Yesaya 38:13 - BAIBLO ALOO NGMAMI KLƆUKLƆU Ɔ

¹³ Nyɔ mi tsuo i ngɛ kɛmɛe kaa nɔ́ nɛ jata lɛ ngɛ ye mi wuhi kue. I susu kaa Mawu ha ye wami nyagbe ma amlɔ nɔuu.

Yesaya 38:13 ပူးပေါင်းရင်းမြစ်များ

Daniel 6:24

Jehanɛ lɛɛ matsɛ ɔ ha a ya nuu ni ɔmɛ nɛ ba po Daniel nya a kɛ ba. A sake mɛ kɛ wo jatahi a muɔ ɔ mi; mɛ kɛ a yihi, kɛ a bimɛ tsuo. Be nɛ a na we nɛ a su muɔ ɔ sisi tete ɔ, jata amɛ yu a nɔ, nɛ a ku a wuhi tsuo dukuduku.

La 51:8

Ha ma nu lele hwɔmi, kɛ bua jɔmi he. E ngɛ mi kaa a gbla ye tue wawɛɛ lɛɛ, se ha nɛ ma na bua jɔmi ekohu.

Hosea 5:14

Imi Yawɛ, ma tsɔtslɔɔ Israel kɛ Yuda a mi ngɔ pue si kaa jata peeɔ nɔ́. Ma ngɔ mɛ kɛ ho; nɛ nɔ ko nɔ ko be nyɛe ma kpɔ mɛ ngɛ ye dɛ.

La 50:22

“Nyɛ nihi tsuo nɛ nyɛ hɛ je imi Mawu, ye nɔ ɔ, nyɛ susu nɔ́ nɛ ɔ he saminya. Ke pi ja a, ma tsɔtslɔɔ nyɛ, nɛ nɔ ko nɔ ko be nɛ ma kpɔ nyɛ.

La 39:10

Koo gbla ye tue hu; ye he wami ta! Bɔ nɛ o fiaa mi ní ɔ, e hiɛ!

Matsɛmɛ I, 20:36

Lɔ ɔ he ɔ, gbalɔ ɔ de e nyɛmi ɔ ke, “Akɛnɛ o bui Yawɛ fami ɔ tue he je ɔ, ke o je ye ngɔ pɛ kɛkɛ jata ko maa gbe mo.” Nɛ benɛ e je e ngɔ pɛ jata ko ya na lɛ nɛ jata a gbe lɛ.

La 7:2

Ke pi ja a, a maa gbla mi kɛ ya he nɛ nɔ ko be nɛ maa je ngmlaa ha mi. Lejɛ ɔ lɛ a ma ya tsɔtslɔɔ mi ngɛ kaa bɔ nɛ jata peeɔ ɔ.

La 32:4

Mo Yawɛ, o gbla ye tue nyɔ kɛ pia, nɛ ye he wami tsuo ta kaa bɔ nɛ nyu taa pa mi latsa be mi ɔ.

Kɔmɔ Yemi 3:4

E ha nɛ i ta he lo, nɛ ye he womi pee nyamanyama, nɛ e ku ye wuhi a mi.

Hiob 7:6

Ye ligbi ɔmɛ ngɛ bee mlamlaamla; a he ngɛ sɔe kulaa pe bo lolɔ kplɛ. Ligbi ɔmɛ ngɛ tae, se i be hɛ nɔ kami ko.

La 90:5

O ngɔɔ wɔ kɛ yaa kaa bɔ nɛ pa muɔɔ níhi kɛ yaa a; wa wami be ɔ tsuo ngɛ kaa mahe nɛ a hwɔ. Wa ngɛ kaa hu nɛ puɛɔ flɔflɔɔflɔ mɔtu.