Yesaya 4:5 - BAIBLO ALOO NGMAMI KLƆUKLƆU Ɔ

⁵ Kɛkɛ ɔ, Yawɛ maa ngɔ bɔku kɛ ba ha Zion yo ɔ, kɛ nihi tsuo nɛ ba kpe ngɛ lejɛ ɔ a nɔ; piani ɔ, Yawɛ ma ha bɔku maa wo, nɛ nyɔ mi ɔ, la su ku, kɛ la nɛ ngɛ kpɛe plamplam maa ba. Mawu hɛ mi nyami ɔ maa ha ma a tsuo nɔ.

Yesaya 4:5 ပူးပေါင်းရင်းမြစ်များ

Nehemia 9:12

O ngɔ bɔku kɛ tsɔɔ mɛ blɔ piani; se nyɔ mi lɛɛ o ha mɛ la nɛ a kɛ hyɛ a blɔ mi.

La 105:39

Mawu ha nɛ bɔku ba ha Israel bi ɔmɛ a he; e ha mɛ la, nɛ a kɛ hyɛ nɔ́ nyɔ mi.

La 111:1

A je Yawɛ yi! Ma na Yawɛ si kɛ ye tsui tsuo ngɛ nihi nɛ peeɔ nɔ nɛ da a gua a mi.

La 78:14

Piani ɔ, e kɛ bɔku tsɔɔ mɛ blɔ, nyɔ mi lɛɛ e haa mɛ la nɛ hii kpɛe.

La 85:9

Niinɛ, Mawu pee klaalo kɛ ma he nihi nɛ jaa lɛ ɔ a yi wami; konɛ hɛ mi nyami nɛ hi wa zugba a mi.

La 89:7

A buu mo ngɛ ni klɔuklɔuhi a kpe ɔ mi; mɛ tsuo pɛpɛɛpɛ a yeɔ mo gbeye.

Mose II, 14:24

Mɔtu kpla a, Yawɛ hyɛ Egipt tabo ɔ kɛ gu la titima a, kɛ bɔku titima a a mi, nɛ e ha nɛ sawale nu mɛ.

Mose II, 24:16

Yawɛ hɛ mi nyami ɔ kple Sinai yo ɔ nɔ, nɛ bɔku ɔ ha yo ɔ nɔ ligbi ekpa. Ligbi nɛ ji kpaago ɔ, Yawɛ tsɛ Mose kɛ je bɔku ɔ mi. Benɛ Israel bi ɔmɛ na Yawɛ hɛ mi nyami ɔ, e pee mɛ kaa la nɛ ngɛ tsoe ngɛ yo ɔ yi mi. Mose hi lejɛ ɔ nyɔ kɛ pia nyɔ kɛ pia ligbi nyingmi eywiɛ.

Mose II, 26:1

“Jehanɛ, kpe he bo tsu ɔ, ngɔɔ bo popoe nyɔngma kɛ pee; a ngɔ kpa bluu, kpa tsu, kɛ kpa nɛ hɛɛ alamua tu su kɛ lo bo nɛ ɔ, nɛ a kadi kerub saminyawiiwi kɛ wo mi.

Mose II, 26:7

“Jehanɛ, ngɔɔ apletsi he bwɔmi kɛ lo bo nyɔngma kɛ kake, nɛ o kɛ lɛ tsuo nɛ pee heha nɔ́ ha kpe he bo tsu ɔ.

Yesaya 32:18

Haomi ko haomi ko be ye ma a nya gbae, nɛ tue mi jɔmi kɛ he jɔmi maa hi a we ɔmɛ a mi.

Yesaya 33:20

Hyɛ, Zion, ma nɛ wa yeɔ wa nyami ligbi ɔmɛ ngɛ mi ɔ ji nɛ ɔ nɛ! Yerusalem, ma nɛ tue mi jɔmi ngɛ mi ɔ ji nɛ ɔ nɛ! Yerusalem ngɛ kaa bo tsu nɛ maa si nɛ be si nɔe gblegbleegble. Tso plɛɛkohi nɛ a ka kɛ wo zu mi ɔ ekoeko be hiae; tangme kpa amɛ hu be tsɔe.

Yesaya 37:35

Ejakaa ma bu ma nɛ ɔ he; nɛ nɔ́ ko nɔ́ ko be a he sae. Ma pee nɔ́ nɛ ɔ ngɛ ye tsɔlɔ David he kɛ wo imi nitsɛ ye hɛ mi nyami.’ ”

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”

Yesaya 60:1

Yerusalem, tee si nɛ o tso kaa pu; Yawɛ hɛ mi nyami ɔ ngɛ kpɛe ngɛ o nɔ.

Yesaya 60:2

Diblii maa ha zugba a tsuo nɔ, je ma amɛ maa hi diblii kpii mi, se moo lɛɛ Yawɛ ma je e he kpo ha mo; e hɛ mi nyami ɔ ma pue o nɔ.

Mateo 18:20

Ejakaa he nɛ ni enyɔ, loo ni etɛ bua a he nya ngɛ ngɛ ye biɛ mi ɔ, i ngɛ a kpɛti ngɛ lejɛ ɔ.”

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”