ hi.’ Kɛkɛ ɔ, a ngɔɔ plɛɛko bihi kɛ kaa, konɛ e ko kpɔ.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Yesaya 44:12

Sɔ̃lɔ ngɔɔ dade kɛ woɔ la mi, nɛ e dɔɔ la. E kɛ e he wami woɔ hamle nɔ kɛ fiaa dade ɔ nɛ e kɛ sɔ̃ɔ̃ nɔ́ ko. Ke e ngɛ nɔ́ ɔ sɔ̃e ɔ, hwɔ kɛ kuma yee lɛ, nɛ pɔ tɔɔ lɛ.

Daniel 5:4

nɛ a je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi.