Yesaya 38:17 - BAIBLO ALOO NGMAMI KLƆUKLƆU Ɔ

¹⁷ Niinɛ, kpakpa nɛ o ngɛ hlae ha mi he je nɛ haomi nɛ nya wa nɛ ɔ ba ye nɔ ɔ nɛ; se o je mi kɛ je hɛ mi kpatami mi; ejakaa o kɛ ye he yayami ɔmɛ tsuo pa mi.

Yesaya 38:17 ပူးပေါင်းရင်းမြစ်များ

Yesaya 43:25

Se imi nɔuu ji Mawu nɛ ngɔɔ o he yayami ngɔ paa mo. I be o he yayami ɔmɛ kaie hu.

Yona 2:6

I kple si kɛ ho yo ɔmɛ a sisi tomi he ɔ ya tɔɔ, kɛ ya gbeje, he nɛ a sa ye yi wo kɛ yaa neneene. Se mo Yawɛ, ye Mawu, o je mi kɛ je kikɛmɛ a muɔ nɛ ɔ mi hɛ ngmengmle.

Yeremia 31:34

Nɔ ko pa be e nyɛmi, loo e he nɔ ko tsɔɔe hu ke e le Yawɛ, ejakaa nɔ tsuaa nɔ maa le mi, kɛ je jokuɛyo pe kulaa nɔ kɛ yaa si nɔkɔtɔma pe kulaa nɔ. Ma ngɔ a he yayami ɔmɛ kɛ pa mɛ, nɛ a ní yayami ɔmɛ hu i be kaie hu. Imi, Yawɛ lɛ i de.”

La 30:3

O je mi kɛ je gbenɔ dɛ mi. Yawɛ, jinɛ i miɔ nɛ ma gbo, se o ha nɛ i na he wami ekohu.

La 86:13

O na mi mɔbɔ be babauu; gbeje tete po lɛ o je mi kɛ je.

La 85:2

O ngɔ o ma a tɔmi ɔmɛ, kɛ a he yayami ɔmɛ tsuo kɛ pa mɛ.

La 40:2

E gbla mi kɛ je muɔ nɛ mi ngɛ gbeye ɔ mi; e je mi kɛ je mɔsɔ nɛ mi ti ɔ mi. E ngɔ mi kɛ ma tɛ sa nɔ, nɛ e ha nɛ ye nane ma si ekohu.

La 10:2

Yayami peeli ngɛ a he nɔ woe, nɛ a ngɛ ohiatsɛmɛ yi mi wae. Ha nɛ ga yayamihi nɛ a to ɔ nɛ kpa bu mɛ nitsɛmɛ a nɔ.

Hiob 29:18

I hyɛ blɔ kaa ye wami ligbi ɔmɛ maa hiɛ babauu kaa zia, nɛ ma gbo ngɛ we, ngɛ he jɔmi mi.

Hiob 33:24

Mawu bɔfo ɔ maa na lɛ mɔbɔ. E ma de ke, “Nyɛɛ ngmɛɛ e he; e be gbeje yae! Nɔ́ nɛ a kɛ ma kpɔ lɛ konɛ e ye e he ji nɛ ɔ nɛ.”

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

La 103:12

E jeɔ wa he yayami ɔmɛ kɛ yaa tsitsaa lokoo kaa bɔ nɛ beleku kɛ bonyoku a kpɛti blɔ ɔ kɛ ɔ.

Yesaya 38:15

Kɛ ma de kɛɛ? Bɔ nɛ e de ɔ, jã e pee ɔ nɛ. Ye tsui ngɛ yee sɔuu, i nyɛ we ma hwɔ mahe.

La 103:3

E kɛ ye he yayamihi tsuo paa mi, nɛ e tsaa ye he hiɔhi tsuo.

La 103:4

E heɔ ye yi wami, konɛ ye hɛ mi ko kpata. E jeɔ e suɔmi ɔ kpo kɛ tsɔɔ mi, nɛ e naa mi mɔbɔ daa.

Yona 2:7

Benɛ ye mumi ngɛ ye mi jee ɔ, i fa kue ha mo Yawɛ ngɛ o we klɔuklɔu ɔ, nɛ o bu mi tue.