Yesaya 40:13 - BAIBLO ALOO NGMAMI KLƆUKLƆU Ɔ

¹³ Mɛnɔ lɛ tsɔɔ Yawɛ mumi ɔ nɔ́ nɛ e pee? Mɛnɔ lɛ tsɔɔ lɛ ní, loo e wo lɛ ga hyɛ?

Yesaya 40:13 ပူးပေါင်းရင်းမြစ်များ

1 Korintobi 2:16

Kaa bɔ nɛ a ngma a, “Mɛnɔ lɛ le Nyɔmtsɛ ɔ juɛmi, nɛ e maa wo lɛ ga?” Wɔɔ lɛɛ bɔ nɛ Kristo susuu e yi mi ɔ, jã wɔ hu wa susuu wa yi mi.

Romabi 11:34

Kaa bɔ nɛ ngmami ɔ deɔ ɔ, “Mɛnɔ lɛ le Nyɔmtsɛ ɔ juɛmi, aloo mɛnɔ lɛ wo lɛ ga hyɛ?

Hiob 21:22

Mawu nɛ tsɔɔ nimli nguahi po nile ɔ, anɛ nɔ ko ma nyɛ maa kojo lɛ lo?

Luka 10:22

“Tsaatsɛ ngɔ níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ, nɛ nɔ ko nɔ ko li Tsɛ ɔ, ja Bi ɔ, kɛ ni nɛmɛ nɛ Bi ɔ suɔ kaa e maa tsɔɔ mɛ Tsɛ ɔ.”

Efesobi 1:11

Nɔ́ nɛ Mawu suɔ kaa e maa pee, kɛ nɔ́ nɛ e to kaa e ba mi ɔ, lɔ ɔ e peeɔ. Mawu hla wɔ, konɛ wa ba pee lɛ nitsɛ e nihi, nɛ́ waa kɛ Kristo nɛ pee kake. Mawu suɔmi nya ní, kɛ yi mi nɛ e to kɛ je sisije tɔɔ ji nɛ ɔ nɛ.

Yohane 1:13

A pee mɛ Mawu bimɛ, pi ngɛ he lo nya kaa nyumu fɔɔ bi aloo nɔmlɔ adesa suɔmi nya; Mawu mi a je kɛ fɔ mɛ.

Mose I, 1:2

je ɔ be su pɔtɛɛ ko; e fɔɔ si gu. Diblii kpii ha muɔ voo kɛ e mi nyu babauu ɔ nya, nɛ Mawu mumi ɔ ngɛ si bɔlee ngɛ nyu ɔ hɛ mi.

Yesaya 41:28

Benɛ i hyɛ ɔ, nɔ ko nɔ ko be a mawu ɔmɛ a kpɛti nɛ nyɛ́ de nɔ́ ko kulaa. Ke i bi mɛ munyu hu, nɔ ko nɔ ko nyɛ we nɛ e ha mi heto.

Yeremia 23:18

I de ke, “Gbali nɛ ɔmɛ a ti mɛnɔ le nɔ́ nɛ ngɛ Yawɛ yi mi? A ti mɛnɔ nu Yawɛ sɛ gbi hyɛ, nɛ e ma de pohu ke e nu sisi? Aloo a ti mɛnɔ bu e munyu ɔ tue hyɛ, nɛ e pee kaa bɔ nɛ munyu ɔ tsɔɔ kaa a pee ɔ?