Yesaya 40:18 - BAIBLO ALOO NGMAMI KLƆUKLƆU Ɔ

¹⁸ Mɛnɔ he nyɛ maa ngɔ Mawu kɛ to mɔ? Nɛ mɛni subai nyɛɛ kɛ maa to e he?

Yesaya 40:18 ပူးပေါင်းရင်းမြစ်များ

Yesaya 46:5

“Yawɛ ngɛ bie ke, ‘Mɛnɔ he nyɛ maa ngɔ mi kɛ to? Nɔ ko ngɛ nɛ kɛ mi sɔ lo?’

Samuel I, 2:2

Nɔ ko be nɛ ngɛ klɔuklɔu kaa Yawɛ. E se ɔ, nɔ ko be. Ee, Mawu se ɔ, wesa he kpa ko be.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Ni Tsumi 17:29

Ke Mawu bimɛ ji wɔ ɔ, e sɛ kaa wa susuu kaa Mawu su ngɛ kaa sika tsu, loo sika hiɔ, loo tɛ ko nɛ nɔmlɔ kɛ e ga, kɛ e juɛmi pee.

Yesaya 40:25

Mɛnɔ he nyɛ maa ngɔ Mawu Klɔuklɔu ɔ kɛ to? Mɛnɔ kɛ lɛ sɔ?

Yeremia 10:6

Yawɛ, nɔ ko nɔ ko be nɛ kɛ mo sɔ; O je agbo, nɛ o biɛ hu kle nɛ e je agbo ja nɔuu.

La 89:6

Yawɛ, mɛnɔ lɛ ngɛ hiɔwe nɛ ngɛ kaa mo? Hiɔwe nibɔ ní ɔmɛ te nɔ́ nɛ kɛ mo sɔ?

Hiob 40:9

Anɛ o ngɛ he wami kaa imi Mawu ɔ lo? Anɛ o ma nyɛ maa wo gbi kaa imi lo?

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

La 89:8

Yawɛ Tabohiatsɛ Mawu! Mɛnɔ lɛ ngɛ he wami kaa mo Yawɛ? O yeɔ anɔkuale ngɛ nɔ́ tsuaa nɔ́ mi.

Mose II, 9:14

Jehanɛ ɔ lɛɛ i be o tsɔli ɔmɛ, kɛ o ma a kɛkɛ tue gblae; se mohu ma ha nɛ nɔ́ nami ɔ maa sa mo nitsɛ hu o he, konɛ o le kaa nɔ ko nɔ ko be nɛ e kɛ mi sɔ ngɛ je ɔ mi tsuo.

Mose II, 8:10

Farao ɔ de lɛ ke, “Hwɔɔ nɛ o sɔle ha mi.” Mose de lɛ ke, “Ma pee kaa bɔ nɛ o bi ɔ, konɛ o na nɛ o le kaa nɔ ko nɔ ko be nɛ ngɛ kaa Yawɛ, wa Mawu ɔ.

Mose V, 33:26

Nyagbe ɔ, bɔ nɛ Mose gbaa Israel ma a tsuo ji nɛ ɔ nɛ: “Israel ma, mawu ko mawu ko be kaa nyɛ Mawu ɔ nɛ nyɛɛɔ kɔɔhiɔ mi kɛ agboje kɛ jee hiɔwe kɛ ba jee ngmlaa ha nyɛ ɔ.

Mose II, 20:4

“Koo puɛ amaga, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ́ ko nɛ ngɛ nyu mi ngɛ zugba a sisi.

Yesaya 46:9

Nyɛ kai níhi nɛ i pee blema lokoo ɔ; ejakaa Mawu kpa ko be nɛ kɛ mi sɔ.

La 113:5

Nɔ ko be nɛ ngɛ kaa Yawɛ, wa Mawu ɔ nɛ hii si ngɛ hiɔwe,

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Kolosebi 1:15

Kristo ji Mawu nɛ a nɛ́ lɛ ɔ subai nɛ a naa. Lɛ ji nibɔ níhi tsuo a kpɛti tɛte.

Yeremia 10:16

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Mose V, 4:15

“Benɛ Yawɛ kɛ nyɛ tu munyu kɛ je la a mi ngɛ Sinai yo ɔ nɔ ɔ, nyɛ nɛ́ su ko su ko. Lɔ ɔ he ɔ, nyɛɛ hyɛ nyɛ he nɔ saminya,

La 89:7

A buu mo ngɛ ni klɔuklɔuhi a kpe ɔ mi; mɛ tsuo pɛpɛɛpɛ a yeɔ mo gbeye.

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.

Yeremia 10:1

Nyɛ Israel ma, nyɛɛ bu sɛ gbi nɛ Yawɛ kɛ ngɛ nyɛ hae ɔ tue!