Yesaya 37:4 - BAIBLO ALOO NGMAMI KLƆUKLƆU Ɔ

⁴ Asiria matsɛ tsɔ e we asafoatsɛngua a kɛ ba jɛ Mawu hɛ kalɔ ɔ. Wa heɔ yeɔ kaa Yawɛ, o Mawu ɔ nu kikɛmɛ a jɛmi ɔ, nɛ ni nɛmɛ nɛ bɔ musu nɛ ɔ, e maa gbla a tue. Lɔ ɔ he ɔ, moo fa kue ha Yawɛ kɛ ha wa ti ni nɛmɛ nɛ piɛ ngɛ hiɛ ɔ.”

Yesaya 37:4 ပူးပေါင်းရင်းမြစ်များ

Samuel II, 16:12

Eko ɔ, Yawɛ maa hyɛ ye nɔ́ nami ɔ, nɛ e kɛ kpakpa maa to ahlua nɛ a ngɛ mi bɔe mwɔnɛ ɔ nane mi ha mi.”

Matsɛmɛ II, 17:18

Enɛ ɔ he je ɔ, Yawɛ mi mi fu Israel wawɛɛ nitsɛ, nɛ e je e hɛ ngɛ mɛ tsuo pɛpɛɛpɛ a nɔ, ja Yuda wɛtso ɔ pɛ.

Matsɛmɛ II, 19:4

Asiria matsɛ ɔ tsɔ e we asafoatsɛngua a kɛ ba jɛ Mawu hɛ kalɔ ɔ. Wa heɔ yeɔ kaa Yawɛ, o Mawu ɔ nu jɛmi munyu ɔmɛ, nɛ e maa gbla nihi nɛ tu munyu ɔmɛ a tue. Lɔ ɔ he ɔ, moo fa kue ha Yawɛ kɛ ha wa ti ni nɛmɛ nɛ piɛ ngɛ hiɛ ɔ.”

Kronika II, 28:19

Yuda matsɛ, Ahaz he ɔ, Yawɛ kɛ haomi ba Yuda ma a tsuo nɔ; ejakaa Ahaz ngmɛɛ ma a he kɛ fɔ si, nɛ e pee yayami babauu hu kɛ si Yawɛ.

Kronika II, 34:21

“Nyɛɛ ya nɛ nyɛ ya bi Yawɛ ga womi ha imi, kɛ nihi tsuo nɛ piɛ ngɛ Israel, kɛ Yuda a. Nyɛ ya bi lɛ womi nɛ a ya na nɛ ɔ mi munyu ɔmɛ a he sane. Yawɛ mi mi fu wɔ wawɛɛ nitsɛ, ejakaa wa nɛmɛ ɔmɛ yi Yawɛ mlaa a nɔ; níhi nɛ a ngma ngɛ womi nɛ ɔ mi ke a pee ɔ, a pee we fɛɛ.”

La 106:23

Benɛ Mawu de ke e ma kpata e ma a hɛ mi ɔ, e tsɔlɔ Mose nɛ e hla a nɛ da mi ha ma a. Mose lɛ jɔɔ Mawu abofu ɔ he, loko e kpataa we ma a hɛ mi ɔ nɛ.

La 50:21

O pee ní nɛ ɔmɛ tsuo; se akɛnɛ i de we nɔ́ ko he je ɔ, o susu kaa i ngɛ kaa mo. Jehanɛ lɛɛ i ngɛ o hɛ mi kae; i ngɔ nɔ́ tsuaa nɔ́ kɛ ngɛ o hɛ mi mae paa.

Yesaya 1:8

A si Yerusalem kɛ fɔ si mɔbɔmɔbɔ kaa ma nɛ ta sá e yi. E ngɛ kaa bulɔ tsu bi ko ngɛ wai ngmɔ mi, loo gba nɛ a ma ngɛ atlɛ ngmɔ mi.

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Yesaya 10:20

Jamɛ a be ɔ, Israel bi nɛ a yi na wami ɔ be a hɛ ngɔe kɛ fɔ ma a nɛ ka a hɛ mi kpatami ɔ nɔ hu. A maa ngɔ a hɛ kɛ fɔ Yawɛ, Israel Mawu klɔuklɔu ɔ nɔ kulaa.

