Yesaya 4:1 - BAIBLO ALOO NGMAMI KLƆUKLƆU Ɔ

¹ Jamɛ a be ɔ, yihi kpaago ma ya nu nyumu kake nɛ a ma de lɛ ke, “Wa kpa mo pɛɛ, wɔ nitsɛmɛ wa maa lɛ wa he, nɛ wɔ nitsɛmɛ wa maa bɔ wa heha ní he mɔde, se ngmɛɛ wɔ blɔ nɛ wa tsɛ mo ke wa huno kɛkɛ, konɛ a ko ba bɔ wɔ ahlua hu.”

Yesaya 4:1 ပူးပေါင်းရင်းမြစ်များ

Mose I, 30:23

Rahel ba na mi, nɛ e fɔ binyumu. E wo lɛ biɛ ke Yosef, nɛ e de ke, “Mawu je ye hɛ mi zo. Mawu nɛ e pa ha mi binyumu kpa.”

Yesaya 2:17

Nɔmlɔ adesa he tsɔɔmi, kɛ e he nɔ womi tsuo se maa po. Amagahi a se maa po kulaa; nɛ jamɛ a be ɔ, Yawɛ pɛ nɔ a ma wo gojoo.

Yesaya 13:12

Nihi nɛ a yi ma na wami ɔ, a he be hiɛe kulaa; nimli adesahi a he maa hia pe sika tsu ngmingmiingmi.

Luka 21:22

Ejakaa lue yemi ligbi ɔmɛ ji nɛ ɔmɛ nɛ; konɛ níhi tsuo nɛ ngmami ɔmɛ de ɔ nɛ ba mi.

Luka 1:25

E de ke, “Jehanɛ ɔ lɛɛ Nyɔmtsɛ ɔ piɛ ye he! Ye hɛ mi nɛ pue si ngɛ ma hɛ mi ɔ, e ha nɛ e se po.”

2 Tesalonikabi 3:12

Wa ngɛ kikɛmɛ a nimli nɛ ɔmɛ mlaa woe, nɛ wa ngɛ mɛ kɔkɔ bɔe ngɛ Nyɔmtsɛ Yesu Kristo biɛ mi kaa a ba a je mi saminya, nɛ a kɛ a nine nguɛ nyɔngma nɛ tsu ní nɛ a ye.

Yesaya 17:7

Jamɛ a be ɔ, nihi maa kpale kɛ ba a bɔlɔ, Israel Mawu klɔuklɔu ɔ ngɔ kɛ ba hla yemi kɛ buami.

Yesaya 10:20

Jamɛ a be ɔ, Israel bi nɛ a yi na wami ɔ be a hɛ ngɔe kɛ fɔ ma a nɛ ka a hɛ mi kpatami ɔ nɔ hu. A maa ngɔ a hɛ kɛ fɔ Yawɛ, Israel Mawu klɔuklɔu ɔ nɔ kulaa.

Samuel I, 1:6

E hunoyo Penina yeɔ e he fɛu nɛ e yeɔ e tsui ngɛ fɔmi nɛ e fɔ we ɔ he.

Yesaya 2:11

Be ma nɛ nɔmlɔ adesa he tsɔɔmi, kɛ e he nɔ womi tsuo a se maa po. Kɛkɛ ɔ, a ma wo Yawɛ pɛ nɔ gojoo.

Yesaya 3:6

Be ma, nɛ we puɔ nya ko bi maa hla a ti nɔ ko, nɛ a ma de lɛ ke, “Wa nɔ́ tsuaa nɔ́ hɛ mi kpata, se moo lɛɛ o ngɛ he ha nɔ́ ko, lɔ ɔ he ɔ, ba pee wa tsɛ, nɛ o ye wa nɔ.”

Yesaya 54:4

Koo ye gbeye, ejakaa zo be mo gbee! O tsui ko po, ejakaa a be o hɛ mi si puee hu. Zo ní nɛ o tsu ngɛ o yihe be mi ɔ, o hɛ maa je nɔ, nɛ si nɛ o hi mɔbɔmɔbɔ kaa yalɔyo ɔ, o be kaie hu.

Yeremia 15:8

I ha nɛ yalɔyihi a he hiɛ babauu ngɛ nyɛ zugba a nɔ pe wo nya zia. I gbe nyɛ nihewi ɔmɛ ngɛ a nihe mi, nɛ i ha nɛ a nyɛmɛ ɔmɛ na nɔ́. I ha nɛ haomi nɛ nya wa, kɛ ní gbeyegbeyehi ba a nɔ tlukaa.

Samuel II, 6:23

Saul biyo Mikal fɔ we kɛ ya si e gbenɔ ligbi.