Yesaya 37:7 - BAIBLO ALOO NGMAMI KLƆUKLƆU Ɔ

⁷ Hyɛ! Ma ha mumi ko maa ba e nɔ, nɛ e maa nu akeake munyu ko nɛ ma ha e maa kpale kɛ ya lɛ nitsɛ e zugba nɔ, nɛ ma ha e maa nɔ ngɛ ta mi ngɛ lejɛ ɔ.”

Yesaya 37:7 ပူးပေါင်းရင်းမြစ်များ

Yesaya 37:9

Kɛkɛ nɛ gbi ko ba su Asiria matsɛ ɔ, kaa Sudan matsɛ, Tirhaka hia ta kɛ nyɛɛ Egipt tabo ɔ hɛ mi kɛ ma nɛ e ba tua lɛ. Benɛ Asiria matsɛ ɔ nu sane nɛ ɔ, e ngma womi, nɛ e tsɔ kɛ ya ha Yuda matsɛ, Hezekia.

Kronika II, 32:21

Yawɛ tsɔ bɔfo ko nɛ e ba gbe Asiria ta buli ɔmɛ, kɛ asafoatsɛmɛ ɔmɛ tsuo ngɛ a sito he ɔ, nɛ Asiria matsɛ ɔ kɛ zo kpale kɛ ho e ma mi ya. Ligbi ko, benɛ a ngɛ e jami he ɔ, e binyumu ɔmɛ ekomɛ ya gbe lɛ kɛ klaate.

Hiob 15:21

E tue mi maa hi ngmlɛ fiae kɛ wo e he gbeye. Be mi nɛ e susu kaa e ngɛ he jɔmi mi ɔ, ojo fiali ma ba tua lɛ tlukaa.

Hiob 4:9

Mawu ngɔɔ abofu kɛ kpataa a hɛ mi kaa bɔ nɛ ahumi puɛɔ ní ɔ.

Matsɛmɛ II, 7:6

Yawɛ ha nɛ Siria bi ɔmɛ nububuubui ko he kaa nɔ́ nɛ tabo agbo ko hia kɛ ma, kɛ okpɔngɔhi, kɛ ta zugba lɛhi; nɛ Siria bi ɔmɛ susu kaa Israel matsɛ ɔ ya bɔ Hit bi a matsɛmɛ ɔmɛ, kɛ Egipt bi ɔmɛ a matsɛmɛ ɔmɛ apaa nɛ a ba tua mɛ.

La 58:9

Loko a hɛ maa ba a he nɔ ɔ, a poo mɛ ngɔ pue he kaa nga. Mawu maa ngɔ e mi mi la a kɛ bɛɛ mɛ kɛ ho be mi nɛ a ngɛ hɛ ngmengmle.

Yesaya 37:29

Akɛnɛ o kɛ mi tuɔ munyu basabasa, nɛ i nu o he nɔ womi hu he he je ɔ, ma ngɔ gbowe kɛ wo o gugwɔ mi; ma wo o nya mi dade, nɛ ma kpale mo kɛ gu blɔ nɛ o gu kɛ ba a nɔ.”