Yesaya 4:2 - BAIBLO ALOO NGMAMI KLƆUKLƆU Ɔ

² Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

Yesaya 4:2 ပူးပေါင်းရင်းမြစ်များ

Zakaria 6:12

De lɛ ke bɔ nɛ Yawɛ Tabohiatsɛ ɔ de ji nɛ ɔ nɛ: ‘Nɔ ko ji nɛ ɔ nɛ. A tsɛɛ lɛ Tso Kɔni. E ma gba kɔni nɛ e ma ba ma Yawɛ we ɔ ekohu.

Yeremia 23:5

Yawɛ ke, “Be ma nɛ ma hla dalɔ ko kɛ je David nina a a kpɛti nɛ e ba ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Zakaria 3:8

Jehanɛ Yoshua, mo osɔfo nɔkɔtɔma pe kulaa, kɛ o nyɛmimɛ nɛ hii si ngɛ o hɛ mi, nyɛɛ bu tue. Níhi nɛ maa ba hwɔɔ se he okadi ma de nyɛ nɛ ɔ nɛ. Ma ha ye tsɔlɔ nɛ ji Tso Kɔni ɔ maa ba.

Yesaya 27:6

Hwɔɔ se ko ɔ, Israel ma nɛ ji Yakob nina a maa ma si kpɛii kaa tso nɛ sipoku sɛ zu mi; a ma gba mɔmɔ, nɛ a ma plɔke. A yiblii ma hyi je ɔ tɔ.

Yoel 2:32

Se nihi tsuo nɛ ma sɔmɔ Yawɛ ɔ, a ma he a yi wami. Kaa bɔ nɛ Yawɛ de to ɔ, ‘Nihi nɛ ngɛ Yerusalem ɔ, a ti ni komɛ a yi ma na wami; mɛ ji ni nɛmɛ nɛ i hla a nɛ.’ ”

Yeremia 33:15

Jamɛ a be ɔ mi ɔ, ma hla dalɔ ko kɛ je David nina a a kpɛti nɛ e ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Obadia 1:17

“Se a ma he ni komɛ a yi wami ngɛ Zion yo ɔ nɔ, nɛ lejɛ ɔ maa pee klɔuklɔu. Yakob we ɔ nine maa su a blɔ fa mi ní ɔmɛ a nɔ ekohu.” Mawu lɛ de.

Yeremia 44:14

Yuda bi nɛ piɛ, nɛ a ho Egipt ya nɛ a ya hi lejɛ ɔ, a ti nɔ ko he be mi jee, nɛ nɔ ko yi be wami nae. Yuda zugba a nɛ a ko suɔ nɛ a ba hi mi ekohu ɔ, a ti nihi bɔɔ kɛkɛ lɛ a maa kpale kɛ ba lejɛ ɔ; pi mɛ tsuo.”

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.

Yesaya 53:2

Yawɛ tsɔlɔ ɔ ngɛ kaa tso wayoo ko nɛ puɛ kɛ je zugba gbigbli mi. Agboje ko be e he ɔ, he fɛu hu bɔ lɛ, lɔ ɔ he ɔ, wa bui lɛ. Nɔ́ ko nɔ́ ko be e he nɛ maa pee wɔ akɔnɔ.

La 72:16

Zugba a nɛ ba ní saminya, nɛ a na blɛfo babauu ngɛ yo ɔmɛ tsuo pɛpɛɛpɛ a nɔ. Á na tso yiblii saminya kaa bɔ nɛ a naa ngɛ Lebanon ɔ. Ma amɛ a mi nɛ hyi tɔ kɛ nimli adesahi kaa nga.

2 Petro 1:16

Nɛ wa fiɛ tsɔɔ nyɛ ke wa Nyɔmtsɛ Yesu Kristo maa ba ekohu kɛ he wami kpetekpleenyɛ ɔ, pi sanehi nɛ a po de nɔ nɛ wa da. Se wa na e he wami kpetekpleenyɛ ɔ kɛ wɔ nitsɛmɛ wa hɛngmɛ.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Luka 21:36

Nyɛɛ hyɛ nyɛ he nɔ saminya, nɛ nyɛɛ sɔle daa, konɛ Mawu nɛ ha nyɛ he wami nɛ nyɛ kɛ gblee ní nɛ ɔmɛ tsuo nɛ maa ba a a mi slɔkee, nɛ nyɛ nyɛ nɛ nyɛɛ da Nɔmlɔ Bi ɔ hɛ mi.”

Mateo 24:22

Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

Zakaria 9:17

E dɛ mi nɛ kpakpa kɛ afɛu tsuo je; nihewi a blɛfo maa ba saminya; yihewi maa nga wai he bɔ nɛ sa, nɛ mɛ tsuo a ma plɔke.