Yesaya 10:22

E ngɛ mi kaa amlɔ nɛ ɔ, Israel ma a mi bi ɔmɛ a he hiɛ babauu kaa wo nya zia lɛɛ, se nihi bɔbɔyoo pɛ nɛ maa kpale kɛ ba. A fa nɛ a kpata ma a hɛ mi, nɛ jã pɛpɛɛpɛ nɛ e sa mɛ.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 36:13

Kɛkɛ nɛ asafoatsɛ ɔ te da si nɛ e kpa ngmlaa ngɛ Hebri gbi ɔ mi ke, “Nyɛɛ bu nɔ́ nɛ Asiria matsɛ nguaa ngɛ nyɛ dee ɔ tue.

Yesaya 36:18

Nyɛ ko ha nɛ Hezekia nɛ mlɔɔ nyɛ ke Yawɛ ma he nyɛ yi wami. Anɛ je ma amɛ a mawu ɔmɛ eko nyɛ kpɔ e zugba kɛ je Asiria matsɛ ɔ dɛ mi hyɛ lo?

Yesaya 36:20

Je ma amɛ tsuo a mawu ɔmɛ a ti eko nyɛ kpɔ e ma kɛ je Asiria matsɛ ɔ dɛ mi hyɛ lo? Lɛɛ mɛni haa nɛ nyɛ susuɔ kaa Yawɛ ma nyɛ kpɔ Yerusalem ngɛ ye dɛ mɔ?”

Yesaya 37:17

Yawɛ, wa kpa mo pɛɛ jehanɛ, mo bli o hɛngmɛ nɛ o hyɛ nɔ́ nɛ a ngɛ wɔ pee! Yawɛ, mo ta tue nɛ o nu munyuhi nɛ Senakerib ngɛ tue kɛ ngɛ mo, Mawu hɛ kalɔ ɔ, o he guɛ gbee!

Yesaya 37:31

Yuda we ɔ mi ni nɛmɛ nɛ a yi ma na wami ɔ, a ma plɔke kaa tsohi; a ma tsɛ̃ sipoku kɛ ya zu mi ekohu, nɛ a maa wo yiblii.

Yesaya 37:32

Ni komɛ maa piɛ kɛ̃, nɛ a maa je Yerusalem kɛ Zion yo ɔmɛ a nɔ kɛ ya; ejakaa Yawɛ Tabohiatsɛ ɔ ma tsu nɔ́ nɛ ɔ kɛ hɛdɔ.

Yesaya 37:5

Benɛ Yesaya nine su Matsɛ Hezekia sɛ ɔ nɔ ɔ,

Yesaya 41:14

Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

Yesaya 46:3

“Nyɛ ye ma a mi nihi tsuo, Yakob nina nɛ nyɛ ngɛ wami mi kɛ mwɔɔ, nyɛɛ bu mi tue. Imi ji nɔ nɛ baa nyɛ yi kɛ je nyɛ fɔmi be tɔɔ.

Yeremia 26:19

Nɛ Mika de nɔ́ nɛ ɔ, anɛ Yuda matsɛ, Hezekia kɛ ma a tsuo gbe lɛ lo? Dɛbi! Nɔ́ nɛ Hezekia pee mohu ji kaa e ye Yawɛ gbeye, nɛ e hla e se blɔ. Enɛ ɔ he je ɔ, yi mi nɛ Yawɛ to kaa e kɛ amanehlu maa ba ma a nɔ ɔ, Yawɛ tsake jamɛ a yi mi tomi ɔ. Amlɔ nɛ ɔ, wɔɔ lɛɛ wa ngɛ hlae nɛ waa kɛ amanehlu agbo nɛ ba wɔ nitsɛmɛ wa nɔ.”

Yeremia 42:2

ba, nɛ a ba de mi ke, “Wa kpa mo pɛɛ nɛ o pee nɔ́ nɛ wa ma bi mo ɔ ha wɔ! Kpa Yawɛ, wa Mawu ɔ pɛɛ ha waa kɛ nihi tsuo nɛ a yi na wami ɔ. Be ko ɔ, wa he hiɛ babauu, se piɔ lɛɛ wɔ nihi bɔɔ pɛ lɛ piɛ, kaa bɔ nɛ mo nitsɛ o ngɛ hyɛe ɔ.

Daniel 2:18

E de mɛ ke a fa kue ha Mawu nɛ ngɛ hiɔwe ɔ, konɛ e na mɛ mɔbɔ nɛ e je laami sane nɛ ɔ kpo ngɔ tsɔɔ mɛ, bɔ nɛ pee nɛ a ko gbe mɛ, kɛ Babilon ga woli kpa amɛ hulɔ.

