Yesaya 4:4 - BAIBLO ALOO NGMAMI KLƆUKLƆU Ɔ

⁴ Nyɔmtsɛ ɔ kɛ e he wami maa kojo Zion biyi ɔmɛ, nɛ e maa tsu ma a he. E ma fɔ mu níhi, kɛ muɔ nɛ pue si ngɛ Yerusalem ɔ tsuo.

Yesaya 4:4 ပူးပေါင်းရင်းမြစ်များ

La 51:2

Du ha mi konɛ ye mu ní ɔmɛ, kɛ yayami ɔmɛ tsuo nɛ a je ye he kulaa.

Lahi 3:11

Zion yihi, nyɛɛ ba nɛ nyɛ ba hyɛ Matsɛ Salomo. Jlasi nɛ e nyɛ bu lɛ matsɛ ɔ yo kpeemi ligbi ɔ ngɛ e yi. Yo kpeemi ligbi ɔ, a nya, nɛ a bua jɔ wawɛɛ nitsɛ.

Yesaya 1:15

“Ke nyɛ wo nyɛ nine nɔ, nɛ nyɛ ngɛ sɔlee ɔ, i be nyɛ hyɛe; nyɛ nine he pee kɛ muɔ.

Yesaya 1:25

I kɛ nyɛ maa to ní. Ma tsu nyɛ he kaa a tsuɔ dade he, nɛ ma je nyɛ he mu ɔ tsuo.

Yesaya 1:31

Nihi nɛ a he wa a, a he yayami ɔmɛ ma kpata mɛ nitsɛmɛ a hɛ mi kaa bɔ nɛ la nɛ sɛ sulii sãã nga a. Nɔ́ nɛ ɔ, nɔ ko nɔ ko be nyɛe maa tsi nya.

Yesaya 27:9

Se bɔ nɛ Israel maa pee kɛ je a he yayami ɔmɛ konɛ a kɛ pa mɛ ji, a maa wɛɛ je ma amɛ a bɔ sami la tɛ ɔmɛ bukɔbukɔ kaa ayilɔ, nɛ yo mawu Ashera a tsopa kɛ e he via bɔ sami la tɛ ɔmɛ, loo e we amaga amɛ ekoeko be si hie hu.

Yesaya 28:6

E ma ha kojoli maa ye dami sane, nɛ ma a agbo nya buli ɔmɛ ma na he wami, nɛ a kɛ he nyɛli nɛ ma ba tua mɛ ɔ maa kpe.

Yesaya 9:19

Akɛnɛ Yawɛ Tabohiatsɛ ɔ mi mi fu he je ɔ, e tue gblami ɔ nya wa kaa la nɛ ngɛ nimli tsuo a hɛ mi kpatae ngɛ zugba a nɔ. Nɔ tsuaa nɔ ngɛ lɛ nitsɛ e wami he plee.

Yesaya 9:5

Ta buli nɛ ma wɔ tuami ɔ, a tokota amɛ, kɛ a tade ɔmɛ nɛ muɔ sɛ mi ɔ, a kɛ la maa sã lɛ tsuo, kaa lɛ́ ngɛ la mi.

Yeremia 9:6

A peeɔ yi wu tso níhi nɔtonɔto; jã kɛ̃ nɛ a sisiɔ nɔ. Yawɛ ke e ma mi bi ɔmɛ kua lɛ.

Kɔmɔ Yemi 1:9

Yerusalem he yayami ɔ ngɛ fu jee gbɛɛ; se lɛ nitsɛ lɛɛ nɔ́ nɛ ma e nɔ ɔ pee we lɛ kɔmɔ ko kulaa. E si nɔmi ɔ nya wa; nɔ ko nɔ ko be nɛ maa wo lɛ bua. E jé ngmlaa ke, “Ao! Yawɛ, moo hyɛ nɛ o na mi mɔbɔ, ejakaa ye he nyɛli ɔmɛ ye kunimi!”

Ezekiel 22:15

Ma tsɛ̃ o yi se kɛ ya je ma amɛ a mi, nɛ ma gbɛ mo ngɔ fĩa zugba a nɔ tsuo. Kɛkɛ ɔ, ní yayamihi nɛ o peeɔ kɛ woɔ o he mu ɔ, ma ha o ma kpa peemi.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Ezekiel 36:29

Níhi tsuo nɛ bleɔ nyɛ ɔ, ma je nyɛ kɛ je a mi. Ma ha nɛ ngma maa ba ha nyɛ babauu, nɛ hwɔ be nyɛ yee hu.

Zefania 3:1

Musu tloo Yerusalem! Ma nɛ́ wo e he mu! Atuã tsɔli kɛ yiwutsotsɛmɛ a ma.

Zakaria 13:1

Yawɛ Tabohiatsɛ ɔ ya nɔ nɛ e de ke, “Ke jamɛ a be ɔ su ɔ, a ma bli nyu vu ko nya, nɛ a maa ngɔ e mi nyu ɔ kɛ tsu David nina, kɛ Yerusalem bi ɔmɛ a he kɛ jé a he yayami ɔ, kɛ a he mu ɔ.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!