Yesaya 34:3 - BAIBLO ALOO NGMAMI KLƆUKLƆU Ɔ

³ A be ni nɛmɛ nɛ nɔ ɔ pue; a ma sake a gbogboe ɔmɛ kɛ pue he kɛ a he fu gbɛ̃ɛ̃; nɛ yo ɔmɛ a nɔ maa pee tsutsuutsu kɛ a muɔ ɔ sɔuu.

Yesaya 34:3 ပူးပေါင်းရင်းမြစ်များ

Yoel 2:20

Ma je baalɛ tabo nɛ je omleyi je ba tua nyɛ ɔ kɛ je nyɛ he kɛ ho lokoo ya. Ma fie fa kɛ ho zugba kplanaa a nɔ ya. A hɛ kpɛ ta a ma ya pue Ngo wo ɔ mi, nɛ a se ta a ma ya pue Mediterenia wo ɔ mi. A gbogboe ɔmɛ maa je fu kanikani. Ejakaa a pee nyɛ níhi nɛ nya wa.

Ezekiel 39:4

Gog maa nɔ ta ngɛ Israel yo ɔmɛ a nɔ; e tabo ɔ, kɛ je ma amɛ nɛ piɛ e he ɔ tsuo a hɛ mi ma kpata. Ma ha a gbogboe ɔmɛ maa pee niye ní ha lohwe pɛlitsɛmɛ nɛ yeɔ lo, kɛ nga mi lohwe awi yeli tsuo.

Yesaya 34:7

Nimli ɔmɛ ma gbo kaa pu mi nahi, kɛ na ku katsɛmɛ. Zugba zu ɔ maa pee tsutsuutsu kɛ muɔ, nɛ zɔ ɔ ma futu zu ɔ tsɔfii.

Kpojemi 14:20

A nga wai yiblii ɔ ngɛ wai ngami nɔ́ ɔ mi ngɛ ma a nya. Nɛ muɔ je wai ngami nɔ́ ɔ mi be kaa pa; e kami maa pee si tomi lafa enyɔ, nɛ e mi kuɔmi hu maa pee nane enuɔ.

Amos 4:10

“I ha nɛ gbenɔ hiɔ ba sɛ nyɛ kpɛti kaa nɔ́ nɛ i kɛ ba Egipt zugba a nɔ be ko ɔ. I ha nɛ nyɛ nihewi ɔmɛ gbo ngɛ ta mi, nɛ nyɛ he nyɛli ɔmɛ ha nyɛ ta okpɔngɔ ɔmɛ. I ha nɛ nyɛ ni gbogboe ɔmɛ je fu wo nyɛ ngɛ nyɛ sito he ɔ. Se loloolo ɔ, nyɛ kpale we kɛ bɛ ye ngɔ.

Ezekiel 39:11

Yawɛ ke, “Ke ní nɛ ɔmɛ na ba mi ɔ, ma ha a maa pu Gog ngɛ Israel zugba a mi, ngɛ ‘Blɔ hiali a kɔ̃’ ɔ mi, ngɛ Ngo wo ɔ beleku je. A maa pu Gog kɛ e ta a tsuo ngɛ kɔ̃ ɔ mi, nɛ a maa wo lejɛ ɔ biɛ ke ‘Gog ta buli a kɔ̃.’

Ezekiel 38:22

Ma ngɔ gbenɔ hiɔ, kɛ muɔ si puemi kɛ gbla Gog tue. Ma ha hiɔmi nɛ nya wa, kɛ gbiɛ ngo ngu maa nɛ wawɛɛ, nɛ la nɛ ngɛ tsoe gegeege maa je hiɔwe ma ba kpata e kɛ e ta a, kɛ je ma amɛ nɛ piɛ e he ɔ tsuo a hɛ mi.

Ezekiel 35:6

Lɔ ɔ he ɔ, imi Nyɔmtsɛ Yawɛ, i ngɛ ye he kita kae ke a ma kpata o hɛ mi; o yi be wami nae kɔkɔɔkɔ. O pue muɔ si, lɔ ɔ he ɔ, a ma pue mo hu o muɔ si.

Ezekiel 14:19

“Ke i ha nɛ gbenɔ hiɔ ba jamɛ a zugba a nɔ, nɛ ye mi mi la ha a pue muɔ si, nɛ a kpata nimlihi, kɛ lohwehi tsuo a hɛ mi ɔ,

Yeremia 22:19

A maa pu lɛ kaa bɔ nɛ a puɔ teji; a maa gbla lɛ kɛ ho, nɛ a ma ya sake lɛ kɛ fɔ Yerusalem agbo ɔmɛ a se.”

Yesaya 10:4

Nɔ́ nɛ maa ba nyɛ nɔ ji, nyɛ maa nɔ ngɛ ta mi, aloo a maa nuu nyɛ kɛ ho kaa pamitsɛmɛ. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 66:24

“Ke a je hiɛ ɔ, a ma ya na nihi nɛ kua mi ɔ a gbogboehi nɛ pueɔ si. Gɔgɔ nɛ gbogboe ɔmɛ wo ɔ be gboe gblegbleegble, nɛ la nɛ ngɛ mɛ sããe ɔ hu a be nyɛe maa gbe; a maa pee he mi nyɛɛmi nɔ́ ha nimli adesahi tsuo.”

Yeremia 25:33

Jamɛ a ligbi ɔ, nihi nɛ Yawɛ maa gbe ɔ, a ma sake mɛ kɛ fɔ he kɛ maa je je ɔ nyagbe he kake kɛ maa ya nyagbe he kake. Nɔ ko nɔ ko be kɔmɔ yee ha mɛ, nɛ a be mɛ ngɔe kɛ ho nɛ a ya pu hulɔ; a ma plɛ pee kuku ngɛ zugba a nɔ.

Nahum 3:3

Ta buli nɛ hi okpɔngɔhi a nɔ ba tua ma a; klaate ɔmɛ ngɛ la pãe nylamnylam! Nɛ akplɔ ɔmɛ ngɛ kpɛe plamplam! A bua ni gbogboe ɔmɛ a nya glekuuglekuu; nihi nɛ gbo ɔ hiɛ babauu; a li a yibɔ; a ngɛ mɛ tɛe, nɛ a ngɛ a nɔ nɔe ngɛ a blɔ mi!

Ezekiel 32:4

Ma sake mo ngɔ fɔ zugba; nɛ lohwe pɛlitsɛmɛ, kɛ nga mi lohwehi tsuo ma ba ye mo.