Yoel 2:17

Osɔfo ɔmɛ nɛ sɔmɔɔ Yawɛ ngɛ e we ɔ mi sinya a nya, kɛ bɔ sami la tɛ ɔ he ɔ, a wo yana, nɛ a fa kue ke, “Yawɛ, naa o ma a mɔbɔ. Ko ha nɛ je ma kpa amɛ nɛ a bɔ wɔ ahlua, nɛ a ye wa he fɛu, nɛ a bi wɔ ke, ‘Jije nyɛ Mawu ɔ ngɛ?’ ”

Amos 5:15

Nyɛɛ hie nɔ́ nɛ dɛ blɔ. Nyɛɛ suɔ nɔ́ kpakpa, nɛ nyɛɛ hyɛ nɛ a ye dami sane ngɛ kojomi he ɔmɛ. Alini, Yawɛ Tabohiatsɛ Mawu ɔ maa na Yosef nina nɛ piɛɔ mɔbɔ.

Amos 7:2

Benɛ baalɛ ɔmɛ miɔ nɛ a ma kpe nga mumu ɔ tsuo ta zugba a nɔ ɔ, i fa kue ha Nyɔmtsɛ Yawɛ ke, “Nyɔmtsɛ Yawɛ, i kpa mo pɛɛ, ngɔɔ o ma a he yayami ɔ kɛ pa mɛ! Kɛ o ma a maa pee kɛɛ nɛ a yi ma na wami? Israel ɔ, ma wayoo kɛkɛ ji mɛ; a he wɛ tsɔ ko!”

Romabi 9:27

Yesaya hu kpa ngmlaa kɛ de ngɛ Israel he ke, “Ke Israel bi hiɛ kaa wo nya zia tete po ɔ, nihi nɛ piɛ ɔ pɛ a yi wami a ma he.

Yakobo 5:16

Lɔ ɔ he ɔ, nyɛɛ jaje nyɛ he yayami ɔmɛ kɛ tsɔɔ nyɛ sibi; nyɛɛ sɔle ha nyɛ sibi konɛ a tsa nyɛ. Ke nɔ nɛ peeɔ nɔ́ nɛ da fa kue ha Mawu ɔ, e tsuɔ ní saminya.

Yoshua 14:12

Lɔ ɔ he ɔ, ye zugba a nɛ Yawɛ wo mi he si jamɛ a ligbi ɔ, ngɔɔ ha mi. Jamɛ a ligbi ɔ, wa ba bɔ nyɛ amaniɛ ke oblai komɛ nɛ a tsɛɛ mɛ ke Anak bi ɔ ngɛ ma ngua komɛ nɛ a fia gbogbo ngɔ wo a he ɔ a mi ngɛ lejɛ ɔ. Se i de ke, eko ɔ, Yawɛ maa piɛ ye he nɛ ma fie mɛ kaa bɔ nɛ Yawɛ de ɔ.”

Samuel I, 12:19

nɛ a de Samuel ke, “Kpa Yawɛ, o Mawu ɔ pɛɛ ha wɔ, konɛ wa ko gbo; ejakaa wa na jehanɛ kaa ngɛ wa yayami kpa amɛ a se ɔ, wa pee yayami kaa wa bi ke a ha wɔ matsɛ.”

Samuel I, 12:23

Imi lɛɛ ma kpa Yawɛ pɛɛ ha nyɛ daa, nɛ ma tsɔɔ nyɛ nɔ́ nɛ hi, kɛ nɔ́ nɛ da, konɛ ma ko pee yayami kɛ si Yawɛ.

Samuel I, 14:6

Yonatan de niheyo ɔ nɛ hɛɛ e ta hwumi ní ɔmɛ ke, “Ha waa ho mɔmlɔtɔtsɛmɛ ɔmɛ a sito he ɔ ya. Eko piɔ, Yawɛ ma tsu nyakpɛ ní ha wɔ; ejakaa nɔ́ ko nɔ́ ko tsi Yawɛ nya kaa e kɛ nihi fuu, loo bɔɔ ma he nihi a yi wami.”

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Samuel I, 17:36

I gbe jatahi kɛ osisiblisihi hyɛ, nɛ ja nɔuu ma pee kikɛmɛ a Filisti no mɔmlɔtɔtsɛ nɛ ɔ, ejakaa e bɔ Mawu hɛ kalɔ ɔ tabo ɔmɛ ahlua.”

Samuel I, 7:8

nɛ a de Samuel ke, “Moo hi kue fae kɛ hi Yawɛ, wa Mawu ɔ hae, konɛ e je wɔ kɛ je Filisti bi ɔmɛ a dɛ mi.”