Yesaya 36:9 - BAIBLO ALOO NGMAMI KLƆUKLƆU Ɔ

⁹ O ngɛ blɔ hyɛe nɛ Egipt ba ha mo ta zugba lɛhi kɛ okpɔngɔ ta buli, be mi nɛ ye nyɔmtsɛ ɔ we asafoatsɛ nyafii pe kulaa a po o be lɛ nyɛe.

Yesaya 36:9 ပူးပေါင်းရင်းမြစ်များ

Yesaya 10:8

E fĩaa nɛ e deɔ ke, “Anɛ ye tatsɛmɛ ɔmɛ ɔ, pi matsɛmɛ ji mɛ tsuo lo?

Yeremia 2:36

Nyɛɛ hyɛ bɔ nɛ nyɛ nane nya ngɛ sɔe kɛ ngɛ yae kɛ ngɛ bae, nɛ nyɛ ngɛ yemi kɛ buami hlae ngɛ je ma amɛ a ngɔ! Nyɛ hɛ mi ma pue si ngɛ Egipt kaa bɔ nɛ nyɛ hɛ mi pue si be ko ngɛ Asiria a.

Yesaya 36:6

Tse o ngɛ blɔ hyɛe kaa Egipt ma ba piɛ o he? O ngɛ kaa nɔ ko nɛ e kɛ gla pee dɛma tso; gla a maa ku nɛ e maa gbɔ o dɛ mi. Egipt matsɛ ɔ ngɛ kaa gla. E gbɔɔ nɔ tsuaa nɔ nɛ ngɔɔ e he kɛ kpasaa lɛ.”

Yesaya 31:3

Egipt bi ɔmɛ ɔ, nimli adesahi kɛkɛ ji mɛ; tsa pi Mawu ji mɛ. A we okpɔngɔ ɔmɛ ɔ, lohwehi kɛkɛ ji mɛ, tsa pi Mawu mumi nɛ ngɛ a mi. Ke Yawɛ gba ta a, je ma ko je ma ko be nya nyɛe maa da; je ma nɛ he wa jio, je ma nɛ a ya je ngmlaa ha lɛ jio, mɛ tsuo a hɛ mi ma kpata.

Yesaya 30:7

Egipt be nɔ́ kpakpa ko nyɛe maa pee. Lɔ ɔ he ɔ, i wo lɛ se mi biɛ ke, ‘Nyaka nɛ tee, se e he be gbeye.’ ”

Yesaya 20:5

Nihi nɛ ngɔ a hɛ ngɔ fɔ Sudan nɔ, nɛ a fĩa fɔ Egipt nɔ ɔ, a hɛ mi maa pee mɛ yaa, nɛ a hɛ kɛ nɔ fɔmi tsuo maa ta.

Abɛ Womi 21:31

Adesa dlaa e we okpɔngɔ he kɛ ha ta hwumi; se kunimi yemi ɔ lɛɛ Yawɛ dɛ mi e ngɛ.

Matsɛmɛ II, 18:24

O ngɛ blɔ hyɛe nɛ Egipt ba ha mo ta zugba lɛhi, kɛ okpɔngɔ tatsɛmɛ, be mi nɛ ye nyɔmtsɛ ɔ we asafoatsɛ nyafii pe kulaa a po o be lɛ nyɛe.

Mose V, 17:16

Matsɛ ɔ ko hi ta okpɔngɔhi babauu; nɛ e ko tsɔ kɛ ya he okpɔngɔhi ngɛ Egipt; ejakaa Yawɛ de ke e ma a ko kpale kɛ ya lejɛ ɔ gblegbleegble.

Matsɛmɛ II, 7:6

Yawɛ ha nɛ Siria bi ɔmɛ nububuubui ko he kaa nɔ́ nɛ tabo agbo ko hia kɛ ma, kɛ okpɔngɔhi, kɛ ta zugba lɛhi; nɛ Siria bi ɔmɛ susu kaa Israel matsɛ ɔ ya bɔ Hit bi a matsɛmɛ ɔmɛ, kɛ Egipt bi ɔmɛ a matsɛmɛ ɔmɛ apaa nɛ a ba tua mɛ.

Yesaya 36:8

I kɛ mo maa po nga ngɛ ye nyɔmtsɛ, Asiria matsɛ ɔ biɛ mi. Ma ha mo okpɔngɔ akpe enyɔ kaa o ma na mo nitsɛ o nihi nɛ maa hi a nɔ lo.