Yesaya 39:2 - BAIBLO ALOO NGMAMI KLƆUKLƆU Ɔ

² Matsɛ Hezekia he tsɔli ɔmɛ atuu, nɛ e ngɔ matsɛ mɔ ɔ mi ní kpakpa nɛ ɔmɛ tsuo kɛ tsɔɔ mɛ: sika tsu, sika hiɔ, tsopa kɛ e he via, nu kpakpa, e ta níhi tsuo, kɛ níhi tsuo nɛ ngɛ nito he ɔmɛ. Nɔ́ ko nɔ́ ko be e we ɔ mi, loo e nɔ yemi he nito he tsu ɔmɛ a mi nɛ e kɛ tsɔɔ we mɛ.

Yesaya 39:2 ပူးပေါင်းရင်းမြစ်များ

Kronika II, 32:31

Benɛ ni ɔmɛ nɛ Babilonia ganɔ ɔmɛ tsɔ kɛ ba Hezekia ngɔ ba bi lɛ sane ngɛ nyakpɛ níhi nɛ ba zugba a nɔ ɔ a he pohu ɔ, Mawu ngmɛɛ Hezekia jemi he ngɔ ha lɛ. Mawu pee kikɛmɛ a nɔ́ nɛ ɔ konɛ e kɛ ka lɛ, nɛ e kɛ na nɔ́ tsuaa nɔ́ nɛ ngɛ e tsui mi.

Kronika II, 32:25

Se kpakpa nɛ ɔ nɛ a pee Hezekia a, e nɛ Yawɛ si, nɛ e je we Yawɛ yi kɛ to nane mi; mohu ɔ, e wo e he nɔ. Enɛ ɔ he je ɔ, Yawɛ mi mi fu lɛ, kɛ Yuda, kɛ Yerusalem.

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Hiob 31:25

Ní babauu nɛ i na a, i fĩa we ngɔ fɔ nɔ.

2 Korintobi 12:7

Nyakpɛ ní nguanguahi nɛ a je tsɔɔ mi ɔ ma ha ma wó ye he nɔ. Lɔ ɔ he ɔ, bɔ nɛ pee nɛ e ko ba mi ja he je ɔ, Mawu ngɔ mio ko ngɔ wo ye he womi mi. Nɔ́ nɛ ɔ ngɛ kaa Satan bɔfo, nɛ e kongoɔ mi, konɛ ma ko wó ye he nɔ.

Fiɛlɔ 7:20

Niinɛ, dalɔ ko dalɔ ko be zugba nɛ ɔ nɔ. Nɔ ko nɔ ko be nɛ peeɔ kpakpa daa nɛ ɔ, nɛ lɛɛ e pee we yayami gblegbleegble.

Abɛ Womi 4:23

Susu o yi mi saminya loko o pee nɔ́ ko, ejakaa lɔ ɔ nɔ o wami daa si ngɛ.

Kronika II, 32:27

Hezekia ba na ní babauu nitsɛ, nɛ nɔ tsuaa nɔ buɔ lɛ. E pee nito hehi, nɛ e to ní nɛ ɔmɛ ngɛ lejɛ ɔmɛ: sika tsu, sika hiɔ, tɛhi nɛ a he jua wa, tsopahi kɛ a he via, tsɛ̃ihi, kɛ ní kpa komɛ nɛ a he jua wa.

Kronika II, 9:9

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu nɛ jiɔmi ji kilo akpe eywiɛ kɛ se, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Salomo ɔ, a nɛ eko hyɛ nɛ kɛ lɛ sɔ.

Kronika II, 9:1

Sheba manyɛ ɔ ba nu Salomo he sane, nɛ e hia blɔ kɛ ba Yerusalem, konɛ e ba ka lɛ kɛ sane bimihi nɛ a he wa. Benɛ e ma a, nihi babauu nitsɛ nyɛɛ e se kɛ ba. E kɛ afukpɔngɔhi nɛ a wo a se mi ní babauu hu ba. Ní nɛ ɔmɛ ji tsopa kɛ e he via, sika tsu, kɛ tɛ nɛ he jua wa. Benɛ manyɛ ɔ kɛ Salomo ba bua a, e bi Salomo munyuhi tsuo nɛ ngɛ e yi mi.

Matsɛmɛ II, 20:13

Hezekia he tsɔli ɔmɛ atuu, nɛ e tsɔɔ mɛ níhi tsuo nɛ a he jua wa ngɛ e nito he ɔmɛ, sika hiɔ, sika tsu, tsopa kɛ e he via, nu nɛ he jua wa, kɛ e ta hwumi níhi a tsu ɔ. Nɔ́ ko be e we ɔ mi, aloo e nɔ yemi he ɔ tsuo nɛ e tsɔɔ we mɛ.

Matsɛmɛ I, 10:25

Nɔ tsuaa nɔ kɛ nike ní nɛ ɔmɛ eko baa: sika hiɔ, sika tsu níhi, tade, ta hwumi níhi, tsopa kɛ e he via, okpɔngɔ, kɛ teji okpɔngɔ. Nɔ́ nɛ ɔ ya nɔ daa jeha.

Matsɛmɛ I, 10:15

slo nɔ́ nɛ a tsuɔ ngɛ jua yeli a dɛ, kɛ se nami nɛ jeɔ jua yemi ní tsumi ɔ mi, kɛ tó nɛ Arabia matsɛmɛ ɔmɛ, kɛ Israel zugba a nɔ amlaalo ɔmɛ tsuɔ ha lɛ ɔ.

Matsɛmɛ I, 10:10

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu kilo akpe eywiɛ, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Matsɛ Salomo ɔ, Salomo na we eko nɛ hiɛ kaa ja hyɛ.

Matsɛmɛ I, 10:2

Benɛ e ma a, nihi babauu nitsɛ nyɛɛ e se kɛ ba. E kɛ afukpɔngɔhi nɛ a wo a se mi ní babauu hu ba. Ní ɔmɛ ji tsopa kɛ e he via, sika tsu, kɛ tɛ nɛ he jua wa. Benɛ manyɛ ɔ ba na Salomo ɔ, e bi Salomo munyuhi tsuo nɛ ngɛ e yi mi,

1 Yohane 1:8

Ke wa de ke yayami ko be wa he ɔ, wɔ nitsɛmɛ wa he wa ngɛ sisie; nɛ Mawu we anɔkuale ɔ be wa mi.