Yesaya 38:16 - BAIBLO ALOO NGMAMI KLƆUKLƆU Ɔ

¹⁶ Nyɔmtsɛ, o nɔ ji mi. Ee, mo pɛ o nɔ i ngɔ ye hɛ kɛ fɔ. Ha ma na he wami ekohu, nɛ ye yi nɛ na wami.

Yesaya 38:16 ပူးပေါင်းရင်းမြစ်များ

1 Korintobi 11:32

Se Nyɔmtsɛ ɔ kojoɔ wɔ, nɛ e gblaa wa tue, bɔ nɛ pee nɛ nyagbe ɔ, Mawu nɛ ko bu wɔ fɔ kɛ piɛ je ɔ he.

Mateo 4:4

Se Yesu he nɔ ke, “Ngmami ɔ ke, ‘Pi abolo kɛkɛ nɛ haa nɔmlɔ yi naa wami, se mohu munyu tsuaa munyu nɛ jee Mawu nya a.’ ”

La 119:25

I tlɔ zugba mɔbɔmɔbɔ; ha nɛ ma na he wami ekohu kaa bɔ nɛ o wo si ɔ.

Yesaya 64:5

Nihi nɛ kɛ bua jɔmi peeɔ o suɔmi nya ní, nɛ blɔ nɛ o to ha mɛ ɔ, a ji nɔ ɔ, mo hu o naa a he bua jɔmi. Wa pee yayami, nɛ o mi mi fu wɔ. Kɛ je blema lokoo ɔ, yayami sɔuu wa ngɛ pee. Anɛ hɛ kɛ nɔ fɔmi ko pa ngɛ ha wɔ kaa a ma he wa yi wami lo?

La 71:20

Mo lɛ o ha nɛ i na amanehlu babauu, mo nɔuu lɛ o ma ha ye yi ma na wami ekohu. O maa kpale mi kɛ je gbeje kɛ ba je mi ekohu.

Mose V, 8:3

E ha hwɔ ye nyɛ, nɛ e ha nyɛ abolo nɛ je hiɔwe nɛ nyɛ nɛmɛ nɛ hyɛ ɔ nɛ nyɛ ye. E pee enɛ ɔ, konɛ nyɛ na nɛ nyɛɛ le kaa pi abolo pɛ nɛ haa nɔmlɔ yi naa wami, se mohu munyu tsuaa munyu nɛ jeɔ Yawɛ nya mi ɔ nɛ haa nɔ yi naa wami.

2 Korintobi 4:17

Amanehlu nɛ nya wa, nɛ se be kɛe kulaa nɛ ɔ ma ha wa hɛ mi maa ba nyami babauu kɛ be nɔ kɛ maa ya neneene.

Hebribi 12:9

Jehanɛ hu, adesa blɔ fa mi ɔ, wa ngɛ tsɛmɛ nɛ tsɔseɔ wɔ, nɛ wa buɔ mɛ. Anɛ e sɛ kaa wa baa wa he si ha Tsɛ ɔ nɛ ngɛ mumihi a nɔ he wami ɔ, konɛ wa yi nɛ na wami lo?

La 39:13

Ngmɛɛ ye he nɛ ma na bua jɔmi, loko ma je hiɛmɛ nɛ ɔ nɛ i pa be wami nɛ ɔ mi hie hu ɔ.

La 119:71

E hi ha mi kaa o gbla ye tue, konɛ ma kase o mlaa amɛ.

La 119:75

Yawɛ, i le kaa o ye dami sane, nɛ o gbla ye tue bɔ nɛ sa mi, ejakaa moo lɛɛ anɔkuale pɛ o yeɔ.

La 30:3

O je mi kɛ je gbenɔ dɛ mi. Yawɛ, jinɛ i miɔ nɛ ma gbo, se o ha nɛ i na he wami ekohu.