Yesaya 38:8 - BAIBLO ALOO NGMAMI KLƆUKLƆU Ɔ

⁸ Ma ha nɛ nini ɔ nɛ ngɛ pu ngmlɛ nɛ Matsɛ Ahaz pee ɔ nɔ ɔ nɛ kpale kɛ ba se nane hiami nyɔngma.” E ba mi ja; niinɛ Yawɛ ha pu ɔ kpale e se, nɛ nini ɔ nɛ ngɛ pu ngmlɛ ɔ nɔ ɔ kpale e se nane hiami nyɔngma nɛ e nyɛɛ momo ɔ.

Yesaya 38:8 ပူးပေါင်းရင်းမြစ်များ

Mateo 16:1

Farisi bi komɛ, kɛ Saduki bi komɛ ba Yesu ngɔ, konɛ a ba ka lɛ. A de lɛ ke e pee nyakpɛ nɔ́ ko kɛ tsɔɔ kaa e je hiɔwe niinɛ.

Kronika II, 32:24

Jamɛ a be ɔ mi ɔ, Matsɛ Hezekia ba nu hiɔ, nɛ e piɛ nguɛ nya nɛ e gbo. E fa kue ha Yawɛ, nɛ Yawɛ ha lɛ okadi kɛ tsɔɔ kaa e ma na he wami.

Kronika II, 32:31

Benɛ ni ɔmɛ nɛ Babilonia ganɔ ɔmɛ tsɔ kɛ ba Hezekia ngɔ ba bi lɛ sane ngɛ nyakpɛ níhi nɛ ba zugba a nɔ ɔ a he pohu ɔ, Mawu ngmɛɛ Hezekia jemi he ngɔ ha lɛ. Mawu pee kikɛmɛ a nɔ́ nɛ ɔ konɛ e kɛ ka lɛ, nɛ e kɛ na nɔ́ tsuaa nɔ́ nɛ ngɛ e tsui mi.

Manyadali 6:17

Gideon de lɛ ke, “Ke o ngɛ ye he suɔmi ɔ, lɛɛ moo to mi okadi ko nɛ ma kɛ na kaa mo, Yawɛ nitsɛ lɛ o kɛ mi ngɛ munyu tue ɔ nɛ.

Yesaya 7:11

“Bi Yawɛ, o Mawu ɔ ke e ha mo okadi ko. E ma nyɛ maa je gbeje lokoo, loo hiɔwe tsitsaa kɛ ba.”

Yesaya 38:9

Benɛ Yuda matsɛ Hezekia na he wami ɔ, e ngma yi jemi la nɛ ɔ.