Yoel 3:18

“Jamɛ a be ɔ mi ɔ, yoku ɔmɛ a nɔ ma hyi kɛ wai nɛ ngɔɔ, nɛ na nyɔ nyu maa pɔ he ngɛ yoku ɔmɛ tsuo a nɔ. Yuda pa amɛ tsuo ma hyi tɔ. Nyu hɛngmɛ maa hia kɛ je Yawɛ we ɔ mi, nɛ nyu ɔ ma ya pue Akasia kɔ̃ ɔ mi.

Ezekiel 7:16

Ni komɛ maa tu fo kɛ ya yo ɔmɛ a nɔ ya hi lejɛ ɔ kaa lahuɛhi nɛ a fie mɛ kɛ je a hi he. Mɛ tsuo a maa ye kɔmɔ; nɔ tsuaa nɔ ma fo ya ngɛ lɛ nitsɛ e he yayamihi a he.

Yeremia 44:28

Se nyɛ ti nihi bɔɔ ko kɛ̃ a he maa je mi, nɛ a maa kpale kɛ je Egipt zugba a nɔ kɛ ya Yuda zugba a nɔ. Jamɛ a be ɔ loko nihi nɛ a yi na wami ɔ maa le kaa imi lɛ ye munyu ba mi, aloo mɛ.

Yesaya 45:8

Hiɔwe tsuo, nyɛ ha nɛ dami sane yemi nɛ kple si kɛ ba; é nɛ kɛ pue si kaa bɔ. Nyɛ ha nɛ dami sane yemi nɛ pue si kɛ je bɔku ɔmɛ a mi; é nɛ kɛ pue si kaa hiɔmi. Zugba a hu nɛ bli e nya, konɛ yi wami hemi nɛ bɔni kpo jemi; enɛ ɔ kɛ dami sane yemi tsuo maa je kpo paa si kake. Imi Yawɛ lɛ i ha enɛ ɔ ba mi.”

Yesaya 30:23

Ke nyɛ du ní ɔ, Yawɛ ma ha hiɔmi maa nɛ kɛ pue zugba a nɔ, nɛ niye ní babauu maa ba; jamɛ a be ɔ mi ɔ, nyɛ na amɛ ma na zugba agbo nɛ a maa ye ní ngɛ nɔ.

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

La 67:6

Zugba a ba ní saminya. Mawu gbaa wɔ, wa Mawu ɔ gbaa wɔ.

Mose II, 28:2

Moo kpɛ osɔfo tadehi ha o nyɛminyumu Aaron nɛ sa lɛ saminyayoo, nɛ bu nɛ ba e he.

Yesaya 26:1

Be ma nɛ ma a ma la la nɛ ɔ ngɛ Yuda zugba a nɔ: Wa ngɛ ma nɛ he wa! Mawu nitsɛ lɛ buu ma a gbogbo ɔmɛ a he!

Yesaya 60:15

“A be mo kuae, nɛ a be mo nyɛe hu kaa sa be ko nɛ o pee ma doku nɛ nɔ ko gui lejɛ ɔ. Ma wo o nɔ gojoo, nɛ o he maa pee fɛu. O maa pee he nɛ bua jɔmi maa hi daa.

Yesaya 61:11

Bɔ nɛ tso tsɛ̃ɔ kɛ jee zu mi, ee, bɔ nɛ wu puɛɔ ngɛ ngmɔ mi ɔ, ja Nyɔmtsɛ Yawɛ ma he e ma a yi wami, nɛ je ma amɛ tsuo maa na, nɛ a ma je e yi.

Ezekiel 34:29

Ma ngɔ zugba nɛ baa ní saminya kɛ ha mɛ; nɛ ma ha hwɔ se maa po kulaa ngɛ zugba a nɔ; kɛkɛ ɔ, je ma amɛ be a he guɛ gbee ngɛ je ɔ mi hu.

Ezekiel 36:8

Se Israel yo ɔmɛ a nɔ lɛɛ tso ɔmɛ ma gba kɔnihi, nɛ a maa wo yiblii ha nyɛ ekohu. Be nɛ nyɛ maa kpale kɛ ba we ekohu ɔ su ta.

Malaki 3:17

Yawɛ Tabohiatsɛ ɔ de ke, “Nimli nɛ ɔmɛ maa pee imi nitsɛ ye ma. Ligbi ɔ nɛ ma tsu ní ɔ, a maa pee ye nihi pɔtɛɛ. Ma na mɛ mɔbɔ kaa tsɛ naa lɛ nitsɛ e bi nɛ sɔmɔɔ lɛ ɔ mɔbɔ.