Yesaya 40:15 - BAIBLO ALOO NGMAMI KLƆUKLƆU Ɔ

¹⁵ Je ma amɛ pi nɔ́ ko kulaa ngɛ Yawɛ hɛ mi. A ngɛ kaa nyu kɔyi kake kɛkɛ nɛ dɛ kɛ je goga mi. Zugba kpɔ ɔmɛ nɛ wo bɔle mɛ ɔ hu ngɛ wojowojo ngɛ Yawɛ dɛ mi kaa bunyuku nɛ pue sɛni nɔ.

Yesaya 40:15 ပူးပေါင်းရင်းမြစ်များ

Yeremia 10:10

Se mo Yawɛ, Mawu nitsɛnitsɛ ji mo; mo ji Mawu hɛ kalɔ ɔ nɛ; neneene matsɛ ji mo. Ke o mi mi fu ɔ, zugba mimiɛɔ, nɛ je ma amɛ nyɛ we nya dami.

Yesaya 40:22

Mawu ji nɔ nɛ bɔ je ɔ nɛ; e hii si ngɛ hiɔwe lokoo, nɛ je ɔ fɔɔ si ngɛ e sisi. Nimli adesahi ngɛ kaa angmɛɛtɛ ngɛ je ɔ mi. Mawu bli hiɔwe mi kaa bo, nɛ e pee lɛ kaa bo tsu nɛ a hiɔ mi.

Yesaya 29:5

Yerusalem, o he nyɛli ɔmɛ nɛ je ma se kɛ ba tua mo ɔ, a maa bɛɛ mɛ tsuo kɛ ho kaa bunyuku, nɛ a ta buli babauu kɛ a he gbeyegbeye ɔ maa pee kaa jakati ngɛ kɔɔhiɔ nya. Tlukaa, ngɛ hɛngmɛfia mi ɔ,

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 59:18

E maa gbla a tue kaa bɔ nɛ a pee ɔ pɛpɛɛpɛ kɛ to nane mi; nɛ ni nɛmɛ nɛ ngɛ ma se tsitsaa po be a he yee.

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Daniel 11:18

Enɛ ɔ se ɔ, e ma ba tua wo nya ma amɛ, nɛ e maa ngɔ mahi babauu. Se tatsɛ ko maa je ma se kɛ ba nɛ e kɛ Siria matsɛ ɔ ma ba kpe. E maa ye Siria matsɛ ɔ nɔ, nɛ Siria matsɛ ɔ kɛ zo maa kpale e se kɛ ho.

Yesaya 66:19

Jamɛ a be ɔ loko a maa le kaa imi lɛ i ngɛ a tue gblae. “Se ma he a ti ni komɛ a yi wami, nɛ ma tsɔ mɛ kɛ maa ya je ma amɛ a ngɔ, kɛ zugbahi a nɔ ngɛ tsitsaa lokoo, he nɛ a nui ye we agbo jemi, kɛ ye he wami kpetekpleenyɛ ɔ he ngɛ lolo. Ma tsɔ mɛ Spania, Libia, Lidia he nɛ kɛ̃ɛ̃ tsɛ̃li kpakpahi ngɛ ɔ, Tubal, kɛ Hela. A ma ya fiɛ ngɛ je ma nɛ ɔmɛ a mi ke Mawu kpetekpleenyɛ ji mi.

Yesaya 41:5

“Nihi nɛ a ngɛ wo nya ma amɛ a mi ɔ na nɔ́ nɛ i tsu ɔ, nɛ a ye gbeye; je ɔ tsuo mimiɛ. Lɔ ɔ he ɔ, mɛ tsuo a bua a he nya nɛ a ba.

Mose I, 10:5

Nihi nɛ ngɛ wo nya zugba amɛ kɛ wo kpɔ ɔmɛ a nɔ ɔ, a nɛmɛ ji ni nɛ ɔmɛ nɛ. Yafet nina ji mɛ tsuo. A ngɛ mɛ nitsɛmɛ a zugbahi a nɔ wɛtso nya wɛtso nya, nɔ tsuaa nɔ kɛ e ma mi gbi.

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.

Yesaya 2:22

Nyɛ ko ngɔ nyɛ hɛ ngɔ fɔ nɔmlɔ adesa nɔ. Tlukaa kɛkɛ e mumi je e mi, nɛ e he be se nami hu.

Yesaya 17:13

Je ma amɛ hia kɛ ma kaa wo oslɔke; se Mawu ku a nya la, nɛ a kpale a se kɛ yaa kaa bunyuku nɛ ngɛ tee puu ngɛ yoku he, loo kaa dwɔmi nɛ ahumi ngɔ kɛ yaa.

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

La 62:10

Nyɛ ko ngɔ nyɛ hɛ kɛ fɔ amimi yemi nɔ; nyɛ ko hyɛ blɔ kaa nyɛ ma na nɔ́ kpakpa ko kɛ je ojo fiami mi. Ke nyɛ ba na ní babauu po, nyɛ ko ngɔ nyɛ hɛ kɛ fɔ nɔ.

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”