Yesaya 4:6 - BAIBLO ALOO NGMAMI KLƆUKLƆU Ɔ

⁶ E hɛ mi nyami ɔ maa pee hɔ̃ ha ma a piani kɛ tsi pu la a nya, nɛ e maa pee wesa he ngɛ hiɔmi kɛ ahumi be mi.

Yesaya 4:6 ပူးပေါင်းရင်းမြစ်များ

Yesaya 25:4

O ngɛ kaa mɔ kɛ ha ohiatsɛmɛ. O ngɛ kaa mɔ kɛ ha nɔ́ nali. Mo ji a wesa he ngɛ kɔɔhiɔ nɛ nya wa mi, kɛ hɔ̃ ngɛ pu ngmangmaangma nya. Yiwutsotsɛmɛ nɛ a yi mi wa kaa ahumi ngɛ fĩɛ be mi po, o jeɔ mɛ kɛ jeɔ a dɛ mi.

La 27:5

Haomi be mi ɔ, e maa ngɔ mi kɛ laa ngɛ laami he ɔ, ngɛ e we ɔ; e maa ngɔ mi kɛ da tɛ sa nɔ.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Yesaya 8:14

Ma plɛ pee he ko nɛ ngɛ klɔuklɔu; ma pee tɛ nɛ maa tsi mo blɔ. Se Israel kɛ Yuda bi ɔmɛ ɔ, ma pee tɛ sa nɛ maa tsɛ̃ mɛ kɛ ko si; nɛ ma pee klama nɛ maa du nihi nɛ a ngɛ Yerusalem.

Abɛ Womi 18:10

Yawɛ ngɛ kaa mɔ nguaa, he nɛ nimli kpakpahi tuu fo kɛ ya saa we ngɛ nɛ a yi naa wami.

Kpojemi 7:16

Hwɔ be mɛ yee hu; kuma be mɛ yee hu. Pu, loo pu la nɛ nya wa hu be mɛ sããe,

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

Ezekiel 11:16

“Jehanɛ, de o nyɛmimɛ ɔmɛ ke, nɔ́ nɛ imi Nyɔmtsɛ Yawɛ, i ngɛ dee ji, imi nitsɛ nɛ i ha a ho je ma amɛ a zugba amɛ a nɔ ya a nɛ; i gbɛ mɛ ngɔ fĩa je ɔ mi tsuo lɛɛ, se ma bu a he be bɔɔ ko ngɛ hehi nɛ a ho ɔ tsuo.

La 55:8

I ko te mla kɛ ya laa ye he kɛ je kɔɔhiɔ vuduvudu, kɛ ahumi nɛ ɔ nya.”

Yesaya 14:32

Mɛni heto wa ma ha tsɔli ɔmɛ nɛ je Filistia kɛ ba a? Wa ma de mɛ ke Yawɛ to Zion sisi saminya, nɛ e ma a nɛ ngɛ amanehlu nae ɔ, a tue mi maa jɔ mɛ ngɛ lejɛ ɔ.

Yesaya 32:1

Be ma nɛ matsɛ ko ma ba ye tsɛ. E maa ye ma a nɔ saminya, nɛ e ganɔ ɔmɛ tsuo maa ye dami sane.

Yesaya 30:30

Nɔ tsuaa nɔ maa na e he wami kpetekpleenyɛ ɔ nɛ ngɛ ní tsue, kɛ bɔ nɛ e mi mi fu wawɛɛ ɔ; la nɛ puɛɔ ní maa tso plamplam, nɛ ahumi maa fia; hiɔmi maa nɛ, nɛ gbiɛ ngo ngu ma pue si.