Yesaya 37:1 - BAIBLO ALOO NGMAMI KLƆUKLƆU Ɔ

¹ Benɛ Matsɛ Hezekia nu amaniɛ ɔ, e kɛ aywilɛho hía e tade ɔmɛ ngɛ e he. E ha kpekpe ya bo, nɛ e pue nɔ kɛ ho Yawɛ we ɔ ya.

Yesaya 37:1 ပူးပေါင်းရင်းမြစ်များ

Yesaya 36:22

Kɛkɛ nɛ Eliakim, Hilkia binyumu ɔ nɛ hyɛɛ matsɛ we ɔ nɔ ɔ, Shebna, matsɛ pɛdiyo ɔ, kɛ Yoa, Asaf binyumu ɔ nɛ ji sanehi ngmalɔ ɔ kɛ aywilɛho hía tade ɔmɛ ngɛ a he; nɛ a ho ya bɔ Matsɛ Hezekia níhi tsuo nɛ Asiria matsɛ ɔ we asafoatsɛ ɔ de ɔ.

Ezra 9:5

Gbɔkuɛ bɔ sami be ɔ, i gbe ye hwɔ hami ɔ nya, nɛ i te si ngɛ zugba kɛ ye he tade sisi nɔ́ ɔ, kɛ nɔha nɔ́ ɔ nɛ i hía a. I kplã si, nɛ i wo ye nine nɔ kɛ ha Yawɛ, ye Mawu ɔ.

Matsɛmɛ II, 22:11

Benɛ Matsɛ Yosia nu mlaa womi ɔ mi munyuhi nɛ a ngɛ kanee ɔ, e kɛ aywilɛho hía e tade ɔmɛ,

Mateo 11:21

“Korazin, musu tloo mo! Betsaida, mo hu musu tloo mo! Nyakpɛ ní babauu nɛ a pee ngɛ nyɛ mi ɔ, a ya pee ngɛ Tiro, kɛ Sidon mohu jinɛ a tsake a tsui momoomo. Jinɛ Tiro, kɛ Sidon bi ma bu kpekpe ya bo, nɛ a maa ngɔ a he kɛ wuwlua la zu mi kɛ tsɔɔ kaa a tsake a tsui niinɛ.

Yeremia 36:24

Se matsɛ ɔ jio, ma nimeli ɔmɛ nɛ nu sane nɛ ɔ jio, nɔ ko nɔ ko yi gbeye; nɔ ko nɔ ko hu hía we e tade kɛ tsɔɔ kaa nɔ́ ɔ hao lɛ.

Yeremia 26:19

Nɛ Mika de nɔ́ nɛ ɔ, anɛ Yuda matsɛ, Hezekia kɛ ma a tsuo gbe lɛ lo? Dɛbi! Nɔ́ nɛ Hezekia pee mohu ji kaa e ye Yawɛ gbeye, nɛ e hla e se blɔ. Enɛ ɔ he je ɔ, yi mi nɛ Yawɛ to kaa e kɛ amanehlu maa ba ma a nɔ ɔ, Yawɛ tsake jamɛ a yi mi tomi ɔ. Amlɔ nɛ ɔ, wɔɔ lɛɛ wa ngɛ hlae nɛ waa kɛ amanehlu agbo nɛ ba wɔ nitsɛmɛ wa nɔ.”

Kronika II, 32:20

Kɛkɛ nɛ Matsɛ Hezekia kɛ gbalɔ Yesaya, Amoz binyumu ɔ fa kue ha Mawu.

Ester 4:1

Benɛ Mordekai na le níhi tsuo nɛ a pee ɔ, e kɛ hía e tade ɔmɛ ngɛ e he. E ha kpekpe ya bo, nɛ e muɔ la zu ngɔ pue e yi mi; kɛkɛ nɛ e je kpo kɛ nyɛɛ ma a mi kɛ ya boboobo, hluu

Yesaya 22:12

Jamɛ a ligbi ɔ, Nyɔmtsɛ Yawɛ Tabohiatsɛ ɔ tsɛ ke nyɛ fo ya nɛ nyɛɛ ye kɔmɔ; nyɛɛ sɛ nyɛ yi kpalokpalo, nɛ nyɛɛ ha kpekpe ya bo,

Yesaya 37:14

Matsɛ Hezekia he womi ɔ ngɛ tsɔli ɔmɛ a dɛ, nɛ e kane. Lɔ ɔ se ɔ, e ho Yawɛ we ɔ ya, nɛ e ya bli womi ɔ mi gbajaa ngɔ pue si ngɛ Yawɛ hɛ mi,